Waefeso 2:12 - Kivunjo New Testament 1999

¹² Kyasia wakunde wako, chandu mulepfereria mfiri yoose, chi kyiyeri inyi ngyiwekyeri ho tupu-pfo, indi wulalu ngoseṟa mnu ngyilakyeri ho, afutsienyi wukyiṟo wonyu muwenyi kui iowuo na iṙeṙema.

Waefeso 2:12 ပူးပေါင်းရင်းမြစ်များ

Matayo 11:12

Wookyia kyiyeri kya Yohane Mpatisi mṟasa wulalu Wumangyi wo ruwewu wokyecha ko pfinya, na iwo wawoṙe pfinya waiwurakuo.

Matayo 11:29

Waṙilyienyi iṟunda-lyi ngyimṙambika, mukuloshe koko; kyipfa inyi ngyimhoo na muindi mrimenyi; na nyoe mochiwaṙa ufoṟo mrimenyi konyu.

Mawuto Ga Wasu 16:29

Kagamba taa tsiendo, kashoongyia numba, echiṙeṙema kui wuowu, kaolokyia Paulo na Sila.

Mawuto Ga Wasu 9:6

Kyaindi goṟoka, uiṙe na mṟinyi, na iyoe nochiwio shikuwaṟi iwuta.”

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

1 Wakorinto 2:3

Na inyi ngyiwekyeri konyu wufofonyi na wuowunyi na iṙeṙema lying'anyi.

1 Wakorinto 4:14

Ngyimuṟeia ishi kundu ngyimuendie wusutsu-pfo; indi imtutuma cha wana ngyiwakundi.

2 Wakorinto 7:15

Na ikunda lyakye konyu lyekyeengyeṟika ngoseṟa, kyiyeri ekyekumbuo iindia lyanyu nyoe moose, chandu mulemwambilyia kui wuowu na iṙeṙema.

Wafilyipi 6:5

Nyoe watumo, indienyi iwo wai wandumii wanyu kui mbaṟe ya mmbiu, kui wuowu na iṙeṙema, kui ikutitiṟa mrimenyi, cha iindia Kristo.

Waefeso 1:27

Kyaindi mkaṟo yanyu iwe chandu malosho ga Ndumi Ngyicha ya Kristo gakundi, kundu ngacha na immbona nyoe, maa ngyilakyeri ho, ngyiicho mbonyi tsanyu, kulawoṙe iloloma kye mugoṟokyi Mumuyonyi umwi, kui mrima umwi mochikapania iiṙikyia lya Ndumi Ngyicha;

Waefeso 1:29

Kyipfa muwaenengye kyipfa kya Kristo, chi imwiṙikyia tupu-pfo, kyaindi na ilyiso wukyiwa kyipfa kyakye;

Waefeso 1:5

kyipfa kya iwaṙana lyanyu iṟundenyi lyeonguo Ndumi Ngyicha, wookyia mfiri ulya o kuwooka mṟasa inu.

Waefeso 1:6

Na inyi ngyikyiiṙikyie nyikyo ikyi, kye ulya alewooka iṟunda lyicha mrimenyi konyu nechilyiafutsia mṟasa mfiri Yesu Kristo echiwuya.

Waefeso 2:19

Kyaindi ngyikusaṟie kyiiṙi kya Yesu Kristo iṙuma Timoteo nache na konyu mfiri ya kufuhi, na inyi ngyiwiyiṟio moo, ngyiichi mbonyi tsanyu.

Waefeso 4:1

Kyasia, wana wa wama wako, wakunde wako, ngyiwoṙe ilanga lying'anyi kyipfa kyanyu, sia yako na iṟikoso lyako, koikyo goṟokyenyi kyiiṙi kya Mndumii kulawoṙe iloloma, wakunde wako.

Waefeso 4:15

Na nyoe taa, nyoe muwenyi muichi, lanyoe Wafilyipi, kye mawookyionyi ga Ndumi ngyicha, kyiyeri ngyilewuka Makyedonia, kuwoṙe siṟi ingyi ilekaa hamwi na inyi kyiiṙi kya ienengyia na iambilyia, sile nyoe-pfo.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

Waebrania 12:1

Kyasia na soe taa, cha kyipfa luwaiṟiwie nyi waṟingyishi wafoi mbaṟe-i, luwikyie mbai orio ṟio lyilemeri, na wunyamaṟi wulya wokyeluwaṙa tapu. Lupfuṟukane kui wusimiri kulya iṟundenyi lyilyiṙambikye koṙu,

Waebrania 4:1

Kyasia, kokooya kuwoṙe kyaasa kya iiṙa na handu ha Ruwa heonyonyia, luowuoe, maa umwi oṙu alechewono kye nawuṟa kyaasa-kyo.

Waebrania 4:11

Kyasia, lupfuṟukane iiṙa na kyiiṙi kya sia-yo, kundu kye mndu oose alacheoloka cha wandu-wo walaleindia Ruwa.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.

2 Petiro 3:18

Kyaindi ng'anenyi isaṟienyi, na kyiiṙi kya imanya Mndumii oṙu na Mkyiṟa Yesu Kristo. Mng'ano ui kokye wulalu na mlungana.