Wakolosai 2:2 - Kivunjo New Testament 1999

² Kundu wawiyiṟio moo mrima yawo, wechisanzo ikundenyi wawone wunjama woose wo imanya kui wuloi, waiṙime imanya nakamwi wuṟikyi wo Ruwa, kyimwi na igamba kye nyi Kristo;

Wakolosai 2:2 ပူးပေါင်းရင်းမြစ်များ

Matayo 11:25

Kyiyeri kyilya Yesu kagaluo, kagamba, “Ngakuana, Awu, Mndumii o ruwewu na uruka, kyipfa shindo-shi ulekunda ishitambuluya wawoṙe wuṟango-pfo, kyaindi kotambuluya wana watutu.

Matayo 11:27

Kagamba, “Ngyimṙambikye shoose na Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya Mana akunda imtambuluya.

Matayo 13:11

Kagaluo kawawia, “Nyoe muwaenengye imanya shiṟika sha Wumangyi wo ruwewu, kyaindi wo wawaenengye-pfo.

Luka 1:1

Kyipfa kya ilyi wandu wafoi waletambagana iṟeia necha mbonyi tsilya tsilewutika koṙu,

Yohane 10:30

Inyi na Awu lukyeri kyindo kyimwi.”

Yohane 10:38

Kyaindi ngagaṟunda, maa kokooya mulangyiiṙikyia inyi, iṙikyienyi maṟunda-go; muiṙime imanya kye Awu nai kyiiṙi kyako, na inyi ngyii kyiiṙi kya Awu.”

Yohane 16:15

Na shoose Awu awoṙe nyi shako. Ny'kyo kyitewe ngagamba nechiicho shilya ngyekyegamba na imuongoya.”

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 5:17

Kawagaluo, kawawia, “Awu oko naiṟunda mṟasa wulalu, na inyi ngyiṟunda.”

Yohane 5:23

kundu wandu woose waindie Mana chandu wekyeindia Awu. Mndu alekyeindia Mana ekyeindia Awu ulya alemṙuma-pfo.

Yohane 6:69

Na soe lommbaṙa iiṙikyia; lyingyi-se lomanya kye iyoe nyi oe Mweele o Ruwa.”

Mawuto Ga Wasu 4:32

Na wandu walya waweiṙikyie Yesu wawekyeri kyindo kyimwi; maa kuwoṙe maa umwi alegamba kye kyindo kyoose awoṙe nyi kyakye amonyi-pfo; indi shindo shoose waleikanana.

Waroma 15:13

Kyasia-ng'u Ruwa mokusuria namuichuṟe nyoe sia yoose na ufoṟo iiṙikyienyi, kundu muengyeṟikye mnu iwaṙa ikusuria, pfinyenyi tsa Mumuyo Mweele.

Waroma 16:25

Wulalu naṟumisho ulya echiiṙima imukarisha, iṙuana na Ndumi Ngyicha ngyileonguo kya wucha wo Yesu Kristo, kyilyingananyi na kyilya kyiwekuṟiikyie wookyia kyiyeri kyileshi kyileiṙa. Wulalu Ruwa nashukuo

Waroma 2:4

Ang'u nuimina wucha wokye wufoi na wusimiri wokye na ikarishia lyakye, ulamanye kye wucha wo Ruwa wukukuruo uiṙime iṙumbuya wunyamaṟi?

1 Wakorinto 14:31

Cha kyipfa nyoe moose moiṙima ionguo shisuku umwi umwi, kundu woose waiṙime ikulosha, na woose wawiyiṟio moo.

1 Wakorinto 2:12

Kyaindi soe luleambilyia mrima o wuyana-pfo, indi Mumuyo awukyie ko Ruwa, kundu luiṙime imanya shilya Ruwa akusaṟie.

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

Wafilyipi 1:7

Kyiiṙi kyakye kui samu yakye, luwoṙe wukyiro woṙu, ihooṟio wunyamaṟi, iṙuana na isaṟia lyakye lying'anyi.

Wafilyipi 3:16

Namutarame, iṙuana na wunjama wo mng'ano okye, ikarisha kui pfinya, kui iṟunda lya Mumuyo okye, naengyeṟe imukarisha.

Wafilyipi 3:3

Kye kui ishukuyo nyi Mumuyo ngyileloṟo kyiṟika-kyo chandu ngyilesonguo iṟeia kui maṙeṙo maangu.

