Waebrania 9:15 - Kivunjo New Testament 1999

¹⁵ Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

Waebrania 9:15 ပူးပေါင်းရင်းမြစ်များ

Matayo 19:29

Na orio mndu aleṙa numba, ang'u mono-wamae o kyisoṟo ang'u o kyika, ang'u awuye, ang'u wamae, ang'u wana, ang'u maṙema, kyipfa kya rina lyako, nechiambilyia ka igana, na ioṟa moo o mlungana.

Matayo 22:3

Kaṙuma shisinga shakye shilage walya wawewalage na kulya wolyinyi; nawo wakalega icha.

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Matayo 25:36

ngyiwemkuuye, mukongyienenga nguwo tseṟaa; ngyiweluoe, mukochengyiwia hai; ngyiwekyeri kyipfungonyi mukochengyisaia.’

Mariko 10:17

Na lyilya awefuma iyenda njienyi, mndu umwi kacha eṙicha, kampfiria ndi, kammbesa, “Mlosha mcha, ngyiwute kyi ngyiiṙime ioṟa moo o mlungana?”

Luka 18:18

Lyingyi-se, mndu umwi msongoru nalemmbesa, echigamba, “Mlosha mcha, ngyiwute kyi kundu ngyiiṙime ioṟa moo o mlungana?”

Luka 22:20

Kyiṙoo nakyo na wuṙo amlye; kagamba, “Kyiṙoo-kyi nyi mma mhya samunyi yako, ipusuka kyipfa kyanyu.

Yohane 10:28

Na inyi ngyekyegaenenga moo o mlungana; maa gechiṙeka maa ale-pfo; maa kuwoṙe mndu eiṙima igangyisoka-pfo.

Mawuto Ga Wasu 20:32

“Kyasia, wulalu ngamuṙambika ko Ruwa, na kui ṙeṙo lya isaṟia lyechiiṙima imtarama na imuenenga kyioṟa hamwi na woose wawailyishe mrimenyi kowo.

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

Waroma 5:6

Cha kyipfa kyiyeri kyilya lulawewoṙe pfinya, ilyi kyiyeri kyileafukyia, Kristo nalepfa kyipfa kya wanyamaṟi.

Waroma 5:8

Indi Ruwa naloṟa ikunda lyakye oe amonyi koṙu soe, kyipfa Kristo nalepfa kyipfa kyaṙu, kyiyeri luwei wanyamaṟi.

Waroma 6:23

Kyipfa wori wo wunyamaṟi nyi upfu, indi kyisumbo kya Ruwa nyi moo o mlungana kyiiṙi kya Kristo Yesu Mndumii oṙu.

Waroma 8:28

Na soe luichi kye shindonyi shoose Ruwa nekyeṟunda hamwi na walya wamkundi kyiiṙi kya iwanenga mecha, kyimwi na igamba soe luwalage chandu Ruwa akundi.

Waroma 8:30

Na walya alewasambuṟa wookyia mawookyionyi, iwo kawalaga; na walya alewalaga, iwo kawatalyia wusumganyi; na walya alewatalyia wusumganyi, iwo kawang'anyisa.

Waroma 9:24

Nyi soe-ng'u alelulaga. Chi wandu wai Wayuda tikyi-pfo, indi na wandu walai Wayuda taa.

2 Wakorinto 3:6

Na oe nyi oe alelutarama iwa waṟundi wa mma mhya; chi wa kyiṟeio-pfo, indi wa Mumuyo; cha kyipfa kyiṟeio kyekyewaaga, indi Mumuyo okyekyiṟa.

Wagalatia 3:20

Kyasia ulya akyeri moṙumo chi moṙumo ko mndu umwi-pfo; indi Ruwa nyi umwi.

Wafilyipi 1:7

Kyiiṙi kyakye kui samu yakye, luwoṙe wukyiro woṙu, ihooṟio wunyamaṟi, iṙuana na isaṟia lyakye lying'anyi.

2 Watesalonikye 2:14

alemulagia nyoe kui Ndumi Ngyicha yaṙu, kundu luambilyie mng'ano o Mndumii oṙu Yesu Kristo.

1 Timoteo 2:5

Cha kyipfa Ruwa nyi umwi, na ulya ekyesanza Ruwa na wandu nyi umwi, mndu ulya ai Kristo Yesu.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

Tito 1:2

Kyiiṙi kya ikusuria lya moo o mlungana, ulya Ruwa alekyeṙeṙa wongo aleluteṟia wookyia wuyana wulagumbo.

Tito 3:7

kundu lukotalyio wusumganyi kui isaṟia lyakye, luiṙime iwa weoṟa wa moo o mlungana, chandu ikusuria lyaṙu lyikyeri.

Waebrania 10:34

Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.

Waebrania 10:36

Kyipfa muwaṟi iwaṙa wusimiri, kundu kye mukommbuta shilya Ruwa akundi muambilyie kyaasa kyilya.

Waebrania 11:13

Iwa woose wakapfiia iiṙikyienyi, walaambilyia shaasa shilya, indi wakashiwona wai kuleshi na ichihiyo kyipfa kyasho, na igamba kye wawekyeri wayenu, na wakyaro urukyenyi.

Waebrania 12:24

na Yesu alewika Mma Mhya, na samu yakye ilepusuka, yekyeonguo shindo shicha kuta iya ya Abelyi.

Waebrania 13:20

Kyasia, Ruwa o ufoṟo aleende-se iwuka ko wapfu Mlyisi Ang'anyi o moondo, kui samu ya mma o mlungana, oe Mndumii oṙu Yesu,

Waebrania 2:14

Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Waebrania 6:13

Cha kyipfa Ruwa, kyiyeri aleenenga Abrahamu kyaasa kyipfa alawewoṙe ang'anyi kuta ulya alemlyiia nyamu, nalelya nyamu kui mrima okye,

Waebrania 6:15

Na kuṙo kui isimiria kawona kyaasa kyilya.

Waebrania 7:22

Kyasia, iṙuana na wuloi-wu Yesu nawa mloṟi o mma ulya mcha ngoseṟa.

Waebrania 8:13

Kui igamba, “Mma Mhya” nagaluo lyilya lya kuwooka iwa lyiku. Kyaindi kyindo kyawooka ikuo nyi iwuka ho kyii.

Waebrania 9:12

maa chi kui samu ya mburu na magache-pfo, indi kui samu yakye ulya aleiṙa lyimwi tupu na handu Haele, na iluwuta wusingyenyi mlungana.

Waebrania 9:16

Kyipfa handu mma o kyioṟa ukyeri, hawaṟi hakae na upfu lo ulya alewika mma-cho.

Waebrania 9:28

na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

Yakobo 1:12

Agusu mndu ekyekarishia shiyesho; cha kyipfa kamwiṙikyio neambilyia wori wo moo, wulya Mndumii aṟeyeṟie walya wamkundi.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

1 Yohane 2:25

Na ikyi nyikyo kyaasa aleluenenga, moo o mlungana.

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.