Waefeso 3:2 - Kivunjo New Testament 1999

² Kushowenyi na wandu wakyeri cha shite, walya wekyewuta shindo shiwicho. Kaenyi kuleshi na walya wekyeitika wandu iṙino.

Waefeso 3:2 ပူးပေါင်းရင်းမြစ်များ

Matayo 24:10

Naaho-ng'u wafoi wechikapa tuulyia, nawo wechiṟiingana, na isuana.

Matayo 7:15

“Kushowenyi na weonguo shisuku wa wongo, wandu wekyecha na konyu wakyeri cha moondo, kyaindi ipfo mrimenyi kowo nyi shisii shilang'a.

Matayo 7:6

Mulaenengye shite kyilya kyikyeri kyiele. Maa mulawiyitse lulu tsanyu mbele ya nguwe. Tsilachetsichuma-chuma, tsikagaluka na imtafuo-tafuo.”

Waroma 2:28

Kyipfa oe chi Myuda ai Myuda kyanja tupu-pfo, maa iṙino chi lyilya lya kyanja tupu mmbiunyi-pfo.

2 Wakorinto 11:13

Kyipfa wandu wa mbaṟe-yo-iyo nyi wasu wa wongo, wekyeṟunda kui ngyeṟo, wekyekuloṟa cha ilyi nyi wasu wa Kristo.

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

Wagalatia 5:15

Kyaindi mukowika cha mando ga saka, ambuyenyi mularumatsane.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Waefeso 3:19

Mafurumionyi gawo nyi irumatso, ruwa owo nyi lango tsa mmbiu, wekyekushelyia shindo sha sonu, na iwinia shindo sha kunu wuyanenyi.

Waefeso 3:3

Kyipfa soe luwaṙine loi, soe lokyeana na iterewa Ruwa kui Mumuyo, na ikushela kyipfa kya Kristo Yesu, maa lokyekusuria mmbiu-pfo.

1 Timoteo 1:19

Uwe mndu awoṙe iiṙikyia na makusaṟo mecha, galya wandu wengyi walegatakulyia kuleshi, wakarumara ko mbonyi tsa iiṙikyia.

Tito 1:16

Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

2 Petiro 2:22

Kyaindi kyawa kowo kyimwi na mfano ulya o loi, kyite kyawiyilyia mṙeeko okyo kyimonyi, na nguwe ilesanjo yawuya ikufoga-foga toombonyi.

Yuda 1:4

Kyipfa kuwoṙe wandu walekuwika pfo kui kyiṟika, wandu waleṟeio wookyia kacha ianduyo-lyi, mando mawicho, gekyegaluo isaṟia lya Ruwa oṙu lyiwe ukoe, nawo wekyemkana icho akyeri Ruwa amonyi tikyi, na Mndumii oṙu Yesu Kristo.

Ulogo 2:9

Ngyiichi wukyiwa wopfo na wufofo wopfo (kyaindi nui mnjama.) Ngyiichi na shilahio sha walya wekyegamba kye nyi Wayuda, nawo chi Wayuda-pfo, indi nyi sinagogi lya Satana.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”

Ulogo 22:15

Ipfo nja kuwoṙe shite, na wasawi, na waṟui, na wawaagi, na iwo wekyeterewa na iindia mafano, na orio mndu akundi wongo na iṙeṙa wongo.

Ulogo 3:9

Ngakuenenga wandu wafoi wakyeri wa sinagogi lya Satana, wekyegamba kye nyi Wayuda, nawo chi Wayuda-pfo, indi wekyeṙeṙa wongo. Ngyechiwaitika wachepfiria ndi maṙendenyi gapfo, na imanya kye ngakukunda.