Wafilyipi 6:19 - Kivunjo New Testament 1999

¹⁹ na kyipfa kyako taa, ngyienengo pfinya yeonguo kundu ngyiiṙime iloṟa wandu kyiṟika kyilya kya Ndumi Ngyicha.

Wafilyipi 6:19 ပူးပေါင်းရင်းမြစ်များ

Mawuto Ga Wasu 13:46

Paulo na Barinaba wakaṙeṙa kui wukari, wakagamba, “Kyiwewaṟi Ṙeṙo lya Ruwa lyiongoyo konyu kuwooka; kyaindi kyipfa mulyitsindikyia kuleshi, na ikuicho mrimenyi konyu kye muwaṟi moo o mlungana-pfo, wulalu luyenda ko wandu walaiṙikyie Ruwa.

Mawuto Ga Wasu 14:3

Kyasia wakakaa pfo kyiyeri kyileshi, wechiṙeṙa kulawoṙe wuowu mbonyi tsa Mndumii, aleṟingyishia Ṙeṙo lya isaṟia lyakye, echiwasaṟia ṟigo na shindo sha maṟiyisho shiwutikye kui shilya aweiwuta.

Mawuto Ga Wasu 18:26

Akyeri sinagoginyi kawooka iṙeṙa kulawoṙe wuowu; na kyiyeri Pirisikyila na Akyila waleicho eṙeṙa wakamṙuo kowo, wakamwongoya mbonyi tsa Mndumii necha ngoseṟa.

Mawuto Ga Wasu 19:8

Kaiṙa na sinagoginyi, kaṙeṙa kui wukari kyiyeri kya mori iṟaṟu, echigaluana na wandu, na iwakuṙuo waiṙikyie mbonyi tsa Wumangyi wo Ruwa.

Mawuto Ga Wasu 2:4

Woose wakaichuṟo nyi Mumuyo Mweele, wakawooka iṙeṙa kui mṙeṙie ingyi, chandu Mumuyo alewaenenga wuiṙimi.

Mawuto Ga Wasu 28:31

echionguo mbonyi tsa Wumangyi wo Ruwa, na ilosha mbonyi tsa Yesu Kristo, kulawoṙe wuowu, na kulawoṙe mndu alemshingyia.

Mawuto Ga Wasu 4:13

Kyasia kyiyeri walewona wuṟango na wukari wo Petiro na Yohane, na imanya kye nyi wandu walasomie, walaichi shindo shifoi, wakaṟiyio, wakamanya kye wawekyeri hamwi na Yesu.

Mawuto Ga Wasu 4:29

Kyasia wulalu, Mndumii, ambuya chandu waiowesha; uenengye waṟundi wapfo ionguo Ṙeṙo lyapfo kui wuṟango na wukari,

Mawuto Ga Wasu 4:31

Na wamterewe Ruwa, handu halya wawesanzie hakasunzo-sunzo, woose wakaichuo Mumuyo Mweele, wakaonguo Ṙeṙo lya Ruwa kui wuṟango na wukari.

Mawuto Ga Wasu 9:27

Kyaindi Barinaba kaṙuo Saulyi ko wasu, kawawia chandu alewona Mndumii Yesu njienyi, na kye naleṙeṙa na oe, na chandu aleonguo mbonyi ngyicha tsa Yesu kulya Dameskyi kui wuṟango na wukari.

Mawuto Ga Wasu 9:29

Kaonguo mbonyi tsa Mndumii Yesu kui wukari, echiṙeṙa na igaluana na Wayuda wawekyeṙeṙa mṙeṙie o Kyikyiṟikyi. Nawo wakatambagana immbaaga.

Waroma 15:30

Kyasia-ng'u, wana wa wama wako, ngyimuterewa kyipfa kya Mndumii oṙu Yesu Kristo, na kyipfa kya ikunda lyekyeendo nyi Mumuyo, pfuṟukanenyi hamwi na inyi shiterewonyi shanyu kyipfa kyako mbele ya Ruwa.

