Waefeso 1:11 - Kivunjo New Testament 1999

¹¹ muwaichuṟe shindo shicha shilya Yesu tikyi eiṙima imuenenga wuiṙimi wo ishiwuta, kui mng'ano na kyiṟumi kya Ruwa.

Waefeso 1:11 ပူးပေါင်းရင်းမြစ်များ

Matayo 5:16

Na wuṙo ngyeela yanyu ilyimikye mbele ya wandu, waiṙime iwona mawuto ganyu mecha, waṟumishe Awu-yonyu akyeri ruwewu.”

Yohane 15:16

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Yohane 15:2

Orio mbaga ilekyekumbia ndunda ngyekyeimanya; na orio mbaga yekyekumbia ndunda ngyekyeianguo, kundu iengyeṟe ikumbia ndunda.

Yohane 15:8

Kuṙo Awu oko neching'anyiso, kyipfa muikumbia ndunda tsifoi mnu; na nyoe mochiwa wanalosho wako.

Waroma 15:28

Ngammarisa iṟunda-lyo na iwaenengyia kyilya kyilesanio kyipfa kyawo, ngyeiṙia konyu ngyechiyenda Spania.

Waroma 6:22

Kyaindi wulalu mukomlekyio, na iwa kuleshi na wunyamaṟi, na iwa waṟundi wa Ruwa, muwoṙe kyiira kyanyu, nyikyo iilyisho, na mafurumionyi gakyo nyi moo o mlungana.

1 Wakorinto 10:31

Kyasia, kyiyeri muilya, ang'u muinyo, ang'u muiwuta kyindo kyoose, wutenyi kuṙo kui ienenga Ruwa kyiṟumi.

2 Wakorinto 9:10

Na ulya ekyeenenga mbeu mndu mowaaya, na mkate uwe kyelya, nemuenenga mbeu tsewaaya na itsiengyeṟa, na oe nechiengyeṟa shilyimu sha wusumganyi wonyu.

Wafilyipi 1:12

Na soe kyiiṙi kya icho luiṙime iwa kyiṟumi kya mng'ano okye, soe lulesonguo iwikyia Kristo ikusuria lyaṙu.

Wafilyipi 1:14

Nyi oe akyeri mogoṟokyia kyioṟa kyaṙu, kundu naende wukyiṟo wo Wumangyi wokye, wuwe kyiṟumi na mng'ano okye.

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 5:9

kyipfa ndunda ya ngyeela nyi wuchenyi woose na wusumganyinyi na loi;

Waefeso 4:17

Chi kye ngyikundi iambilyia shisumbo tikyi-pfo indi ngyikundi iwona ngoseṟa ya shindo shilya shicha mulemmbuta.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

Wakolosai 1:6

ileshika konyu, chandu kyikyeri wuyanenyi koose; na ikumbia ndunda na ing'ana, chandu ing'ana konyu taa, wookyia mfiri ulya muleicho mukomanya mnu isaṟia lya Ruwa kyiiṙi kya loi.

2 Watesalonikye 1:12

Rina lya Mndumii oṙu Yesu lying'anyiso mrimenyi konyu, na nyoe kyiiṙi kyakye, kui isaṟia lya Ruwa oṙu na lya Mndumii Yesu Kristo.

Tito 3:14

Wandu waṙu nawo wakuloshe iwuta shindo shicha orio kyiyeri, ko shindo shilya shiwaṟi tikyi; walacheewa wandu waiṟunda wulya.

Waebrania 12:11

Orio ngapo ikyeri kyindo kyekyeende sia-pfo, indi kya fowa; kyaindi kyiyeri kya numa yekyeendie walya wawatoṟishe nyi ngapo-yo ndunda tsa wusumganyi tsiwoṙe ufoṟo.

1 Petiro 2:12

Muwaṙe mkaṟo mcha kyiyeri mukyeri na walya walaiṙikyie Yesu, kundu kokooya wekyemuiria kye mowuta shindo shiwicho, wakaambuya mawuto ganyu mecha, waṟumishe Ruwa kyiyeri-kyo Yesu echicha lya kawi.

1 Petiro 2:5

Na nyoe, cha magoe Ruwa agaenengyie moo, muwawikye muwe numba ya Mumuyo, wukohanyi wuele, muwute shiṙaso sha mrima, shichihiṟie Ruwa, kui njia ya Yesu Kristo.

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

1 Petiro 4:14

Mukowio kye mowuta shiwicho kyipfa kya rina lya Kristo nyi nanga; cha kyipfa Mumuyo o kyiṟumi na o Ruwa nakyeri na nyoe.