Waefeso 3:12 - Kivunjo New Testament 1999

¹² Chi kye ngamshika, ang'u ngamwafutsia-pfo; indi ngyipfuṟukana iṙicha kundu ngyiiṙime irakuo iṟikoso lyilya Yesu Kristo awelyikusaṟie mṙoenyi kokye kyiyeri alengyigaluo ngawa mndu okye.

Waefeso 3:12 ပူးပေါင်းရင်းမြစ်များ

Matayo 5:48

Kyasia nyoe mochiwa wandu walawoṙe mti, chandu Awu-yonyu o ruwewu alawoṙe mti.”

Mawuto Ga Wasu 9:15

Kyaindi Mndumii kammbia, “Yenda tupu; cha kyipfa mndu-chu nyi kyindo kyako kyikyisaangye, naonguo mbonyi tsako ko walya walangyiiṙikyie, na ko wamangyi, na ko wandu wa Isiraelyi.

Waroma 8:39

maa shikyeri wuye, maa shikyeri wanda, maa kyindo kyingyi kyoose kyikyigumbe kyechiiṙima iluletsana na ikunda lya Ruwa lyikyeri kyiiṙi kya Kristo Yesu Mndumii oṙu-pfo.

1 Wakorinto 13:10

kyaindi kyiyeri-kyo kyilya kyilakyeri mti kyechicha, kyilya kyii mbashu-mbashu kyechisia.

1 Wakorinto 13:12

Kyipfa kyiyeri kya wulalu luwonyi kui kyiyewo cha maushe-ushe. Kyiyeri kyilya lochiwona ushangu kui ushangu. Kyiyeri kya wulalu ngyiichi mbashu-mbashu. Kyiyeri kyilya ngyechimanya mnu chandu inyi ngyiichio mnu.

1 Wakorinto 9:24

Ngyesa muichi kye walya wekyeṙicha, wekyekapa mteeṟa woose, kyaindi ekyeambilyia iṟikoso nyi umwi-pfoe? Kapenyi mteeṟa kuṙo kundu muenengo iṟikoso.

2 Wakorinto 13:9

Kyipfa luchihiyo, kokooya soe lukyeri wafofo, na nyoe muwoṙe pfinya. Lyingyi-se loterewa muwe wandu waafutsie kyiiṙikyia.

2 Wakorinto 7:1

Kyasia-ng'u, wakunde wako, cha kyipfa luwoṙe shaasa-sho, lusanje mrima-i yaṙu ilekane na ukoe loose lo mmbiu na mrima, kunu lochiafutsia wuele kui iindia Ruwa.

Wagalatia 5:17

Cha kyipfa mmbiu okyelanga ochiwingana na Mumuyo, na Mumuyo iwingana na mmbiu; kyipfa ishi shekyeṙuana-pfo, na moiṙima iwuta shilya mukundi-pfo.

Wafilyipi 1:4

Chandu alelusambuṟa kyiiṙi kyakye kyiyeri wuyana wulawendegumbo, kundu luwe wandu wa Ruwa, wandu walawoṙe mti mbele yakye ikundenyi.

Wafilyipi 4:12

kyipfa kya iafutsia wandu wa Ruwa, kundu maṟunda getaramana gaṟundikye, mṟasa mmbiu o Kristo ukarisho.

Waefeso 1:1

Paulo na Timoteo, waṟundi wa Kristo Yesu, lomuṟeia paruo nyoe wandu wa Ruwa moose kyiiṙi kya Kristo Yesu, mukyeri Filyipi, hamwi na maaskofu na mashemasi.

Waefeso 3:16

Kyaindi luengyeṟe iwuta iṙuana na shilya luleosha mṟasa iho.

Waefeso 3:3

Kyipfa soe luwaṙine loi, soe lokyeana na iterewa Ruwa kui Mumuyo, na ikushela kyipfa kya Kristo Yesu, maa lokyekusuria mmbiu-pfo.

Waefeso 3:8

Yee, ngoseṟa ya isho, ngyiwonyi shindo shoose nyi sha wulya kyipfa kya wucha wung'anyi mnu wo imanya Kristo Yesu, Mndumii oko; ulya kyipfa kyakye ngyileṙetsa shindo shoose ngyechishiwona kye nyi mboshia kundu ngyiwone Kristo.

1 Watesalonikye 5:15

Kuringyenyi mndu oose alatae oṙoe kyiwicho awutio; indi mfiri yoose oshenyi kyilya kyikyicha, nyoe wenyi ko wenyi na ko wandu woose.

2 Watesalonikye 2:13

Kyaindi kyalukooya soe iana Ruwa mfiri yoose kyipfa kyanyu, wana wa wama mulekundo nyi Mndumii, cha kyipfa Ruwa nalemusambuṟa wookyia mawookyionyi muambilyie wukyiṟo, kyiiṙi kya iilyisho nyi Mumuyo, na iiṙikyia loi;

1 Timoteo 5:10

Na oe naṟingyishio kye nawoṙe mawuto mecha; kokooya naleambuya na iṙosa wana necha, kokooya naleambilyia wayenu, kookoya nalekutitiṟa mṟasa kaanguo wandu wa Ruwa maṙende, kokooya naletarama wandu wailyiso wukyiwa, kokooya nalewika wuragari iṟundenyi lyicha.

1 Timoteo 6:19

kunu wechikooma kyiseyesoe kyiwe urende lucha ko kyiyeri kyiicha, kundu wawone moo o loi.

Waebrania 12:14

Pfulenyi kui wuragari iwaṙa ufoṟo na wandu woose, na wuele, wulya kulawoṙe mndu echiwona Mndumii alauwoṙe,

Waebrania 12:23

kyisanzionyi na siṟi ya wandu wakyeri cha wana wambele wa Ruwa wawaṟeie ruwewu, na Ruwa moṙumbuo moondu o wandu woose, na mrima ya wandu wasumganyi wamarisie kyaro,

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

Yakobo 3:2

Kyipfa lokyekapa ṙende soe loose shindonyi shifoi. Mndu alekyekapa ṙende kyiiṙi kya iṙeṙa, icho nyi mndu aafutsie, echiiṙima itirimisha mmbiu okye oose cha kui kyindo kyilya kyekyetirimisha shindo.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

2 Petiro 3:18

Kyaindi ng'anenyi isaṟienyi, na kyiiṙi kya imanya Mndumii oṙu na Mkyiṟa Yesu Kristo. Mng'ano ui kokye wulalu na mlungana.