Wafilyipi 6:22

Ulya ngyimṙuma konyu kyipfa kya ikyo muiṙime imanya mbonyi tsaṙu, na oe nawiyiṟie mrima yanyu moo.

Waefeso 2:1

Kyasia kokooya kuwoṙe iwiyiṟiana moo kyiiṙi kya Kristo, kokooya kuwoṙe ikarishana kui ikunda, kokooya kuwoṙe iwaṙana Mumuyonyi, kokooya kuwoṙe iwoniana wukyiwa,

Waefeso 3:8

Yee, ngoseṟa ya isho, ngyiwonyi shindo shoose nyi sha wulya kyipfa kya wucha wung'anyi mnu wo imanya Kristo Yesu, Mndumii oko; ulya kyipfa kyakye ngyileṙetsa shindo shoose ngyechishiwona kye nyi mboshia kundu ngyiwone Kristo.

Wakolosai 1:26

Wuṟikyi wulya wuwewuṟikye shiyeri shoose sha kacha na wookyia shishari shoose, indi wulalu woloṟo ko wandu wa Ruwa.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 1:9

Kyipfa kya ikyo maa soe, wookyia mfiri ulya luleicho, luwika shiterewo kyipfa kyanyu, kundu muichuṟio imanya lya mrimenyi ko ikunda lyakye wuṟangonyi woose na imanyisho lya mrimenyi.

Wakolosai 2:19

Maa alawaṙe Mṙoe, ukyeri kye kui icho mmbiu oose uigutso na isanzo kui shiwungo na mri ya mmbiu, okyeng'ana kui chandu Ruwa akundi.

Wakolosai 3:14

Ngoseṟa ya isho shoose waṙenyi ikunda, lyikyeri nyilyo lyaafutsia iiṙikyia.

Wakolosai 4:3

Mochiluterewia na soe taa, kye Ruwa nalupfunguye moongo kui Ṙeṙo lyilya lyakye, luonguo wuṟikyi wo Kristo, ngyimpfungye kyipfa kya wuṟikyi-wo,

Wakolosai 4:8

Icho ngamṙuma konyu kyipfa kya kyindo-kyo ikyo, kundu mumanye mbonyi tsaṙu, na oe nammbiyiṟie moo mrima yanyu.

1 Watesalonikye 1:5

Kye Ndumi Ngyicha lulemuongoya iwekyeri kui maṙeṙo tikyi-pfo, indi na kui pfinya, na Mumuyonyi Mweele, kui iṟingyishia na pata kye ulogo-lu nyi lo loi. Chandu muichi chandu mkaṟo yaṙu iwekyeri konyu, kyipfa kyanyu.

1 Watesalonikye 3:2

Lukoṙuma Timoteo mono-wama oṙu, mṟundi o Ruwa iṟundenyi lyeonguo Ndumi Ngyicha ya Kristo, kundu namukarishe nyoe na immbiyiṟia moo ko mbonyi tsa iiṙikyia lyanyu;

1 Watesalonikye 5:14

Wana wa wama, lomuterewa, ṙeṙienyi walya walawoṙe wuyendelyi wucha; karishenyi wafofo, iṟichenyi wafafa; karishienyi wandu woose.

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 6:11

Na soe lukundi orio umwi onyu naṟingyishie wuragari wulya wulya, mṟasa mafurumionyi;

2 Petiro 1:10

Koikyo wana wa wama, pfuṟukanenyi ngoseṟa ikarisha ilago lyanyu na isambuṟo lyanyu; kyipfa mukowuta isho mochikapa ṙende-pfo.

2 Petiro 1:3

Cha kyipfa wuiṙimi wokye wo kyiRuwa wuleluenenga shindo shoose shiwaṟi moo na iowuo hamwi na iindia Ruwa, kui immanya oe alelulaga kui mng'ano okye na wucha wokye amonyi.

2 Petiro 3:18

Kyaindi ng'anenyi isaṟienyi, na kyiiṙi kya imanya Mndumii oṙu na Mkyiṟa Yesu Kristo. Mng'ano ui kokye wulalu na mlungana.

1 Yohane 3:19

Kyipfa kya ikyo lochimanya kye lukyeri wa loi, na soe lochiwiyiṟia mrima yaṙu moo mbele yakye,

1 Yohane 5:7

Wakyeri waṟaaṟu waiṟingyishia: