Waebrania 9:14 - Kivunjo New Testament 1999

¹⁴ kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?

Waebrania 9:14 ပူးပေါင်းရင်းမြစ်များ

Matayo 12:28

Kyaindi inyi ngafuna waṟufui wawicho kui Mumuyo o Ruwa, kyasia Wumangyi wo Ruwa wommaa icha na konyu.

Matayo 16:16

Simion Petiro kagaluo, kagamba, “Iyoe nyi oe Kristo, Mono-Ruwa ai na moo mlungana.”

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Matayo 7:11

Kyasia kokooya nyoe, mui wawicho, muichi ienenga wana wanyu shienengo shicha, ngyesa chi ngoseṟa mnu Awu onyu akyeri ruwewu echienenga mecha walya wekyemterewa-pfoe?

Luka 1:74

kye nechilutarama soe, lukyiṟo iwuka mawokonyi ga washituwa waṙu, na imṟundia kulawoṙe wuowu,

Luka 12:24

Kusaṟenyi mbonyi tsa makuru, kye gekyewaaya maa isambuo-pfo; gawoṙe shikumbi maa handu hekooma shindo-pfo, indi Ruwa nekyegaenenga kyelya. Nanga nyoe kafoi kuta shileye!

Luka 12:28

Kyasia kokooya Ruwa nekyeṟika kuṙo maṟa ga ipfo ṙemenyi, gakyeri ho inu na ngama gakawiyitso moṙonyi ngyesa emmbutia ngoseṟa, nyoe wa iiṙikyia lyaangu?

Luka 4:18

“Mumuyo o Mndumii nai wuye yako, kyipfa nalengyishumbuo iongoya wakyiwa mbonyi ngyicha nalengyiṙuma iongoya wapfungo kya ilekyio lyawo, na shipfupfuṟe iiṙima iwona-se. Na iashuo walya wawailame.

Yohane 3:34

Cha kyipfa ulya amṙume nyi Ruwa nekyeonguo mbonyi tsa Ruwa; cha kyipfa ekyeenengyia Mumuyo kui iehia-pfo.

Mawuto Ga Wasu 1:2

Mṟasa mfiri ulya aleṙoso na wuye ruwewu, amloṟe kui Mumuyo Mweele wasu walya alewasambuṟa.

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 14:15

wechigamba, “Lanyoe, ny'kyilyi muiwuta ishi? Soe lukyeri wandu cha nyoe. Lumuongoya mbonyi ngyicha, kundu mugalukye na iṙa shindo sha wuwicho na iyenda ko Ruwa ai na moo, alegumba ruwewu na uruka na mapalyipalyi na shoose shikyeri pfo.

Mawuto Ga Wasu 15:9

Maa aleluwutia soe kyindo kyilafananyi na kyilya alewawutia-pfo, echiwailyisha mrima yawo kui iiṙikyia.

Waroma 1:20

Kyipfa wookyia kyiyeri Ruwa alegumba wuyana wandu weiṙima imanya na pata kye pfinya tsakye nyi tsa mlungana na kye nai Ruwa loi. Mbonyi tsi tsekyeiṙima iwono-pfo kyaindi tsekyemanyika. Wandu weiṙima imanya mbonyi-tsi tsa Ruwa kyipfa kya shindo Ruwa agumbie. Kyipfa kya ikyo wechiiṙima ikuwaṙa na kyindo kyoose kyiiṙi kya shilya wawutie-pfo.

Waroma 1:4

na iṟingyishio kui wuiṙimi iwa Mana o Ruwa, kui mbaṟe ya ngoo ya wuele, kui iṟutso lya wapfu, Yesu Kristo Mndumii oṙu.

Waroma 11:12

Kyasia, kokooya ṙeko lyawo lyawa nyi wunjama wo wuyana, na wufofo wowo wo kyimrima wuleende mboṟa ing'anyi ko wandu wa masanga wengyi, ngyesa kyechiwa ngoseṟa iafutsia lyawo-pfoe?

Waroma 11:24

Cha kyipfa kokooya iyoe nulemanyo kowuto mseituninyi, ukyeri mseituni o nguṙunyi wookyia mawookyionyi, numa koṙongo mbaṟe ingyi, mseituninyi ui mcha; chi ngoseṟa walya wakyeri mseituni mcha wookyia mawookyionyi iiṙima iṙongo mseituninyi owo wawenyi-pfoe?

Waroma 6:13

Maa mulaengyeṟe iwuta shiwungo shanyu shiwe shisha sha mbaka ko wunyamaṟi. Indi kuwutenyi muwenyi ko Ruwa cha wai na moo numa ya ipfa, na shiwungo shanyu ko Ruwa iwa shisha sha wusumganyi.

Waroma 6:22

Kyaindi wulalu mukomlekyio, na iwa kuleshi na wunyamaṟi, na iwa waṟundi wa Ruwa, muwoṙe kyiira kyanyu, nyikyo iilyisho, na mafurumionyi gakyo nyi moo o mlungana.

1 Wakorinto 15:45

Nyi wuṙo kyikyiṟeie, “Mndu o kuwooka, Adamu, nalewa kyindo kyiwoṙe moo, Adamu o mafurumionyi nyi mumuyo okyeende moo.”

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

2 Wakorinto 6:16

Lyingyi-se hawoṙe iiṙikyiana lya mbaṟe iha kyiiṙi kya hekalu lya Ruwa na ifano? Cha kyipfa soe nyi hekalu lya Ruwa akyeri na moo; chandu Ruwa alegamba kye, “Ngyechikaa mrimenyi kowo na ichumia kyiiṙi kyawo na inyi ngyewa Ruwa owo, nawo wechiwa wandu wako.”

Wagalatia 2:19

Kyipfa inyi ko mbonyi tsa mawawaso ngyipfiie kundu ngyiwaṙe moo kyipfa kya Ruwa.

Wafilyipi 2:5

mṟasa kyiyeri kyilya luwekyeri wapfu kyipfa kya maṙeko gaṙu; naleluṟutsa hamwi na Kristo; kyimwi na igamba kye, mulekyiṟo kui isaṟia.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

1 Watesalonikye 1:9

Cha kyipfa wo wawenyi waionguo mbonyi tsaṙu, chandu mbonyi tsaṙu tsilewa kyiyeri lulecha na konyu; na chandu muleindukyia Ruwa mukolekana na mafano, kundu muṟundie Ruwa ai na moo, o loi.

1 Timoteo 1:17

Wulalu ko Mangyi o shiyeri shoose, alekyerumatso, alekyewono na meso, Ruwa alawoṙe ungyi ai cha oe, kokye kuwaṙe wuindi na kyiṟumi mlungana na mlungana. Amen.

1 Timoteo 3:15

Kyaindi ngakyelyio, umanye chandu kyiwaṟi wandu iwuta kyiyeri-kyo wakyeri numbenyi ya Ruwa, ikyeri Siṟi ya Mndumii ai na moo, ngoe na urende lo loi.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 10:10

Kyiiṙi kya shilya Ruwa akundi lowona iilyisho, kui iwuto mmbiu o Yesu Kristo lyimwi tupu.

Waebrania 10:12

Kyaindi ichu, kyiyeri amwenengyie kyipfa kya wunyamaṟi kyiṙaso kyimwi kyechikaa mṟasa mlungana, naleṙamia kuwoko ko kulyoe ko Ruwa;

Waebrania 10:2

Kokooya nyi wuṙo, ngyesa shiṙaso shechiṙa ienengyio; cha kyipfa waiindia na iana Ruwa wakamuilyisho lyimwi tupu, walawechikuwona-se wo wawenyi kye wawoṙe wunyamaṟi?

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 11:21

Kui iiṙikyia Yakobo, kyiyeri aweipfa, kawikyia mboṟa orio mana o Yosefu, kaana na iterewa Ruwa akuyekyie mṙoenyi o upoi lokye.