Waroma 16:25

Wulalu naṟumisho ulya echiiṙima imukarisha, iṙuana na Ndumi Ngyicha ngyileonguo kya wucha wo Yesu Kristo, kyilyingananyi na kyilya kyiwekuṟiikyie wookyia kyiyeri kyileshi kyileiṙa. Wulalu Ruwa nashukuo

1 Wakorinto 1:5

Kyipfa kyiiṙi kya orio kyindo mulewa wanjama kyiiṙi kyakye, mbonyinyi tsoose, na wuṟangonyi woose.

1 Wakorinto 2:7

Indi lokyeonguo wuṟango wo Ruwa kui kyiṟika, wuṟango wulya wuwuṟikye, wulya Ruwa awekundi luuonguo wookyia mawookyionyi, kundu lung'anyiso.

1 Wakorinto 4:1

Mndu naluwone kye lukyeri waṟundi wa Kristo, na wandu Ruwa awaenengyie iṟunda lyeonguo wuloi wokye wukuṟiikyie.

2 Wakorinto 1:11

Na nyoe mukotaramana na soe kyipfa kyaṙu kyiiṙi kya iterewa, kundu kyipfa kya kyisumbo kyilya luenengo soe kui itarama wandu wafoi, wandu wafoi waane kyipfa kyaṙu.

2 Wakorinto 3:12

Kyasia, kyipfa luwoṙe iweṙelyia lya mbaṟe-i luwika wuragari na wukari wung'anyi.

2 Wakorinto 6:11

Luilosha kulawoṙe wuowu konyu nyoe Wakorinto. Mrima yaṙu yaloṟa ikunda konyu.

2 Wakorinto 7:4

Ngyiwoṙe wukari wung'anyi konyu; ngyiwoṙo nyi ikushela lying'anyi kyipfa kyanyu. Ngyiichuo nyi iwiyiṟio moo, wukyiwenyi woṙu woose ngaichuo sia ya ngosera.

2 Wakorinto 8:7

Kyaindi chandu muwoṙe shindo shifoi, iiṙikyia, iṙeṙa, na wuṟango, na wuragari woose, na ikunda lyanyu koṙu soe; kyasia na wuṙo muambilyie wuingyi wo isaṟia-lyi taa.

Wafilyipi 1:9

amluloṟe kyiṟika kya kyilya akundi, iṙuana na kyilya akundi kyiiṙi kya icho.

Wafilyipi 3:9

na iloṟa ngyeela ko wandu woose wamanye mbonyi tsa wuchilyi wo kyiṟika-kyo kyikyeri kye wookyia shiyeri shoose kyiwekyiṟikye kyiiṙi kya Ruwa alegumba shindo shoose.

Wakolosai 2:2

Kundu wawiyiṟio moo mrima yawo, wechisanzo ikundenyi wawone wunjama woose wo imanya kui wuloi, waiṙime imanya nakamwi wuṟikyi wo Ruwa, kyimwi na igamba kye nyi Kristo;

Wakolosai 4:3

Mochiluterewia na soe taa, kye Ruwa nalupfunguye moongo kui Ṙeṙo lyilya lyakye, luonguo wuṟikyi wo Kristo, ngyimpfungye kyipfa kya wuṟikyi-wo,

1 Watesalonikye 2:2

Kyaindi kuwooka lomulyiso wukyiwa na iinyalo, chandu muichi, kulya Filyipi, lulekaria kyiiṙi kya Ruwa imuongoya nyoe Ndumi Ngyicha ya Ruwa, kui iikapania mnu.

1 Watesalonikye 5:25

Wana wa wama, luterewienyi.

2 Watesalonikye 3:1

Lyefurumia, wana wa wama, luterewienyi, Ṙeṙo lya Mndumii lyiengyeṟikye na ing'anyiso chandu kyikyeri konyu.

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

Filemon 1:22

Na hamwi na isho ungyiṟeyeṟie handu hekaa; kyipfa ngyikusurie kye kui shiterewo shanyu mochitaramo ingyiwona.

Waebrania 13:18

Luterewienyi; kyipfa luiṙikyie kye luwoṙe makusaṟo mecha mrimenyi, lukundi iwaṙa mkaṟo mcha shindonyi shoose.