Waefeso 1:19 - Kivunjo New Testament 1999

¹⁹ Kyipfa ngyiichi kye ishi shengyigalukyia shiwe wukyiṟo woko, kyipfa kya shiterewo shanyu na kyitarama kyiwukyie ko Mumuyo o Yesu Kristo ngyechiwa mndu alamchilyie nyi kyindo;

Waefeso 1:19 ပူးပေါင်းရင်းမြစ်များ

Mawuto Ga Wasu 16:7

Kyiyeri waleshika mṟasenyi na Misia, wakatambagana iyenda Bitinia, kyaindi Mumuyo o Yesu alawaenengye momu.

Waroma 8:28

Na soe luichi kye shindonyi shoose Ruwa nekyeṟunda hamwi na walya wamkundi kyiiṙi kya iwanenga mecha, kyimwi na igamba soe luwalage chandu Ruwa akundi.

Waroma 8:9

Kyaindi kokooya Mumuyo o Ruwa nakyeri mrimenyi konyu, nyoe muiosha mmbiu-pfo; indi muiosha Mumuyo. Kyaindi kokooya mndu oose alawoṙe Mumuyo o Kristo, icho chi okye-pfo.

1 Wakorinto 4:17

Kyipfa kya ikyo ngaṙuma Timoteo konyu, akyeri mono-ko mkunde, ekyeafutsia shilya ateṟia kyiiṙi kya Mndumii, echimukumbuṟa njia tsako tsoose tsikyeri kyiiṙi kya Kristo, chandu ngyekyelosha orio handu kyiiṙi kya orio siṟi.

2 Wakorinto 1:11

Na nyoe mukotaramana na soe kyipfa kyaṙu kyiiṙi kya iterewa, kundu kyipfa kya kyisumbo kyilya luenengo soe kui itarama wandu wafoi, wandu wafoi waane kyipfa kyaṙu.

Wagalatia 3:5

Kyasia, ulya ekyemuenenga Mumuyo na iwuta shindo sha maṟiyisho kyiiṙi kyanyu, ngyesa nekyewuta kuṙo kui mawuto ga mawawaso, ang'u kui iicho Ndumi Ngyicha yekyeende iiṙikyia Yesu?

Wagalatia 4:6

Na kyipfa nyoe mowa wana, Ruwa naleṙuma Mumuyo o Mono-kye mrimenyi konyu, ekyegamba, “Aba,” kyimwi na igamba Awu.

Waefeso 1:18

Ikyo wakundi ingyiwutia koko chi kyindo-pfo. Kyaindi ko orio njia, kokooya nyi kui ngyeṟo, ang'u kokooya nyi kui wuloi, mbonyi tsa Kristo tsigambo; koikyo ngyichihiyo, yee, na inyi ngyechichihiyo.

1 Petiro 1:11

Wakapfula nyi kyiyeri kyiha, na nyi kyiyeri kya mbaṟe iha kyileikyimbo nyi Mumuyo o Kristo awekyeri mrimenyi kowo, ulya alesonguo iṟingyishia matuuro Kristo echienengo, na kyiṟumi kyekokyikyeri pfo numa ya isho.