Wafilyipi 6:11 - Kivunjo New Testament 1999

¹¹ Ṟaenyi shisha shoose sha Ruwa, muiṙime iwingana na ngyeṟo tsa Satana.

Wafilyipi 6:11 ပူးပေါင်းရင်းမြစ်များ

Mariko 13:22

Cha kyipfa kochiwoneka Makristo ga wongo, na weonguo shisuku wa wongo, wechiloṟa shiṟingyishio na maṟiyisho, waiṙime imlemba, kokooya kyaiṙimika, maa iwo wasambuṟe.

Waroma 13:12

Kyio nyi iiṙa kyii kyingoto kyamtikyira kufuhi; kyasia luṙe mawuto ga meema, na iṟaa shisha sha ngyeela.

Waroma 13:14

Indi irenyi shisha sha Mndumii Yesu Kristo, maa mulaambuye mmbiu, mṟasa muamtse lango tsacho.

1 Wakorinto 10:13

Nyoe muleyesho, sile kyiyesho kyilya kyekyecha na ko wandu woose-pfo. Indi Ruwa nekyeafutsia shilya ateṟia. Ruwa ulya alechimuṙa nyoe muyesho kuta wuiṙimi wonyu. Kyaindi hamwi na kyiyesho kyilya nechiwika na moongo o fumia, kundu muiṙime ikarishia.

2 Wakorinto 10:4

(kyipfa shisha sha shiṙa shaṙu chi sha kyiwuyana-pfo, indi shiwoṙe pfinya kyiiṙi kya Ruwa mṟasa iunduo moombo;)

2 Wakorinto 11:3

Kyaindi ngyiowuo; chandu njoka iya ilelemba Eva kui ngyeṟo tsayo, ilachenyamaṟa makusaṟo ganyu, mukoṙa wunyotsu na wucha wonyu ko Kristo.

2 Wakorinto 2:11

Satana alaenengo ṙaawa lyelulemba; cha kyipfa lolemo imanya ngyeṟo tsakye-pfo.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

2 Wakorinto 6:7

Ṙeṙonyi lya loi, pfinyenyi ya Ruwa; kui shisha sha wusumganyi sha kuwoko ko kulyoe na sha kuwoko ko kumoso.

Wafilyipi 4:14

Kundu lulawe-se wana watutu, lochiwiyitso ipfo na ipfo, na iṙoo nyi orio mkuma o malosho geṙetsa, kui ngyeṟo tsa wandu, kui mbiṟi, lochiosha njia tsa wulembi.

Wafilyipi 4:24

Muwaṙe mchumie o mndu mhya, ulegumbo kui mbaṟe ya Ruwa wusumganyinyi na wuelenyi wo loi.

Wafilyipi 6:13

Kyipfa kya ikyo irenyi shisha shoose sha Ruwa, muiṙime iwingana mfiri ya mawicho na mukommarisa shoose, igoṟoka.

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

1 Watesalonikye 5:8

Kyaindi soe lokyewuta shindo cha ilyi orio kyindo kyekyewuto ngyeelenyi, luwaṙe meena, kunu lochiwaṙa iiṙikyia na ikunda na lukusurie nakamwi ikyiṟo nyi Ruwa, na ikyo kyechiwa kyindo kyeringa mṙoe yaṙu ilakapo nyi kyindo.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

Yakobo 4:7

Kyasia indienyi Ruwa. Legenyi Satana, na oe nemṙicha.

1 Petiro 5:8

Muwaṙe meena na ilaa kyiṙombo; cha kyipfa mokyituwa onyu Mokyiriinzi, cha simba isepfuo, nekyetenga-tenga, echipfula mndu nammeṟe.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 19:20

Indo lyilya lyikawoṙo, na moonguo shisuku ulya o wongo hamwi nalyo, ulya alewuta shindo-sho sha maṟiyisho mbele yalyo, shilya alelemba nasho wandu walya waleambilyia kyindo kyilya kyeloṟa kye wo nyi wa indo-lyo, na walya waleterewa na iindia ifano lyalyo. Wewawi wakawiyitso wai na moo iruwenyi lya moṙo lyekyeaka kui kyipiriti.

Ulogo 2:24

Kyaindi ngammbia nyoe mukyeri Tiatira, woose walawoṙe malosho-go, walaichi ngyeṟo tsa Satana, chandu wekyegamba, ngyechimṙika ṟio lyingyi-pfo.