Waefeso 2:2 - Kivunjo New Testament 1999

² ngyienengyenyi sia ing'anyi, kundu muwe na makusaṟo gamwi, wandu muwoṙe ikunda lyimwi, wawoṙe mrima umwi, mochikusaṟa iwuta kyindo kyimwi.

Waefeso 2:2 ပူးပေါင်းရင်းမြစ်များ

Yohane 3:29

Ulya awoṙe mono-kyika ailayiko nyi monyi wolyi; kyaindi mbuya ya monyi wolyi, ulya ekyegoṟoka na imwaṙanyia, nekyechihiyo kyipfa kya ṟui lya monyi wolyi. Kyasia sia yako yaafukyia.

Mawuto Ga Wasu 1:14

Iwa woose wawei kyindo kyimwi kyiiṙi kya iterewa, hamwi na waka na Maria, wama o Yesu, na wana wa wamae.

Mawuto Ga Wasu 2:1

Na kyiyeri mfiri o Pentekoste uleafukyia wawekyeri woose handu hamwi.

Mawuto Ga Wasu 2:46

Na orio mfiri wechiyenda hekalunyi handu hamwi, wechilya mkate numba kui numba, na ilya kyelya kyawo na sia na mrima iwoṙe ilekyia,

Mawuto Ga Wasu 5:12

Na wasu wakawuta shindo shifoi sheṟiyisha hamwi na ṟigo; nawo woose wawewoṙe makusaṟo gamwi wechisanzia kulya italenyi lya Solomon;

Waroma 12:16

Muiṙikyiane shilya mukusurie nyoe wenyi ko wenyi. Maa mulakusurie shindo shing'anyi, indi muiṙikyie iwinisho nyi mbonyi tsifofo. Maa mulakushelyie wuṟango.

1 Wakorinto 1:10

Kyasia wana wa wama wako, ngamuterewa, kui rina lya Mndumii oṙu Yesu Kristo, nyoe muṙeṙe kyindo kyimwi; maa halawaṙe nduutsano, indi muwaṙe makusaṟo gamwi.

2 Wakorinto 13:11

Numa ya iho, wana wa wama, nakonyu. Muafutsie, muwiyiṟio moo. Kusurienyi kyimwi, mukae ufoṟonyi. Na Ruwa o ikunda na ufoṟo nechikaa hamwi na nyoe.

2 Wakorinto 2:3

Na inyi ngyilemṟeia kyindo-kyo ikyo, kundu kyiyeri ngyechicha ngyilacheenengo ikuinaṙia nyi walya kyiwengyiwaṟi ichihiyo kyipfa kyawo; ngyechimukusuria nyoe moose kye sia yako nyi yanyu moose taa.

2 Wakorinto 7:7

Maa chi kui icha lyake tikyi-pfo, indi chandu alewiyiṟio moo nyi nyoe, echiluwia mbonyi tsa ilanga lyanyu, na ṟanyi yanyu, na wuragari wonyu kyipfa kyako, mṟasa ngaengyeṟa ichihiyo.

Waefeso 1:4

mfiri yoose orio kyiyeri ngyekyemuterewia nyoe moose, ngyechiterewa kui sia,

Waefeso 2:16

mochiosha mbonyi tsekyeende moo, ngyiwone kyimaṙuma kya ikushela mfiri ulya Kristo echiwuya, kye ngyileṙicha wulya maa ikuwinisha wulya-pfo.

Waefeso 2:20

Kyipfa ngyiwoṙe mndu ungyi awoṙe makusaṟo gamwi na inyi, echikuwinisha mnu na nyoe-pfo.

Waefeso 4:2

Ngaterewa Euodia, ngaterewa na Sintikye, wawaṙe makusaṟo gamwi kyiiṙi kya Mndumii.

Wakolosai 2:5

Kyipfa maa chandu ngyilakyeri ho kyimmbiu, kyaindi ngyikyeri hamwi na nyoe kyimrima, ngyechihiyo na iwona wuyendelyi wonyu na igoṟoka lyanyu kulawoṙe iloloma lya iiṙikyia lyanyu kyiiṙi kya Kristo.

2 Watesalonikye 2:13

Kyaindi kyalukooya soe iana Ruwa mfiri yoose kyipfa kyanyu, wana wa wama mulekundo nyi Mndumii, cha kyipfa Ruwa nalemusambuṟa wookyia mawookyionyi muambilyie wukyiṟo, kyiiṙi kya iilyisho nyi Mumuyo, na iiṙikyia loi;

2 Timoteo 1:4

Na inyi ngyilangyie mnu ikuwona, ngyechikumbuo mcheṟeṟe yapfo, kundu ngiichuo sia;

Filemon 1:20

Yee, mono-wama oko, ngyiwone kyiira kopfo kyiiṙi kya Mndumii; uwiyiṟie moo mrima oko kyiiṙi kya Kristo.

2 Yohane 1:4

Ngyilechihiyo mnu kyipfa kya ilyi ngyilewona wana wapfo waata wechichumia kyiiṙi kya loi, chandu luleambilyia iwawaso ko Awu.

3 Yohane 1:4

Ngyiwoṙe sia ing'anyi kuta iicho kye walya wakyeri cha wana wako waiwuta shindo sha wuloi-pfo.