Wafilyipi 5:27 - Kivunjo New Testament 1999

²⁷ Naiṙime ikuenenga oe amonyi Siṟi iwoṙe kyiṟumi ilawoṙe ṙeko ang'u kyindo kyoose kyiwicho, indi iwe ngyiele ilawoṙe maṙeko.

Wafilyipi 5:27 ပူးပေါင်းရင်းမြစ်များ

2 Wakorinto 11:2

Kyipfa ngyimunyeng'ia, wunyeng'i wo Ruwa; kyipfa ngyilemukosia msoṟo umwi, kundu ngyiendie Kristo mana mkyega mcha.

2 Wakorinto 4:14

Luichi kye ulya aleṟutsa Mndumii Yesu nechiluṟutsa na soe hamwi na Yesu, na iluende na mbele yakye hamwi na nyoe.

Wafilyipi 1:4

Chandu alelusambuṟa kyiiṙi kyakye kyiyeri wuyana wulawendegumbo, kundu luwe wandu wa Ruwa, wandu walawoṙe mti mbele yakye ikundenyi.

Wakolosai 1:22

mmbiunyi o nyama yakye, kui ipfa lyakye, kundu namuende na mbele yakye, nyoe wandu wa Ruwa, mulawoṙe maṙeko maa italyio kyindo kyiwicho.

Wakolosai 1:28

Icho luionguo mbonyi tsakye, lochiikyimbia orio mndu, na ilosha orio mndu wuṟangonyi woose, luiṙime iende orio mndu aafutsie iiṙikyia kyiiṙi kya Kristo.

1 Watesalonikye 5:23

Ruwa o ufoṟo amonyi namuilyishe nakamwi, na nyoe mrima yanyu na ngoo tsanyu na mmbiu yanyu, muwe wandu mulawoṙe ṙeko, kyiyeri kya icha lya Mndumii oṙu Yesu Kristo.

Waebrania 9:14

kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?

1 Petiro 1:19

indi kui samu ya woguru, cha ya kyiondo kyilawoṙe tewe, ya Kristo.

2 Petiro 3:14

Koikyo, wakunde, kyipfa muiweṙelyia mbonyi-tso, pfuṟukanenyi kundu muwono ufoṟonyi kye muwoṙe ṙeko maa sonu mbele yakye-pfo.

Yuda 1:21

kuringyenyi ikundenyi lya Ruwa, kunu mochiweṙelyia iwonio wukyiwa lya Mndumii oṙu Yesu Kristo, mṟasa muambilyie moo o mlungana.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 14:4

Iwa nyiwo walekyefanyiṟo nyi waka, cha kyipfa nyi wakyega. Iwa nyiwo wekyeosha Kyiondo kya Ruwa orio handu kyayenda. Iwa wawaguṟe ko wandu, kyilyimu kya kuwooka ko Ruwa na ko Kyiondo kya Ruwa.