Waebrania 9:19 - Kivunjo New Testament 1999

¹⁹ Kyipfa kyiyeri orio iwawaso lyilegambo nyi Mose ko wandu-wo woose, chandu mawawaso gawekundi, nalewuta samu ya magache na mburu, hamwi na mṟinga na kyiṙi kya hisopo kyikyipfungyie mamberi ga kyimaande ga moondo, kanyanyatsia kyitapu kyilya kya mawawaso, na wandu woose,

Waebrania 9:19 ပူးပေါင်းရင်းမြစ်များ

Matayo 27:28

Wakammbuta nguwo, wakamṟika ikunya lyifanyi kyimaande.

Mariko 15:17

Wakamṟika iwale lya kyimaande-maande, wakaoka oṟo ya msha, wakaimṟika mṙoenyi.

Mariko 15:20

Na wamumkape makuukuu, wakammbuta iwale lyilya lyakye lya kyimaande-maande, wakamṟika mawale gakye amonyi; wakamṙuo nja kundu wamkapie msalabenyi.

Yohane 19:2

Na asikari-wo wakaoka oṟo ya msha wakaṟika Yesu mṙoenyi kokye, wakamṟika na nguwo ya kyimaande-maande.

Yohane 19:5

Naaho-ng'u Yesu kafumia nja, aṟee oṟo iya ya msha, na nguwo iya ya kyimaande-maande. Pilato kawawia, “Lanyoe! Mndu ulya aichu iha!”

Waebrania 1:1

Kyiyeri kya kacha Ruwa naleṙeṙa na waku waṙu kafong'ui na kundu kufong'ui, iiṙia ko weonguo shisuku;

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 10:4

Kyipfa kyeiṙimika samu ya mapung'a na mburu iwuta wunyamaṟi-pfo.

Waebrania 12:24

na Yesu alewika Mma Mhya, na samu yakye ilepusuka, yekyeonguo shindo shicha kuta iya ya Abelyi.

Waebrania 9:12

maa chi kui samu ya mburu na magache-pfo, indi kui samu yakye ulya aleiṙa lyimwi tupu na handu Haele, na iluwuta wusingyenyi mlungana.

Waebrania 9:13

Cha kyipfa kokooya samu ya mburu na mapung'a na ifui lya igache lya umbe walya wafanyi kyimṟumoe walepusio yekyeilyisha mṟasa mmbiu ukowuka ukoe;

Waebrania 9:18

Koikyo maa mma ulya o kuwooka ulewooko kulawoṙe samu-pfo.

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.