Waefeso 2:7 - Kivunjo New Testament 1999

⁷ kyaindi nalekuloṟa kye awoṙe mng'ano oose-pfo, kawa cha mtumo, kafanana na mndu.

Waefeso 2:7 ပူးပေါင်းရင်းမြစ်များ

Matayo 12:18

“Ambuya, mṟundi oko ngyilemsambuṟa; mkunde oko, mrima oko umchihiye kyipfa kyakye; ngyechimwenenga pfinya ya Mumuyo oko, na oe nechianduya wandu walaiṙikyie Ruwa.

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Mariko 9:12

Kagaluo kawawia, “Nyi loi Elyia naicha kuwooka, na iwiyiṟia wuhya shindo shoose, kyaindi, hamwi na isho, kyikyiṟeie kuṙa kye Mono-Mndu nechiwona matuuro gafoi na imino?

Luka 22:27

Kyipfa ang'anyi nyi uha? Ulya aṙamie echilya ang'u nyi ulya aiṟundia wengyi? Chi ulya aṙamie echilya-pfoe? Kyaindi inyi kyiiṙi kyanyu nyi cha mndu aiṟundia wengyi.

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Waroma 1:3

Mbonyi tsa Mono-kye alefeo kyisharinyi kya Dawidi,

Waroma 15:3

Cha kyipfa Kristo alewuta shindo shekuchihiṟa amonyi-pfo; indi chandu kyikyiṟeie, “Shilahio shawo walekulahia iyoe shilengyikooya inyi.”

Waroma 15:8

Kyipfa ngyigamba kye Kristo ammba mṟundi o mma o iṙino kyipfa kya wuloi wo Ruwa, kundu naṟingyishie shiteṟio waku waṙu waleenengo.

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

2 Wakorinto 13:4

Kyipfa nalewoogio msalabenyi, wufafenyi, kyaindi nai na moo kui pfinya tsa Ruwa. Kyipfa maa soe lukyeri wafafa kyiiṙi kyakye; indi lochikaa na moo hamwi na oe kui pfinya tsa Ruwa.

2 Wakorinto 8:9

Kyipfa mommanya isaṟia lya Mndumii oṙu Yesu Kristo, maa chandu awekyeri mnjama, kyipfa kyanyu, nalewa mkyiwa kundu nyoe muiṙime iwa wanjama kui wufofo wokye.

Wagalatia 4:4

Na lyilya kyiyeri kyilya kyiwekyikunde kyileafukyia, Ruwa naleṙuma Mono-kye, ulya alefeo nyi mndu mka, nafeo wuchilyinyi wo mawawaso,

Waefeso 2:6

ulya ipfo mawookyionyi awei Ruwa, kyaindi alalewona kulya iwa kyimwi na Ruwa kye nyi kyindo kyemwenenga ikuyeṟa na Ruwa;

Waebrania 12:2

lochiambuya Yesu, ulya ekyewooka na iafutsia iiṙikyia lyaṙu. Ulya alekarishia mawawio ga halya msalabenyi. Kyipfa kya sia iya iweimmbeṙa, alekusaṟa maa ale kya sonu ya iwoogo msalabenyi-pfo. Na wulalu naṙamie kuwokonyi ko kulyoe ko kyiṙi kya mng'ano kya Ruwa.

Waebrania 13:3

Kumbuonyi walya wakyeri kyipfungonyi cha ilyi muwapfungye hamwi nawo; na iwo wailyiiyo mbaka, chandu na nyoe muilyiiyo mbaka.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.