Waebrania 9:28 - Kivunjo New Testament 1999

²⁸ na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

Waebrania 9:28 ပူးပေါင်းရင်းမြစ်များ

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Matayo 25:31

“Kyiyeri-kyo Mono-Adamu echicha mng'anonyi okye na malaika waele woose hamwi na oe, nyi lyo-ndu echiṙamia kyiṙinyi kya mng'ano okye.

Matayo 26:28

cha kyipfa iyi nyi samu yako ya mma, ipusuka kyipfa kya wafoi ko iwuto wunyamaṟi.

Yohane 14:3

Kyasia inyi ngyindemuṟeyeṟia handu hekaa. Ngyechicha-se ngyimuṙuo koko; kundu handu ngyikyeri, na nyoe mukae ho.

Mawuto Ga Wasu 1:11

wakagamba, “Nyoe wandu wa Galyilaya, ny'kyilyi muiambuya ruwewu? Yesu-chu aṙoo iwuka konyu iyenda wuye ruwewu, newuya chandu mommbona echiyenda ruwewu.”

Waroma 3:25

Ichu Ruwa amwummbikye nawe kyisanza kui njia ya iiṙikyia samunyi yakye, kundu naloṟe wusumganyi wokye, kyipfa kya ilekyia wusimirinyi wo Ruwa maṙeko goose galesonguo iwuto.

Waroma 5:15

Kyaindi kyisumbo kyilya kyiwekyeri cha ṙeko lyilya-pfo. Cha kyipfa kokooya kyipfa kya iṙeko lya ulya umwi wafoi walepfa, ngoseṟa mnu isaṟia lya Ruwa na kyienengo kyikyeri isaṟienyi lyakye mndu umwi Yesu Kristo kyileengyeṟika kyipfa kya walya wafoi.

Waroma 6:10

Kyipfa kui ipfa lyakye, wunyamaṟi woiṙima-se imchilyia-pfo; indi kulya oe iwaṙa moo, nawaṙa moo ko Ruwa.

Waroma 8:23

Maa chi wuṙo tikyi-pfo, indi maa soe luwenyi luwoṙe shindo shikyeri ndunda tsa kuwooka tsa Mumuyo, soe taa luiwawio mrimenyi koṙu, lochiweṙelyia iwa wana, nyi kyimwi na wukyiṟo wo mmbiu yaṙu.

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

1 Wakorinto 1:7

mṟasa mulauṟe kyienengo kyoose, mochiweṙelyia mnu kyiyeri Ruwa echishukuo Yesu Kristo;

1 Wakorinto 15:54

Kyasia kyiyeri mmbiu-chu okyenyamaṟika ulechinyamaṟika, na mmbiu-chu okyepfa ulechipfa, nyi lyo-ndu kyeafukyia kyindo kyilya kyikyiṟeie, “Upfu lulemeṟo kui iwinga.

1 Watesalonikye 1:10

Na iweṙelyia Mono-kye iwuka Ruwewu, ulya alemṟutsa iwuka ko wapfu, na oe nyi Yesu, echilushingyia lulaolokyio nyi nyashi ya Ruwa iya iicha.

2 Watesalonikye 2:1

Kyasia, wana wa wama, lumuterewa, ko mbonyi tsa icha lya Mndumii oṙu Yesu Kristo, na ikuumbia lyaṙu mbele yakye,

2 Timoteo 4:8

Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

Tito 2:13

Lochiambuya ikusuria lyiwoṙe mboṟa na iloṟo kyiṟumi kya Kristo Yesu, Ruwa ang'anyi na Mkyiṟa oṙu;

Waebrania 1:14

Ngyesa malaika nyi wakyi? Chi walya wekyeṙumo iṟundia walya wekyeoṟa wukyiṟo-pfoe?

Waebrania 10:10

Kyiiṙi kya shilya Ruwa akundi lowona iilyisho, kui iwuto mmbiu o Yesu Kristo lyimwi tupu.

Waebrania 12:14

Pfulenyi kui wuragari iwaṙa ufoṟo na wandu woose, na wuele, wulya kulawoṙe mndu echiwona Mndumii alauwoṙe,

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

Waebrania 7:27

Ulya alakundi kyindo orio mfiri, cha makohanyi walya wengyi wang'anyi, kuwooka iwuta kyiṙaso kyipfa kya ngyuunyamaṟi tsakye amonyi, numa ya iho kyipfa kya ngyuunyamaṟi tsa wandu-wo; kyipfa oe nalewuta kuṙo lyimwi, kyiyeri alereka moo okye.

Waebrania 9:25

Maa chi kye nakuwute kafoi, chandu Mkohanyi ang'anyi kuta woose ekyeiṙa na handu haele orio maka kui samu ilakyeri yakye-pfo.

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

2 Petiro 3:12

mochiweṙelyia mṟasa mfiri ulya o Ruwa uche, mochiuitika, na kyiiṙi kya mfiri-cho ngyina tserumatso tsechiunguo, na shindo sha wuyana shechisenekyia na isalaa?

1 Yohane 3:2

Wakunde, wulalu lukyeri wana wa Ruwa, maa kyilandemanyikye chandu lochiwa-pfo; kyaindi luichi kye kyiyeri Kristo echiloṟo, lochiwa cha oe; cha kyipfa lochimmbona chandu akyeri.

1 Yohane 3:5

Na nyoe muichi kye Kristo naleloṟo, kundu naluwute ngyuunyamaṟi; na wunyamaṟi wukyeri kokye-pfo.

Yuda 1:21

kuringyenyi ikundenyi lya Ruwa, kunu mochiweṙelyia iwonio wukyiwa lya Mndumii oṙu Yesu Kristo, mṟasa muambilyie moo o mlungana.

Ulogo 1:7

Kristo naicha iwinyi akyeri mapuchinyi; na orio riso lyechimmbona, na iwo walemmbaaga, na mbaṟe tsoose tsa wandu wa wuyana tsechikapa ṟanyi kyipfa kyakye. Yee. Amen.