Waroma 1:11 - Kivunjo New Testament 1999

¹¹ Kyipfa ngyilangyie mnu immbona nyoe, ngyiiṙime imuenenga kyisumbo kya mrimenyi, kundu mukarisho mulalolome.

Waroma 1:11 ပူးပေါင်းရင်းမြစ်များ

Mawuto Ga Wasu 16:5

Siṟi tsikawaṙa pfinya kyiiṙi kya Iiṙikyia lyilya, wandu waiṙikyie Yesu wakaengyeṟika orio mfiri.

Mawuto Ga Wasu 19:21

Mbonyi-tso tsamsie, Paulo kaṙumbuo mrimenyi kokye iyenda Makyedonia na Akaya mṟasa Yerusalemu, echigamba, “Ngamkaa pfo kyingyiwaṟi iwona na Roma taa.”

Mawuto Ga Wasu 19:6

Na Paulo, amwayekyie mawoko, Mumuyo Mweele kasokyia wuye yawo; wakawooka iṙeṙa kui mṙeṙie ngyihya na ionguo shisuku.

Waroma 1:12

Kyimwi na igamba, luwiyiṟiane moo inyi na nyoe, orio mndu kui iiṙikyia lya oṙoe, lyanyu na lyako.

Waroma 15:23

Kyaindi wulalu, cha kyipfa kulawoṙe-se kyindo kyingyishingyie ngyuura tsa kunu, lyingyi-se wookyia maka ifoi ngyilangyie icha na konyu;

Waroma 15:29

Ngyiichi kye ngacha na konyu ngyemuendie mboṟa ing'anyi ya Kristo.

Waroma 15:32

Ngyiiṙime ishika konyu kui sia, chandu Ruwa akundi, ngyiiṙime ionyonya hamwi na nyoe.

Waroma 16:25

Wulalu naṟumisho ulya echiiṙima imukarisha, iṙuana na Ndumi Ngyicha ngyileonguo kya wucha wo Yesu Kristo, kyilyingananyi na kyilya kyiwekuṟiikyie wookyia kyiyeri kyileshi kyileiṙa. Wulalu Ruwa nashukuo

2 Wakorinto 1:15

Na inyi ngiwoṙe ikusuria-lyo ngiwekundi ishika konyu iho kuwooka, kundu muwone kyisumbo kya kawi;

2 Wakorinto 1:21

Kyasia ulya ekyelukarisha hamwi na nyoe kui Kristo, na ilushia mafuṙa, nyi Ruwa,

2 Wakorinto 11:4

Kyipfa mndu oose kacha eonguo Yesu ungyi lulalemwonguo soe, ang'u mukoambilyia mumuyo ungyi alakyeri cha ulya muleambilyia, ang'u ndumi ngyicha ingyi ilakyeri cha iya muleambilyia, muwuta necha iṙuana na oe!

2 Wakorinto 9:14

Nawo wawenyi, wechiterewa kyipfa kyanyu, wamukundi mnu mrimenyi kowo kyipfa kya isaṟia lya Ruwa lyileingyikyi mnu konyu.

Waefeso 1:8

Kyipfa Ruwa nyi mṟingyishi oko, ngyimkundi nyoe chandu Yesu Kristo amkundi.

Waefeso 2:26

Cha kyipfa nalangyie mnu immbona nyoe na nalewihiyo mnu mrimenyi kyiyeri aleicho kye momanya mbonyi tsa ndoṟe yakye.

Waefeso 4:1

Kyasia, wana wa wama wako, wakunde wako, ngyiwoṙe ilanga lying'anyi kyipfa kyanyu, sia yako na iṟikoso lyako, koikyo goṟokyenyi kyiiṙi kya Mndumii kulawoṙe iloloma, wakunde wako.

1 Watesalonikye 3:13

Naiṙime itarama mrima yanyu ilalolome ilawaṙe kyindo kyoose mndu eiṙima igamba kye ingyiwicho, wuelenyi mbele ya Ruwa, Awu oṙu, kyiyeri kya icha lya Mndumii oṙu Yesu hamwi na wandu wa Ruwa woose.

1 Watesalonikye 3:2

Lukoṙuma Timoteo mono-wama oṙu, mṟundi o Ruwa iṟundenyi lyeonguo Ndumi Ngyicha ya Kristo, kundu namukarishe nyoe na immbiyiṟia moo ko mbonyi tsa iiṙikyia lyanyu;

2 Watesalonikye 2:17

namuwiyiṟie moo na imukarisha orio ṙeṙonyi na iṟundenyi lyicha.

2 Watesalonikye 3:3

Kyaindi Mndumii nekyeafutsia shilya ateṟia, echimukarisha na imuringa mulatewo nyi mmbicho ulya.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

1 Petiro 5:12

Silyiwano, mono-wama ekyeafutsia shilya ateṟia, naṟeia paruo-i handu hako. Ngamuṟeia shindo shaangu, iikyimbia na iṟingyishia kye ilyi nyilyo isaṟia lya loi lya Ruwa. Goṟokyenyi isaṟienyi lya Ruwa kulawoṙe iloloma.

2 Petiro 1:12

Koikyo ngyikusurie imukumbuṟa isho mfiri yoose, maa chandu mushiichi na iṟingyishio kyiiṙi kya loi mukyeri nayo.