Waefeso 1:20 - Kivunjo New Testament 1999

²⁰ chandu ngyileweṙelyia mnu, na ikusuria, kye ngyechirigo nyi sonu maa ale-pfo, indi kui wusimiri woose, cha mfiri yoose, na wulalu nyi wuṙo Kristo echienengo kyiṟumi mmbiunyi koko; kokooya ngyii na moo, ang'u ngyipfiie.

Waefeso 1:20 ပူးပေါင်းရင်းမြစ်များ

Yohane 21:19

Kaonguo mbonyi-tso iloṟa nyi upfu lo mbaṟe iha Petiro echipfa naenengye Ruwa kyiṟumi. Na Yesu amwonguo isho, kawia Petiro, “Ngyiosha.”

Mawuto Ga Wasu 20:24

Kyaindi ngyiwonyi moo oko kye nyi kyindo kya woguru koko kuta iafutsia iṟunda lyilya Yesu alengyienenga-pfo. Iṟunda ngyileenengo nyi ionguo Mbonyi Ngyicha tsa isaṟia lya Ruwa.

Mawuto Ga Wasu 21:13

Nyi lyo-ndu Paulo alelugaluo na iluwia, “Ny'kyikyi muiwuta kui ifiiṟa na ingyienenga wuowu? Cha kyipfa inyi, hamwi na iwiko kyipfungonyi ngyikuṟeyeṟie iwoogo kulya Yerusalemu kyipfa kya rina lya Mndumii Yesu.”

Mawuto Ga Wasu 4:31

Na wamterewe Ruwa, handu halya wawesanzie hakasunzo-sunzo, woose wakaichuo Mumuyo Mweele, wakaonguo Ṙeṙo lya Ruwa kui wuṟango na wukari.

Waroma 12:1

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

Waroma 5:5

Na ikusuria lyekyeende sonu-pfo; cha kyipfa ikunda lya Ruwa lyamletsio mrimenyi koṙu kui Mumuyo Mweele luleenengo soe.

Waroma 6:13

Maa mulaengyeṟe iwuta shiwungo shanyu shiwe shisha sha mbaka ko wunyamaṟi. Indi kuwutenyi muwenyi ko Ruwa cha wai na moo numa ya ipfa, na shiwungo shanyu ko Ruwa iwa shisha sha wusumganyi.

Waroma 6:19

Ngyiṙeṙa kui mbaṟe ya kyimndu kyipfa kya wufofo wo mmbiu yanyu. Cha kyipfa chandu mulewuta shiwungo shanyu shiṟunde mbonyi tsa ukoe na wunyamaṟi muiṙime iwuta wunyamaṟi, na wuṙo-ng'u wulalu wutenyi shiwungo shanyu shiṟunde sha wusumganyi muiṙime iyeṟemtso.

Waroma 8:19

Cha kyipfa shigumbe shoose shiweṙelyia kui sia ing'anyi iloṟo lya wana wa Ruwa.

Waroma 9:33

chandu kyileṟeio, “Ngyiwika Sion igoe lyekyeenenga wandu ikapa ṙende na iṟaṟa lyekyeolotsa. Na orio echimwiṙikyia echirigo nyi sonu-pfo.”

1 Wakorinto 15:31

Yee, wana wa wama, ikushela-lyi lyako ngyikyeri nalyo kyipfa kyanyu kyiiṙi kya Kristo Yesu Mndumii oṙu, ngyekyepfa orio mfiri.

1 Wakorinto 6:20

kyipfa muleguṟo kui woguru wung'anyi. Kyasia wulalu, ṟumishenyi Ruwa kui mmbiu yanyu.

1 Wakorinto 7:34

Lyingyi-se mana o kyika chi kyimwi na mndu mka mwalyikye-pfo. Ulya alamwalyikye nekyekuwinisha na mbonyi tsa Mndumii, naiṙime iwa mweele kyimmbiu na kyimrima. Kyaindi ulya amwalyikye nekyekuwinisha na mbonyi tsa wuyana-wu, chandu echichihiṟa mii okye.

2 Wakorinto 10:8

Kyipfa maa ngakushela ngoseṟa kyitutu kyipfa kya wuchilyi woṙu (luleenengo nyi Ruwa, luiṙime imugoṟotsa maa chi imuolotsa-pfo), ngyerigo nyi sonu-pfo;

2 Wakorinto 3:12

Kyasia, kyipfa luwoṙe iweṙelyia lya mbaṟe-i luwika wuragari na wukari wung'anyi.

2 Wakorinto 4:10

Mfiri yoose luṙuṙe mmbiunyi yaṙu iwoogo lya Yesu, kundu moo o Yesu uṟingyishio mmbiunyi yaṙu.

2 Wakorinto 5:15

Lyingyi-se nalepfa kyipfa kya woose, kundu wai na moo walawe-se na moo kyipfa kya mrima yawo wawenyi, indi kyipfa kyakye oe alepfa kaṟuka kyipfa kyawo.

2 Wakorinto 7:14

Cha kyipfa kokooya ngyilekushela mbele yakye kyindonyi kyoose kyipfa kyanyu, ngyilewona sonu-pfo; indi chandu lulemmbia mbonyi tsoose kui wuloi, na wuṙo ikushela lyaṙu mbele ya Tito lyiwei lya loi.

2 Wakorinto 7:4

Ngyiwoṙe wukari wung'anyi konyu; ngyiwoṙo nyi ikushela lying'anyi kyipfa kyanyu. Ngyiichuo nyi iwiyiṟio moo, wukyiwenyi woṙu woose ngaichuo sia ya ngosera.

Waefeso 1:14

Na wana wa wama wengyi wakyeri kyiiṙi kya Kristo, wechikarisho nyi iwiko lyako kyipfungonyi, waleengyeṟa mnu ionguo Ṙeṙo lya Ruwa kulawoṙe wuowu.

Waefeso 2:17

Yee, maa kokooya ngyechiwoogo na kuṙo ngyiwe cha samu yawuto iwe kyiṙaso kyilya iiṙikyia lyanyu lyekyeenenga Ruwa. Ngachihiyo; lyingyi-se ngachihiyo hamwi na nyoe moose.

Wakolosai 1:24

Wulalu ngyimchihiye kyipfa kya matuuro ngyiwoṙe kyipfa kyanyu. Lyingyi-se ngyiafutsia mmbiunyi koko shilya shilaleafutsio sha matuuro ga Kristo, kyipfa kya mmbiu okye, kyimwi na igamba kye nyi Siṟi yakye.

1 Watesalonikye 5:23

Ruwa o ufoṟo amonyi namuilyishe nakamwi, na nyoe mrima yanyu na ngoo tsanyu na mmbiu yanyu, muwe wandu mulawoṙe ṙeko, kyiyeri kya icha lya Mndumii oṙu Yesu Kristo.

1 Petiro 4:16

Kyaindi kyipfa nyi Mkristiano alarigo nyi sonu, indi naṟumishe Ruwa kui rina-lyo.

1 Yohane 2:28

Na wulalu, wana wako, kaenyi kokye, kundu ilyi echiloṟo, luwaṙe wukari na wuṟango, maa lularigo nyi sonu mbele yakye kyiyeri kya icha lyakye lya kawi.