Wakolosai 2:8 - Kivunjo New Testament 1999

⁸ Mndu alachemuṙetsa kui wuṟango wokye na wulembi wulawoṙe kyiira, kui mbaṟe ya malosho ga shilya wandu wekyeambilyia ko waku wawo, kui mbaṟe ya malosho ga kuwooka ga wuyana, maa chi kui mbaṟe ya Kristo-pfo.

Wakolosai 2:8 ပူးပေါင်းရင်းမြစ်များ

Matayo 10:17

Kuṟiisenyi na wandu cha kyipfa wechimṙuo mengyenyi, na masinagoginyi gawo wechimkapa.

Matayo 16:6

Yesu kawawia, “Kushowenyi na chachu ya Mafarisayo na Masadukayo.”

Matayo 7:15

“Kushowenyi na weonguo shisuku wa wongo, wandu wekyecha na konyu wakyeri cha moondo, kyaindi ipfo mrimenyi kowo nyi shisii shilang'a.

Mawuto Ga Wasu 17:18

Na wandu waata wawekyelosha malosho ga Waepikureo na Wastoiko, wakagaluana na oe. Wengyi wakagamba, “Tondo-lyi lyikundi igamba kyi?” Wengyi wakagamba, “Nai cha mndu aionguo mbonyi tsa waruwa wengyi, cha kyipfa naweionguo mbonyi tsa Yesu na iṟutso lya wapfu.”

Mawuto Ga Wasu 17:32

Kyasia kyiyeri waleicho mbonyi tsa iṟutso lya wapfu wengyi wakanyeṟe; na wengyi wakagamba, “Lochikuaṙanyia-se lyingyi.”

Waroma 16:17

Wana wa wama wako, ngyimuterewa ambuyenyi walya wawoṙe wuṟiingyi na mbonyi tseolotsa wengyi kui malosho galaṙuṙanyi na shilya mulekulosha. Kushowenyi nawo.

1 Wakorinto 10:12

Koikyo akusaṟie kye nagoṟokyi naambuye necha alaolokye.

1 Wakorinto 8:9

Kyaindi ambuyenyi wuiṙimi-wu wonyu wo iwuta kyoose mokunda wulachetewe walya wafafa wanyamaṟe.

2 Wakorinto 10:5

lochinyamaṟa makusaṟo na orio kyindo kyekyeshingyia, kyekyeshingyia wuṟango wo Ruwa, na lochichilyia orio mndu naiṙime iindia Kristo.

Wagalatia 1:14

Na inyi wandunyi wa rika lyako inyi ngyiwekyeri mbele kuta wengyi kyipfuṟukanionyi kyeindia Ruwa chandu Wayuda wekyemwindia, ngatambagana mnu iosha shilya ngyileambilyia ko waku wako.

Wagalatia 4:3

Na wuṙo na soe, kyiyeri luwekyeri wana watutu, lukowa watumo wa mumuyo ichilyie wuyana.

Wagalatia 4:9

Indi wulalu mommanye Ruwa, ang'u ngoseṟa Ruwa imumanya nyoe, nyi kyikyi kyitewe kyewiyilyia malosho ga mawookyionyi gamafofo, gai mti, galya mukundi igaṟundia-se?

Wagalatia 5:15

Kyaindi mukowika cha mando ga saka, ambuyenyi mularumatsane.

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

Wafilyipi 4:20

Indi nyoe, chi wuṙo mulekulosha ko Kristo-pfo.

Wafilyipi 5:6

Mndu alamulembe kui maṙeṙo galawoṙe kyiira; cha kyipfa, kyipfa kya ikyo nyashi ya Ruwa yekyeolokyia wana wa wunyamaṟi.

Waefeso 3:2

Kushowenyi na wandu wakyeri cha shite, walya wekyewuta shindo shiwicho. Kaenyi kuleshi na walya wekyeitika wandu iṙino.

Wakolosai 2:18

Mndu alamusokye wori wonyu, kui iindia chandu akukundia amonyi tikyi, na iindia malaika, echikuloṟa shindonyi amloṟe indi shilai sha loi echikushela, kui wuṟango wokye wo kyimmbiu.

Wakolosai 2:20

Kyasia kokooya mulepfa hamwi na Kristo mukoṙa malosho galya ga kuwooka ga wuyana, ny'kyilyi muichilyio nyi mawawaso cha wandu wakyeri wuyanenyi, kunu mochiosha mawawaso na malosho ga wandu?

Wakolosai 2:22

(Shindo-sho shoose shiwoṙe kyiira kawi-pfo.)

Wakolosai 2:23

Mbonyi-tso tsiloṟie cha ilyi tsiwoṙe wuṟango, mbaṟenyi ya wuyendelyi wo iterewa Ruwa muleachikyia muwenyi, na kyiiṙi kya ipfereria, na kyiiṙi kya ichilyia mmbiu kui wulang'a nakamwi, kyaindi tsiwoṙe kyiira kyoose kyiiri kya ichilyia lango tsa mmbiu-pfo.

1 Timoteo 6:20

Iyoe Timoteo, ringa kyilya Ruwa alekuṙambika, ukushowe na malosho galaṙuṙanyi na galya ga wandu wekyeindia Ruwa, ga wutondo, na maṙeṙo ga wutondo gekyelago malosho kui wongo;

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.

Waebrania 3:12

Ambuyenyi, wana wa wama, maa umwi onyu alawaṙe mrima mmbicho ulawoṙe iiṙikyia; kui ikuletsana na Ruwa ai na moo.

1 Petiro 1:18

Na nyoe manyenyi kye mulekyiṟo chi kui shindo shekyenyamaṟika cha heleri ang'u sahapu-pfo; muiṙime iwuka mkaṟonyi onyu ulawoṙe kyiira muleuambilyia ko waku wanyu;

2 Petiro 3:17

Kyasia, wakunde, mukosonguo imanya isho, kuringyenyi mrima yanyu, mulacheṙoo nyi maṙeko ga wanyamaṟi-wo, mukooloka na iṙa kyilya muiṙikyie.

2 Yohane 1:8

Ringyenyi mrima yanyu mulaṙetse shilya mulewuta, indi muambilyie wori wuafutsie.