Waefeso 1:27 - Kivunjo New Testament 1999

²⁷ Kyaindi mkaṟo yanyu iwe chandu malosho ga Ndumi Ngyicha ya Kristo gakundi, kundu ngacha na immbona nyoe, maa ngyilakyeri ho, ngyiicho mbonyi tsanyu, kulawoṙe iloloma kye mugoṟokyi Mumuyonyi umwi, kui mrima umwi mochikapania iiṙikyia lya Ndumi Ngyicha;

Waefeso 1:27 ပူးပေါင်းရင်းမြစ်များ

Matayo 12:25

Kyasia Yesu aichi makusaṟo gawo, kawawia, “Wumangyi wukowaṙa wuṟiingyi, kokyewaṙa wukyiwa; ngoseṟa mṟi ang'u kanyi kukowaṙa wuṟiingyi kuwoṙe kyindo kyechiiṙima igoṟoka-pfo.

Mawuto Ga Wasu 2:46

Na orio mfiri wechiyenda hekalunyi handu hamwi, wechilya mkate numba kui numba, na ilya kyelya kyawo na sia na mrima iwoṙe ilekyia,

Mawuto Ga Wasu 24:24

Hamwiṙe mfiri ngyaangu, Filekyisi kacha aṙuṙanyi na mka okye, Durusila, awei Myuda, kagamba Paulo nalago kaaṙanyia mbonyi tsa iiṙikyia Yesu Kristo.

Mawuto Ga Wasu 4:32

Na wandu walya waweiṙikyie Yesu wawekyeri kyindo kyimwi; maa kuwoṙe maa umwi alegamba kye kyindo kyoose awoṙe nyi kyakye amonyi-pfo; indi shindo shoose waleikanana.

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

Waroma 1:5

Icho ai kye kyiiṙi kyakye luleambilyia isaṟia na ndumo kundu masanga goose gaiṙime iindia kui iiṙikyia kyipfa kya rina lyakye.

Waroma 1:9

Kyipfa Ruwa, ichu ngyekyemterewa na imwindia kui mrima oko kyiiṙi kya Ndumi Ngyicha ya Mono-kye, nyi mṟingyishi oko chandu ngyekyemukumbuo kulawoṙe itsia,

Waroma 10:8

Kyaindi wusumganyi wogamba kuṙa? Ṙeṙo lyilya lyikyeri kufuhi na iyoe, ṙumbunyi lyapfo, na mrimenyi opfo, nyi ṙeṙo lyilya lya iiṙikyia lokyelyionguo.

Waroma 15:16

kundu ngiwe mṟundi o Kristo Yesu wandunyi walakyeri Wayuda. Ngyiṟundie Ndumi Ngyicha ya Ruwa iṟunda lya wukohanyi, kundu wandu walakyeri Wayuda wawe kyiano kyechiambilyio, kyikamwilyiṟo nyi Mumuyo Mweele.

Waroma 15:29

Ngyiichi kye ngacha na konyu ngyemuendie mboṟa ing'anyi ya Kristo.

1 Wakorinto 1:10

Kyasia wana wa wama wako, ngamuterewa, kui rina lya Mndumii oṙu Yesu Kristo, nyoe muṙeṙe kyindo kyimwi; maa halawaṙe nduutsano, indi muwaṙe makusaṟo gamwi.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

2 Wakorinto 13:11

Numa ya iho, wana wa wama, nakonyu. Muafutsie, muwiyiṟio moo. Kusurienyi kyimwi, mukae ufoṟonyi. Na Ruwa o ikunda na ufoṟo nechikaa hamwi na nyoe.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

2 Wakorinto 9:13

Cha kyipfa mukoyesho kui iṟunda-lyo, waiṟumisha Ruwa kyipfa kya wuindi wonyu kui iṟingyishia Ndumi Ngyicha ya Kristo, na kyipfa kya ilekyia lyanyu mulewaambutsia wo na wandu woose.

Wagalatia 1:7

Kuwoṙe ndumi ngyicha ingyi-pfo; kyaindi kuwoṙe wandu waipfuṟukana wakundi iilacha Ndumi Ngyicha ya Yesu Kristo.

Wafilyipi 1:13

Na nyoe taa kyiiṙi kya icho momuicho ulogo lo loi, Ndumi Ngyicha ya wukyiṟo wonyu. Lyingyi-se momumwiṙikyia oe, na iwiko fana nyi Mumuyo ulya o kyaasa akyeri Mweele.

Wafilyipi 1:15

Kyipfa kya ikyo maa inyi, wookyia ngyileicho mbonyi tsa iiṙikyia lyanyu kyiiṙi kya Mndumii Yesu, na ikunda lyanyu ko wandu wa Ruwa woose,

Wafilyipi 4:1

Koikyo ngyimuterewa, inyi ngikyeri mpfungo kyiiṙi kya Mndumii, mukae chandu kyiwaṟi kyilya mulelagio.

