Waefeso 3:14 - Kivunjo New Testament 1999

¹⁴ Ngyiengyeṟa iṙicha, ngyikooye iṟikoso lya moo mhya, ulya Ruwa alengyilagia kyiiṙi kya Kristo Yesu.

Waefeso 3:14 ပူးပေါင်းရင်းမြစ်များ

Luka 16:16

Uwawaso na weonguo shisuku shiwekyeri-pfo mṟasa Yohane, wookyia kyiyeri-kyo ulogo lucha lo Wumangyi wo Ruwa lokyeongoyo, na orio mndu nekyeiṙa napfo ko pfinya.

Waroma 11:29

Cha kyipfa shisumbo sha Ruwa shiwoṙe isumkyia-pfo, maa ilago lyasho.

1 Wakorinto 9:24

Ngyesa muichi kye walya wekyeṙicha, wekyekapa mteeṟa woose, kyaindi ekyeambilyia iṟikoso nyi umwi-pfoe? Kapenyi mteeṟa kuṙo kundu muenengo iṟikoso.

2 Wakorinto 4:17

Kyipfa matuuro gaṙu gai maangu, gakyeri ga kyiyeri kyifuhi tikyi, gekyeluwutia mng'ano o mlungana uingyikyie mnu.

Waefeso 3:3

Kyipfa soe luwaṙine loi, soe lokyeana na iterewa Ruwa kui Mumuyo, na ikushela kyipfa kya Kristo Yesu, maa lokyekusuria mmbiu-pfo.

Wakolosai 2:18

Mndu alamusokye wori wonyu, kui iindia chandu akukundia amonyi tikyi, na iindia malaika, echikuloṟa shindonyi amloṟe indi shilai sha loi echikushela, kui wuṟango wokye wo kyimmbiu.

1 Watesalonikye 2:12

kundu mkaṟo yanyu iṙuane na chandu Ruwa akundi, ulya ekyemulaga nyoe kundu muiṙe na Wumangyinyi wokye na kyiṟumi kyakye.

2 Timoteo 1:9

Ulya alelukyiṟa kalulaga kui ndago ngyiele; chi iṙuana na mawuto gaṙu soe-pfo; indi na kyilya oe akundi na isaṟia lyakye. Isaṟia-lyo luleenengo kyiiṙi kya Kristo Yesu wookyia mlungana.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Waebrania 6:1

Kyipfa kya ikyo, lukoṙa ionguo malosho ga kuwooka ga Kristo, lupfuṟukane lushikye masiionyi ga kyaro. Maa lulaṙeṙe-se mbonyi tsa malosho-go ga kuwooka, lulaiwuta-se shindo shilawoṙe kyiiṙa na iiṙikyia Ruwa,

1 Petiro 1:13

Koikyo kuṟeyeṟenyi na iwaṙa meena; mochiweṙelyia nakamwi isaṟia lyilya mochiwona kyiyeri Yesu Kristo echiloṟo.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

2 Petiro 1:3

Cha kyipfa wuiṙimi wokye wo kyiRuwa wuleluenenga shindo shoose shiwaṟi moo na iowuo hamwi na iindia Ruwa, kui immanya oe alelulaga kui mng'ano okye na wucha wokye amonyi.

Ulogo 3:21

Ulya mowinga, ngyechimwenenga momu o iṙamia hamwi na inyi kyitimenyi kyako kya mng'ano, chandu na inyi ngyilewinga ngaṙamia hamwi na Awu oko kyitimenyi kyakye kya mng'ano.