Waefeso 2:6 - Kivunjo New Testament 1999

⁶ ulya ipfo mawookyionyi awei Ruwa, kyaindi alalewona kulya iwa kyimwi na Ruwa kye nyi kyindo kyemwenenga ikuyeṟa na Ruwa;

Waefeso 2:6 ပူးပေါင်းရင်းမြစ်များ

Matayo 1:23

‘Ambuya, mana mkyega nechiira mana, na oe nechienengo mana o womi; nawo wechimlaga Imanuelyi; ikyo nyi kyimwi na igamba, Ruwa hamwi na soe.’ ”

Yohane 1:18

Kuwoṙe mndu alemmbona Ruwa kyiyeri kyoose-pfo. Mana kyimuumwi ai cha Ruwa nyi oe aleshukuo mbonyi tsakye.

Yohane 10:30

Inyi na Awu lukyeri kyindo kyimwi.”

Yohane 10:33

Wayuda wakamgaluo, wakagamba, “Luikukapa na magoe kyipfa kya kyindo kyicha uleṟunda-pfo; indi kyipfa kya ilahia Ruwa, na kyipfa nyi mndu uikuloṟa kye nui Ruwa.”

Yohane 10:38

Kyaindi ngagaṟunda, maa kokooya mulangyiiṙikyia inyi, iṙikyienyi maṟunda-go; muiṙime imanya kye Awu nai kyiiṙi kyako, na inyi ngyii kyiiṙi kya Awu.”

Yohane 14:28

Muleicho kye inyi ngyilemmbia, ‘Ngyiyenda na ngyiicha-se na konyu.’ Kokooya muwengyikundi, muwechichihiyo kyipfa ngyiyenda ko Awu; cha kyipfa Awu nang'anyi kuta inyi.

Yohane 14:9

Yesu kammbia, “Inyi ngyiwekyeri hamwi na nyoe mfiri yoose, iyoe ulangyimanye Filyipo? Angyiwona inyi nawona Awu. Kyasia iyoe nuigamba kuṙa ‘ululoṟe Awu?’

Yohane 17:5

Na wulalu, Awu, ungying'anyise inyi hamwi na iyoe, kui kyiṟumi kyilya ngyiwewoṙe kyiyeri wuyana wulagumbo.

Yohane 20:28

Tomasi kagaluo, kammbia, “Mndumii oko na Ruwa oko!”

Yohane 5:18

Kyasia kyipfa kya ikyo Wayuda wakaengyeṟa ilanga immbaaga, chi kyipfa alefunja iwawaso lya mfiri o onyonya tupu-pfo, indi hamwi na isho nalelaga Ruwa Awu okye, echikuloṟa kye nalyingananyi na Ruwa.

Yohane 5:23

kundu wandu woose waindie Mana chandu wekyeindia Awu. Mndu alekyeindia Mana ekyeindia Awu ulya alemṙuma-pfo.

Waroma 9:5

Iwo wakyeri wachuku wa waku, na kyiiṙi kya iwo kulewuka Kristo kui mbaṟe ya mmbiu. Nyi oe akyeri wuye ya shindo shoose, Ruwa, ekyeano shiyeri shoose. Amen.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

2 Wakorinto 8:9

Kyipfa mommanya isaṟia lya Mndumii oṙu Yesu Kristo, maa chandu awekyeri mnjama, kyipfa kyanyu, nalewa mkyiwa kundu nyoe muiṙime iwa wanjama kui wufofo wokye.

1 Timoteo 1:17

Wulalu ko Mangyi o shiyeri shoose, alekyerumatso, alekyewono na meso, Ruwa alawoṙe ungyi ai cha oe, kokye kuwaṙe wuindi na kyiṟumi mlungana na mlungana. Amen.

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

Tito 2:13

Lochiambuya ikusuria lyiwoṙe mboṟa na iloṟo kyiṟumi kya Kristo Yesu, Ruwa ang'anyi na Mkyiṟa oṙu;

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 1:6

Na lyingyi-se, kyiyeri aende Mono-kye o kuwooka na wuyanenyi nagamba, “Malaika woose wa Ruwa wampfirie ndi.”

Waebrania 1:8

Kyaindi ko mbonyi tsa Mana nagamba, “Kyitima kyapfo kya wuchilyi, hoi Ruwa, nyi kya mlungana na mlungana. Na upoi lo Wumangyi wopfo nyi upoi lo wusumganyi.

Waebrania 13:8

Yesu Kristo nyi oe ulya, ukou na inu na mṟasa mlungana.

Ulogo 21:6

Kangyiwia, “Shammarisika. Inyi nyi Alyifa na Omeka, mawookyionyi na mafurumionyi. Inyi ngyechienenga ulya awoṙo nyi nyoṙa ya shoka ya mṟinga o moo, kulawoṙe itaa kyindo.