Waefeso 4:17 - Kivunjo New Testament 1999

¹⁷ Chi kye ngyikundi iambilyia shisumbo tikyi-pfo indi ngyikundi iwona ngoseṟa ya shindo shilya shicha mulemmbuta.

Waefeso 4:17 ပူးပေါင်းရင်းမြစ်များ

Yohane 15:16

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Yohane 15:8

Kuṙo Awu oko neching'anyiso, kyipfa muikumbia ndunda tsifoi mnu; na nyoe mochiwa wanalosho wako.

Waroma 15:28

Ngammarisa iṟunda-lyo na iwaenengyia kyilya kyilesanio kyipfa kyawo, ngyeiṙia konyu ngyechiyenda Spania.

2 Wakorinto 11:16

Ngyigamba-se, mndu alakusaṟe kye inyi ngyimtondo. Kyaindi maa mukokusaṟa kyako kuṙo, mungyiambilyie cha tondo; kundu na inyi ngyiiṙime ikushela kyitutu.

2 Wakorinto 9:5

Kyasia ngyilewona kyangyikooya ngyitutume wana wa wama-wa wasonguoe ishika konyu, na iachikyia iwinyi kyisumbo kyanyu mulekyiteṟia wookyia kacha, kundu kyiwe kyamuṟeyeṟo, na kuṙi kyiwe cha kyienengo, maa chi cha kyindo kyekyeenengyio kui iitiko-pfo.

Waefeso 1:11

muwaichuṟe shindo shicha shilya Yesu tikyi eiṙima imuenenga wuiṙimi wo ishiwuta, kui mng'ano na kyiṟumi kya Ruwa.

Waefeso 4:11

Chi ngyigamba kuṙo kyipfa ngyiuṟie kyindo-pfo; kyipfa ngyikuloshie ishiko na shilya ngyiwoṙe.

1 Watesalonikye 2:5

Kyipfa chandu muichi lulewaṙa maṙeṙo gepfula ikundo maa kyiyeri kyifuhi-pfo. Maa maṙeṙo gemuiring'ishia kya wongo gawewoṙe kyimaṙuma kyeṟika wuehi wo mrima yaṙu-pfo, na Ruwa nyi oe mṟingyishi.

1 Timoteo 3:3

Chi mndu aichiwie wunanzi-pfo, chi mndu ekyekapa wandu-pfo; indi nawe mhoo. Chi mndu mogaluana kui maṙeṙo, maa mndu akundi heleri-pfo.

1 Timoteo 6:10

Kyipfa mri o mawicho ga orio mbaṟe nyi ikunda heleri. Nyi kui ikunda mnu heleri wandu waata walelekana na iiṙikyia wechikulyisa ngyuukyiwa tsifoi.

Tito 1:7

Kyipfa kyiwaṟi askofu nawe nyi mndu alekyegambo kye nawoṙe wuwicho woose. Alawe mndu mokushela, cha kyipfa nyi mndu ekyeringa iṟunda lya Ruwa. Alawe mndu ekyepfula ichihiṟa mrima okye. Alawe mwanguhu ikapo nyi nyashi, alawe mnanzi ang'u mndu moluyana. Alawe mndu awoṙe wulanga wo sonu wo masaa ga sonu.

Tito 3:14

Wandu waṙu nawo wakuloshe iwuta shindo shicha orio kyiyeri, ko shindo shilya shiwaṟi tikyi; walacheewa wandu waiṟunda wulya.

Waebrania 6:10

Cha kyipfa Ruwa ammbicho mṟasa nawaṙime iṟunda lyanyu-pfo, na ikunda lyilya mulelyiṟingyishia kui rina lyakye, cha kyipfa muleṟundia wandu wa Ruwa, na mṟasa wulalu muwaṟundia.

1 Petiro 5:2

lyisenyi poo lya Mndumii lyikyeri konyu, na ilyigoṟokyia. Chi kui iitiko-pfo, indi kulawoṙe iitiko, chandu Ruwa akundi, chi kui ikunda iwona heleri tsa sonu-pfo, indi kui ikuwuta nakamwi.

2 Petiro 2:15

Wechiṙa njia ngyigoṟotsu, wakaṙeka; wechiosha njia ya Balaamu, mana o Beori, alekunda wori wo wuwicho;

2 Petiro 2:3

Kui lango tsawo ngyiwicho wechiwona kyiira kyipfa kya imuongoya mbonyi tsa wongo. Wookyia kacha Ruwa alemuwaanduya na iṙumbuo kya inyamaṟo lyawo. Ruwa ekyelaa-pfo, nechiwaanduya chandu agambie.

Yuda 1:11

Ochia lowo! Kyipfa waleosha njia ya Kaini, na iosha ṙeko lya Balaamu kyipfa kya heleri. Walenyamaṟa chandu na Kora alenyamaṟa, nawo walerumatso cha oe.