Waefeso 4:19 - Kivunjo New Testament 1999

¹⁹ Na Ruwa oko nechimuenenga na imuichuṟia pacha orio kyindo muuṟie iṙuana na wunjama wokye, kyiṟuminyi kya Yesu Kristo.

Waefeso 4:19 ပူးပေါင်းရင်းမြစ်များ

Matayo 6:32

Cha kyipfa isho shoose wandu walaṙikyie Ruwa wekyeshipfula. Na awu-yonyu o ruwewu naichi kye mukundi isho shoose.

Yohane 20:17

Yesu kammbia, “Ulangyipaaye, cha kyipfa ngyilandeṙo na ruwewu ko Awu-pfo. Kyaindi yenda ko wana wa wama wako uwawie ngyiiṙo na ruwewu ko Awu oko na oe nyi Awu onyu, ko Ruwa oko na oe nyi Ruwa onyu.”

Yohane 20:27

Numa ya iho kawia Tomasi, “Goṟuo kuwoko kopfo; ambuya mawoko gako, waṙa uwarinyi koko; molawe mndu alaiṙikyie, indi aiṙikyie.”

Waroma 1:8

Kuwooka ngyiana Ruwa oko kyiiṙi kya Yesu Kristo kyipfa kyanyu nyoe moose, kyipfa iiṙikyia lyanyu lyiongoyo wuyanenyi koose.

Waroma 11:33

Chandu wunjama na wuṟango na imanya lya Ruwa shikyeri, ianduya lyakye lyekyemanyika-pfo, maa njia tsakye tsechiwa isoruo-soruo-pfo!

Waroma 2:4

Ang'u nuimina wucha wokye wufoi na wusimiri wokye na ikarishia lyakye, ulamanye kye wucha wo Ruwa wukukuruo uiṙime iṙumbuya wunyamaṟi?

Waroma 8:18

Cha kyipfa ngyitala matuuro ga kyiyeri-kyi kya wulalu kye chi kyindo cha mng'ano ulya ochiloṟo koṙu-pfo.

Waroma 9:23

Lyingyi-se, kundu naṟingyishie wung'anyi wo kyiṟumi kyakye kui shindo shilya sha isaṟia, aleshiachikyia wookyia kacha shiwaṙe kyiṟumi.

2 Wakorinto 12:21

Na inyi ilyi ngyechicha-se, Ruwa oko alachengyienenga irigo nyi sonu konyu, na inyi ngyisuo kyipfa kya wafoi waleṙeko wookyia iho, walaṙumbuye wunyamaṟi wo ukoe, na wuṟui, na lango tsingyi tsa sonu.

2 Wakorinto 4:17

Kyipfa matuuro gaṙu gai maangu, gakyeri ga kyiyeri kyifuhi tikyi, gekyeluwutia mng'ano o mlungana uingyikyie mnu.

Wafilyipi 1:18

Ruwa naṟuguo mrima yanyu iiṙime iwona, mumanye ikusuria lya ilaga lyakye chandu lyikyeri; na wusuṟi wo mng'ano wo kyioṟa kyakye wandunyi wa Ruwa chandu wukyeri.

Wafilyipi 1:7

Kyiiṙi kyakye kui samu yakye, luwoṙe wukyiro woṙu, ihooṟio wunyamaṟi, iṙuana na isaṟia lyakye lying'anyi.

Wafilyipi 2:7

Kundu kyiiṙi kya shiyeri-sho shiicha naloṟe ielewetsa lya isaṟia lyakye kui wucha wokye koṙu soe kyiiṙi kya Kristo Yesu.

Wafilyipi 3:16

Namutarame, iṙuana na wunjama wo mng'ano okye, ikarisha kui pfinya, kui iṟunda lya Mumuyo okye, naengyeṟe imukarisha.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Waefeso 4:7

Na ufoṟo lo Ruwa, luiṟie wuṟango woose lochiringa mrima yanyu na makusaṟo ganyu kyipfa muwalungye na Kristo Yesu.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 3:16

Ṙeṙo lya Kristo lyiingyikye mrimenyi konyu na wuṟangonyi woose, mochiloshana na itutumana kui shiimbo, na shiimbo shetembecheṟa mrima; kunu mochiimbia Ruwa kui iana mrimenyi konyu.

1 Watesalonikye 2:12

kundu mkaṟo yanyu iṙuane na chandu Ruwa akundi, ulya ekyemulaga nyoe kundu muiṙe na Wumangyinyi wokye na kyiṟumi kyakye.

1 Timoteo 6:17

Walya wakyeri wanjama wa wuyana wo wulalu uwawie walakushele, maa walakusurie wunjama wowo wukyeri cha mboshia, indi wakusurie Ruwa ekyeluenenga shindo shoose kulawoṙe iehia kundu luṟunde nasho kui sia.

Filemon 1:4

Ngyiana Ruwa oko mfiri yoose, ngyechikukumbuo shiterewonyi shako;

1 Petiro 5:1

Ngyiterewa wameeku wa siṟi wakyeri konyu, inyi ngyikyeri meeku oṙiawo, na mṟingyishi o wukyiwa Kristo alelyiso, na ienengo kyiṟumi kyechiloṟo ipfo-ndu luiyenda;

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.