Wakolosai 1:9 - Kivunjo New Testament 1999

⁹ Kyipfa kya ikyo maa soe, wookyia mfiri ulya luleicho, luwika shiterewo kyipfa kyanyu, kundu muichuṟio imanya lya mrimenyi ko ikunda lyakye wuṟangonyi woose na imanyisho lya mrimenyi.

Wakolosai 1:9 ပူးပေါင်းရင်းမြစ်များ

Yohane 7:17

Mndu kakunda iwuta kyilya Ruwa akundi, nechimanya mbonyi tsa malosho-ga, kye gawukyie ko Ruwa, ang'u kye inyi ngyiṙeṙa kui wuchilyi woko inyi ngyimonyi tupu.

Mawuto Ga Wasu 12:5

Kyasia Petiro karingo kulya kyipfungonyi, na siṟi ikaterewa Ruwa kui wuragari kyipfa kyakye.

Waroma 12:2

Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

1 Wakorinto 1:5

Kyipfa kyiiṙi kya orio kyindo mulewa wanjama kyiiṙi kyakye, mbonyinyi tsoose, na wuṟangonyi woose.

Wafilyipi 1:8

Na oe naleluengyeṟia ikyo wuṟangonyi woose na wunyotsu;

Wafilyipi 5:10

mochipfuṟukana ikulosha nyi kyikyi kyekyechihiṟa Mndumii.

Wafilyipi 5:17

Kyipfa kya ikyo mulawe matondo, indi mumanye ny'kyikyi Mndumii akundi.

Wafilyipi 6:6

Maa chi kui wutumo wo meso tikyi cha waikukomba ko wandu-pfo; indi cha watumo wa Kristo, mowuta shechihiṟa Ruwa kui mrima.

Waefeso 1:4

mfiri yoose orio kyiyeri ngyekyemuterewia nyoe moose, ngyechiterewa kui sia,

Wakolosai 1:6

ileshika konyu, chandu kyikyeri wuyanenyi koose; na ikumbia ndunda na ing'ana, chandu ing'ana konyu taa, wookyia mfiri ulya muleicho mukomanya mnu isaṟia lya Ruwa kyiiṙi kya loi.

Wakolosai 3:16

Ṙeṙo lya Kristo lyiingyikye mrimenyi konyu na wuṟangonyi woose, mochiloshana na itutumana kui shiimbo, na shiimbo shetembecheṟa mrima; kunu mochiimbia Ruwa kui iana mrimenyi konyu.

Wakolosai 4:12

Epafura, akyeri mndu o konyu, mṟundi o Yesu Kristo, namuiṟikyiṟa, echipfuṟukana mfiri yoose kyipfa kyanyu shiterewonyi shakye, kundu kye mugoṟokye muafutsie iiṙikyia na iṟingyishio mnu shindonyi shoose Ruwa akundi.

Wakolosai 4:5

Kaenyi kui wuṟango mbele ya iwo walaiṙikyie Yesu, mochiambuya mndu alaṙetse kyiyeri.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

1 Watesalonikye 5:17

terewenyi kulawoṙe itsitsia;

2 Watesalonikye 1:11

Koikyo lumuterewia nyoe mfiri yoose, kundu Ruwa oṙu namutale kye muwaṟi ilago lyanyu, kaafutsia orio njia ya wucha na orio iṟunda lya iiṙikyia kui pfinya.

Filemon 1:4

Ngyiana Ruwa oko mfiri yoose, ngyechikukumbuo shiterewonyi shako;

Filemon 1:6

kundu kui iwaṙana lya iiṙikyia lyaṙu na iyoe luṟunde iṟunda lyakye; kyiiṙi kya orio imanya kyindo kyicha kyikyeri koṙu, kyiiṙi kya Kristo.

Waebrania 10:36

Kyipfa muwaṟi iwaṙa wusimiri, kundu kye mukommbuta shilya Ruwa akundi muambilyie kyaasa kyilya.

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

Yakobo 1:5

Kyaindi mndu o konyu kauṟa wuṟango, naterewe ko Ruwa, ekyeenenga woose kui ilekyia, maa ekyeṟoṟoma-pfo; na oe nechienengo.

Yakobo 3:17

Kyaindi wuṟango wuwukyie wuye, kya kuwooka wuwucha, ngoseṟa nyi wo ufoṟo, nyi wo wuhoo, wukuṟeyeṟie iaṙanyia maṙeṙo ga wandu, wuichuo isaṟia na ndunda ngyicha, wuwoṙe wuṟiingyi maa wuwoṙe wukulembecheṟi-pfo.

1 Petiro 2:15

Cha kyipfa nyisho shindo Ruwa akundi. Kye kui iwuta shindo shicha mushingye maṙumbu ya wutondo ga matondo.

1 Petiro 4:2

Wookyia wulalu mulaengyeṟe iosha lango tsa mmbiu, indi oshenyi shilya Ruwa akundi, kyiyeri kyanyu kyitsugai kyekaa iha wuyanenyi.

1 Yohane 2:17

Na wuyana wuisia, hamwi na lango tsa wuyana-wo, indi ulya ekyewuta shilya Ruwa akundi nechikaa ho mṟasa mlungana.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.