Waefeso 4:1 - Kivunjo New Testament 1999

¹ Kyasia, wana wa wama wako, wakunde wako, ngyiwoṙe ilanga lying'anyi kyipfa kyanyu, sia yako na iṟikoso lyako, koikyo goṟokyenyi kyiiṙi kya Mndumii kulawoṙe iloloma, wakunde wako.

Waefeso 4:1 ပူးပေါင်းရင်းမြစ်များ

Matayo 10:22

Na nyoe wandu woose wechimsuo kyipfa kya rina lyako; kyaindi ulya echikarishia mṟasa mafurumionyi nyi oe echikyia.

Yohane 8:31

Kyasia Yesu kawia Wayuda walya wawemwiṙikyie, “Mukoosha shilya ngyimulosha, mochiwa wanalosho wako loi loi;

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Mawuto Ga Wasu 14:22

wechikarisha mrima ya wanalosho na iwawia wakae kyiiṙi kya Iiṙikyia lyilya, na kye kyiluwaṟi iiṙa na Wumangyinyi wo Ruwa kui njia ya matuuro gafoi.

Mawuto Ga Wasu 2:42

Mfiri yoose wakaosha malosho ga wanalosho, wakyeri kyindo kyimwi shindonyi shoose, na kyiiṙi kya ilya mkate handu hamwi, na kyiiṙi kya iterewa.

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

1 Wakorinto 16:13

Laenyi kyiṙombo, mulalolome Iiṙikyienyi, waṙenyi wukari wo kyisoṟo; muwaṙe wuṟango.

2 Wakorinto 1:14

Na wuṙo chandu muleṟingyishia mbonyi tsaṙu kyitutu, kye soe nyi kyimaṙuma kya ikushela lyanyu, chandu nyoe mukyeri koṙu, mfiri ulya Mndumii oṙu Yesu echicha lya kawi.

Wagalatia 5:1

Kyiiṙi kya iwa wana wa mka o wolyi Kristo nalelugaluo wandu walakyeri wuchilyinyi wo kyindo kyoose. Koikyo maa mulalolome, maa ichilyio-se nyi wutumo.

Waefeso 1:27

Kyaindi mkaṟo yanyu iwe chandu malosho ga Ndumi Ngyicha ya Kristo gakundi, kundu ngacha na immbona nyoe, maa ngyilakyeri ho, ngyiicho mbonyi tsanyu, kulawoṙe iloloma kye mugoṟokyi Mumuyonyi umwi, kui mrima umwi mochikapania iiṙikyia lya Ndumi Ngyicha;

Waefeso 1:8

Kyipfa Ruwa nyi mṟingyishi oko, ngyimkundi nyoe chandu Yesu Kristo amkundi.

Waefeso 2:16

mochiosha mbonyi tsekyeende moo, ngyiwone kyimaṙuma kya ikushela mfiri ulya Kristo echiwuya, kye ngyileṙicha wulya maa ikuwinisha wulya-pfo.

Waefeso 2:26

Cha kyipfa nalangyie mnu immbona nyoe na nalewihiyo mnu mrimenyi kyiyeri aleicho kye momanya mbonyi tsa ndoṟe yakye.

Wakolosai 4:12

Epafura, akyeri mndu o konyu, mṟundi o Yesu Kristo, namuiṟikyiṟa, echipfuṟukana mfiri yoose kyipfa kyanyu shiterewonyi shakye, kundu kye mugoṟokye muafutsie iiṙikyia na iṟingyishio mnu shindonyi shoose Ruwa akundi.

1 Watesalonikye 3:13

Naiṙime itarama mrima yanyu ilalolome ilawaṙe kyindo kyoose mndu eiṙima igamba kye ingyiwicho, wuelenyi mbele ya Ruwa, Awu oṙu, kyiyeri kya icha lya Mndumii oṙu Yesu hamwi na wandu wa Ruwa woose.

2 Watesalonikye 2:15

Kyasia, wana wa wama waṙu, goṟokyenyi kulawoṙe iloloma, muoshe shilya muleambilyia kui malosho gaṙu, kokooya nyi kui maṙeṙo, ang'u kui paruo yaṙu.

2 Timoteo 2:1

Kyasia iyoe, mono-ko, uwaṙe wukari isaṟienyi lyikyeri kyiiṙi kya Kristo Yesu.

Waebrania 10:23

Lukuwaṙe tapu na ikusuria lyaṙu, lyilailachikye; kyipfa ulya aleteṟia nekyeafutsia shilya ateṟia.

Waebrania 3:14

Cha kyipfa lowa wandu wekyekaa handu hamwi na Kristo, kokooya lokuwaṙa tapu na kyilya luleloṟa kyiyeri lulewooka iiṙikyia Yesu mṟasa mafurumionyi.

Waebrania 4:14

Kyasia, kokooya luwoṙe Mkohanyi ang'anyi kuta woose aleiṙa na ruwewu, Yesu Mono-Ruwa, luoshe mnu shilya lokyeṟingyishia.

2 Petiro 3:17

Kyasia, wakunde, mukosonguo imanya isho, kuringyenyi mrima yanyu, mulacheṙoo nyi maṙeko ga wanyamaṟi-wo, mukooloka na iṙa kyilya muiṙikyie.