Waefeso 4:14 - Kivunjo New Testament 1999

¹⁴ Kyaindi mulewuta necha, kyiyeri mulelya wukyiwa hamwi na inyi.

Waefeso 4:14 ပူးပေါင်းရင်းမြစ်များ

Matayo 25:21

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Waroma 15:27

Yee, kyachihiṟa wandu wa Makyedonia, lyingyi-se wairiko nyi wandu walya wafofo wa Yerusalemu. Cha kyipfa kokooya wandu walakyeri Wayuda waleambilyia iwuka kowo shindo sha mrima, kyawakooya wo iwatarama kui shienengo sha kyiwuyana.

Wagalatia 6:6

Manalosho naongoye mlosha okye shindo shicha shoose.

Waefeso 1:7

Wuṙo wuṙo chandu kyikyeri iṟunda lyako ikusaṟa ishi kyipfa kyanyu moose; cha kyipfa nyoe mukyeri mrimenyi koko; cha kyipfa kyipfungonyi kyako na iṟundenyi lyeringa kyiṟumi kya Ndumi Ngyicha, na iiṟingyishia, nyoe moose muleambilyia isaṟia-lyi hamwi na inyi.

Waefeso 4:18

Kyaindi ngyiwoṙe shindo shoose na ielewetsa; lyingyi-se ngyiichuo pacha. Ngyileambilyia ko Epafurodito shindo shoose shilewuka konyu, mpfaamo o shindo shekyepfaama necha, kyienengo kyikyiiṙikyie na kyichihiṟie Ruwa.

1 Timoteo 6:18

Wawute shindo shicha, wawe wanjama kui iwuta wucha, waenengyie masaa gawo, wakae na wandu wengyi kui mrima;

Waebrania 10:33

Shiyeri shingyi kulawoṙe iiṟikyiṟo mulekulunga na walya waweilahio na iwutio shindo shiwicho.

Waebrania 10:34

Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.

Waebrania 13:16

Kyaindi mulawaṙime iwuta shindo shicha na ikaa handu hamwi; kyipfa shienengo cha isho nyisho shekyechihiṟa Ruwa.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.