Waebrania 13:12

Kyipfa kya ikyo, Yesu na oe, kundu nailyishe wandu kui samu yakye amonyi, nalelyiso wukyiwa nja ya mṟi.

Waebrania 3:12

Ambuyenyi, wana wa wama, maa umwi onyu alawaṙe mrima mmbicho ulawoṙe iiṙikyia; kui ikuletsana na Ruwa ai na moo.

Waebrania 6:1

Kyipfa kya ikyo, lukoṙa ionguo malosho ga kuwooka ga Kristo, lupfuṟukane lushikye masiionyi ga kyaro. Maa lulaṙeṙe-se mbonyi tsa malosho-go ga kuwooka, lulaiwuta-se shindo shilawoṙe kyiiṙa na iiṙikyia Ruwa,

Waebrania 7:16

alakyeri mkohanyi ko mawawaso ga kyimndu, indi kui pfinya tsa moo tsilekyesia.

Waebrania 7:27

Ulya alakundi kyindo orio mfiri, cha makohanyi walya wengyi wang'anyi, kuwooka iwuta kyiṙaso kyipfa kya ngyuunyamaṟi tsakye amonyi, numa ya iho kyipfa kya ngyuunyamaṟi tsa wandu-wo; kyipfa oe nalewuta kuṙo lyimwi, kyiyeri alereka moo okye.

Waebrania 9:12

maa chi kui samu ya mburu na magache-pfo, indi kui samu yakye ulya aleiṙa lyimwi tupu na handu Haele, na iluwuta wusingyenyi mlungana.

Waebrania 9:26

Kokooya nyi wuṙo, kyiwemmbaṟi ilyiso wukyiwa kafoi wookyia wuyana wulagumbo. Kyaindi wulalu, lyimwi tupu, mafurumionyi ga shiyeri, nawoneka lya kuwooka na lya mafurumionyi, ihooṟia ngyuunyamaṟi kui kyiṙaso kya mrima okye.

Waebrania 9:7

Kyaindi kyiiṙi kya tengo-lyo lya kawi Mkohanyi ang'anyi kuta woose nekyeiṙa napfo amonyi, lyimwi orio maka; aṙuṙe samu iwukyie kyindonyi kya kyiṙaso kyipfa kya wunyamaṟi wokye amonyi na wo wandu wengyi kyiyeri walalemanya kye kyilya waweiwuta nyi wunyamaṟi.

Waebrania 9:9

Lyilya lyikyeri mfano o kyiyeri-kyi kyikyeri pfo wulalu; kyiyeri-kyo shienengo sheṙasa shiwuto, shilechiiṙima kui chandu mndu akuichuoe mrimenyi kokye iafutsia mndu aiindia na iterewa Ruwa.

1 Petiro 1:19

indi kui samu ya woguru, cha ya kyiondo kyilawoṙe tewe, ya Kristo.

1 Petiro 2:22

Oe alenyamaṟa, maa iwaṙa ngyeṟo-pfo.

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

1 Petiro 4:2

Wookyia wulalu mulaengyeṟe iosha lango tsa mmbiu, indi oshenyi shilya Ruwa akundi, kyiyeri kyanyu kyitsugai kyekaa iha wuyanenyi.

1 Yohane 1:7

Indi lukowaṙa mkaṟo ya ngyeela, chandu oe akyeri ngyeelenyi, lokaa handu hamwi soe, na samu ya Kristo, Mono-kye, yalusanja wunyamaṟi woose.

1 Yohane 3:5

Na nyoe muichi kye Kristo naleloṟo, kundu naluwute ngyuunyamaṟi; na wunyamaṟi wukyeri kokye-pfo.

Ulogo 1:5

Lyingyi-se shiwukyie ko Yesu Kristo, mṟingyishi ekyeafutsia shilya ateṟia, mmbele o wapfu, na ang'anyi o wamangyi wa wuyana. Ulya alukundi na ilusanja ngyuunyamaṟi tsaṙu samunyi yakye,