Wafilyipi 2:14 - Kivunjo New Testament 1999

¹⁴ Kyipfa oe nyi oe ufoṟo loṙu, aleluwutia soe luwekyeri wawi lukowa umwi; kafunja kyiambasa kya makyiṙi-gawi kyiweluletsanie.

Wafilyipi 2:14 ပူးပေါင်းရင်းမြစ်များ

Luka 1:79

Ilyimikyia wai meemenyi na kyirinjenyi kya upfu, na isongoya maṙende gaṙu kui njia ya ufoṟo.”

Luka 2:14

“Naṟumisho Ruwa wuye Ruwewu, na wuyanenyi kuwe ufoṟo ko wandu awakundi.”

Yohane 10:16

Ngyiwoṙe na moondo gengyi, galakyeri ga mfiṟiga-chu; na igo nago kyingyiwaṟi igaende na kunu mfiṟigenyi, na ṟui lyako gechilyiaṙanyia. Naaho-ng'u kochiwaṙa poo lyimwi na mlyisi umwi.

Yohane 11:52

Maa chi kyipfa kya uruka-lo tupu-pfo; kyaindi hamwi na isho nasanie wana woose wa Ruwa wanyanyaṟikyie; kundu wawe wamwi.

Yohane 16:33

Isho ngammbia muiṙime iwaṙa ufoṟo muwaṙanyi na inyi. Kunu wuyanenyi muwoṙe fowa; kyaindi kuwanzenyi; inyi ngyilewinga wuyana.”

Mawuto Ga Wasu 10:28

Kawawia, “Nyoe muichi kye chi sungusinyi mndu alakyeri Myuda naoshane na mndu o isanga lyingyi maa iyenda kokye-pfo, kyaindi Ruwa nalegyiikyimbia, ngyilagambe kye kuwoṙe mndu afanyi kyimṟumoe alawaṟi ikaa na wandu wengyi-pfo.

Mawuto Ga Wasu 10:36

Mbonyi tsilya aleṙooya wana wa Isiraelyi, echionguo mbonyi ngyicha tsa ufoṟo kui Yesu Kristo (nyi oe Mndumii o woose),

Waroma 5:1

Kyasia lukomtalyio wusumganyi uwukyie iiṙikyienyi luwaṙe ufoṟo na Ruwa, kui njia ya Mndumii oṙu Yesu Kristo.

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

Wafilyipi 2:15

Na oe ammbute kyituwa kyilya kui mmbiu okye; nyigo mawawaso ga shindo wandu wawaṟi iwuta na walawaṟi iwuta; kundu nawikye iwo wawi wawe mndu umwi mhya kyiiṙi kyakye; kaende ufoṟo.

Wafilyipi 2:17

Kacha kacheonguo ufoṟo konyu nyoe muwekyeri kuleshi, na ufoṟo ko walya wawekyeri kufuhi.

Wafilyipi 3:15

icho akyeri kye kui rina lyakye wuawu woose wo ruwewu na wo wuyanenyi wuisendo.

Wafilyipi 4:16

Kui oe mmbiu oose ochilungo na iwaṙana kui wutarami wo orio kyiwungo, iṙuana na iṟunda lya orio kyiwungo; iṟunda lyekyeṙosa mmbiu uiṙime ikukarisha umonyi ikundenyi.

Wakolosai 1:20

Na kyiiṙi kyakye isanza shindo shoose na oe amonyi, amwende ufoṟo kui samu ya msalaba okye; kokooya nyi shindo shikyeri urukyenyi, ang'u shikyeri ruwewu.

Wakolosai 2:20

Kyasia kokooya mulepfa hamwi na Kristo mukoṙa malosho galya ga kuwooka ga wuyana, ny'kyilyi muichilyio nyi mawawaso cha wandu wakyeri wuyanenyi, kunu mochiosha mawawaso na malosho ga wandu?

Wakolosai 3:11

Iho kuwoṙe Mkyiṟikyi maa Myuda-pfo, iṙino maa iṙa iṙino-pfo, muyenu maa tondo, mtumo maa ulya alakyeri mtumo-pfo, indi Kristo nyi shoose, na kyiiṙi kya shoose.

Wakolosai 3:15

Na ufoṟo lo Kristo luloṟe kyilya kyiwaṟi mrimenyi konyu, nyikyo mulelagio mmbiunyi umwi; lyingyi-se muwe wandu wekyeana.

Waebrania 13:20

Kyasia, Ruwa o ufoṟo aleende-se iwuka ko wapfu Mlyisi Ang'anyi o moondo, kui samu ya mma o mlungana, oe Mndumii oṙu Yesu,

Waebrania 7:2

Ulya Abrahamu alemgawia kyifunjoe kya ikumi kya shindo shoose; (rina lyakye lya kuwooka nyi mangyi o wusumganyi, lyingyi-se nyi mangyi o Salemu, kyimwi na igamba, mangyi o ufoṟo.