Waefeso 1:5

kyipfa kya iwaṙana lyanyu iṟundenyi lyeonguo Ndumi Ngyicha, wookyia mfiri ulya o kuwooka mṟasa inu.

Waefeso 2:12

Kyasia wakunde wako, chandu mulepfereria mfiri yoose, chi kyiyeri inyi ngyiwekyeri ho tupu-pfo, indi wulalu ngoseṟa mnu ngyilakyeri ho, afutsienyi wukyiṟo wonyu muwenyi kui iowuo na iṙeṙema.

Waefeso 2:24

Na inyi ngyiiṙikyie kyiiṙi kya Mndumii kye na inyi ngyechicha mfiri ya kufuhi.

Waefeso 3:18

Kyipfa ngyilemummbia kafoi na wulalu ngyimmbia-se kui mcheṟeṟe kye kuwoṙe wandu wafoi mkaṟo yawo yekyenyamaṟa kyimaṙuma kya Yesu ipfa halya msalabenyi.

Waefeso 3:20

Cha kyipfa soe nyi wandu wa ruwewu; lyingyi-se luiweṙelyia na macha gang'anyi, Mkyiṟa Mndumii Yesu Kristo;

Waefeso 4:1

Kyasia, wana wa wama wako, wakunde wako, ngyiwoṙe ilanga lying'anyi kyipfa kyanyu, sia yako na iṟikoso lyako, koikyo goṟokyenyi kyiiṙi kya Mndumii kulawoṙe iloloma, wakunde wako.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

Wakolosai 1:4

wookyia luleicho mbonyi tsa iiṙikyia lyanyu kyiiṙi kya Kristo Yesu, na ikunda muwoṙe ko wandu wa Ruwa woose.

1 Watesalonikye 3:6

Kyaindi kyiyeri Timoteo alecha na koṙu iwuka konyu, naleluendie mbonyi ngyicha tsa iiṙikyia lyanyu na ikunda lyanyu na kye mokyelukumbuo necha mfiri yoose, mulangyie iluwona chandu soe lulangyie immbona.

1 Watesalonikye 4:1

Kyatsugaa ho, wana wa wama, luimuterewa na imuikyimbia kye muwaṙe mkaṟo iṙuṙanyi na shilya Mndumii Yesu akundi; chandu mulewona na ishiicho koṙu nyi wuṙo muwaṟi iwuta muchihiṟe Ruwa; chandu mokyewuta, wutenyi kuṙo na ngoseṟa.

1 Timoteo 1:11

Chandu kyikyionguoe Nduminyi Ngyicha ya kyiṟumi kya Ruwa ekyeṟumisho, Ndumi Ngyicha ngyileenengo iṟunda lyeionguo.

1 Timoteo 1:19

Uwe mndu awoṙe iiṙikyia na makusaṟo mecha, galya wandu wengyi walegatakulyia kuleshi, wakarumara ko mbonyi tsa iiṙikyia.

2 Timoteo 4:7

Ngyilekapana shiṙa ngyicha, kyaro ngamkyimarisa, Iiṙikyia ngyilelyiringa.

Tito 2:10

Walawe wandu wekyeiwa; indi waafutsie kyilya wateṟia, kundu wachope malosho ga Mkyiṟa oṙu Ruwa shindonyi shoose.

Filemon 1:5

ngyechiicho mbonyi tsa ikunda lyapfo na iiṙikyia uwoṙe ko Mndumii Yesu na ko wandu wa Ruwa woose;

Yakobo 3:18

Na ndunda tsa wusumganyi tsekyeṙongo ufoṟonyi na walya wekyewuta sha ufoṟo.

2 Petiro 3:11

Kyasia, cha kyipfa shindo-shi shoose sherumatso kuṙo, kyamukooya nyoe muwe wandu wa mkaṟo ya mbaṟe iha kyiiṙi kya ichumia lyanyu lya wuele na iowuo na ikunda Ruwa,

2 Petiro 3:14

Koikyo, wakunde, kyipfa muiweṙelyia mbonyi-tso, pfuṟukanenyi kundu muwono ufoṟonyi kye muwoṙe ṙeko maa sonu mbele yakye-pfo.

Yuda 1:3

Wakunde, kyiyeri ngyiwepfuṟukana mnu imuṟeia mbonyi tsa wukyiṟo wukyeri nyi woṙu loose, ngyilewona kyangyikooya imuṟeia, kundu ngyimtutume kye mukapanie iiṙikyia lyileenengo wandu wa Ruwa lyimwi tikyi.