Waebrania 9:11 - Kivunjo New Testament 1999

¹¹ Kyaindi Kristo kamcha, akyeri Mkohanyi ang'anyi kuta woose o mbonyi tsicha tsechicha, ko tengo lyilya lying'anyi ngoseṟa na lyiafutsie, lyilalyiachikyie nyi wandu, kyimwi na igamba lyilakyeri lya wuyana-wu,

Waebrania 9:11 ပူးပေါင်းရင်းမြစ်များ

Matayo 11:3

“Iyoe nyi ulya aicha, ang'u luweṙelyie ungyi?”

Matayo 2:6

‘Na iyoe Betilehemu, urukyenyi lo Yuda, ukyeri mtutu wachilyinyi wa Yuda maa ale-pfo; kyipfa kopfo nechiwuka mochilyia uruka, echilyisa wandu wako Isiraelyi.’ ”

Mariko 14:58

“Soe lulemwicho echigamba, ‘Inyi ngyechiunduo hekalu-lyi lyilyiachikyie kui mawoko, na kyiiṙi kya mfiri iṟaṟu ngyechiwika lyingyi lyilalyiachikyie kui mawoko.’ ”

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 4:25

Mndu mka ulya kammbia, “Ngyiichi kye Mesia naicha (ekyelago Kristo); na oe ilyi echicha, nechilutambuluya shindo shoose.”

Mawuto Ga Wasu 7:48

Indi ulya ekyekaa wuye ruwewu ekyekaa numbenyi tsingyiwikye kui mawoko-pfo; chandu moonguo shisuku agambie,

2 Wakorinto 4:18

Lulaambuye shekyewono indi shilya shilekyewono. Shilya shekyewono shekyekaa kyiyeri kyifuhi, indi shilya shilekyewono shekyekaa mlungana.

2 Wakorinto 5:1

Cha kyipfa luichi kye mmbiu yaṙu lukyeri nayo iha wuyanenyi ikamnyamaṟika, luwoṙe numba iwukyie ko Ruwa, numba ilangyiwikye kui mawoko, ikyeri ya mlungana ruwewu.

Wakolosai 2:11

Kyiiṙi kyakye muleṙino kui iṙino lyilekyewuto kui mawoko, kui iṙa lango tsa mmbiu, kui iṙino lya Kristo.

Waebrania 10:1

Kyasia uwawaso, kyipfa nyi kyirinje kya mecha gechicha, maa chi fana ya mecha-go-pfo, kui shiṙaso shilya shilya waleenengyia orio maka, shechiiṙima kyiyeri kyoose igaluo walya wekyecha iindia na iana Ruwa iwa wandu waafutsie-pfo.

Waebrania 12:27

Kyaindi ṙeṙo lyilya, “Lyimwi-se,” lyaṟingyishia isamiṟo shilya sheiṙima iṙeṙemsho, cha shindo shilegumbo, kundu shindo shilechiiṙima iṙeṙemsho shikae.

Waebrania 13:14

Kyipfa iha luwoṙe mṟi ochikaa ho mlungana-pfo, indi luipfula mṟi ulya uicha.

Waebrania 2:17

Koikyo kyiwemmbaṟi ifananyisho na wana wa wamae shindonyi shoose, naiṙime iwa mkohanyi ang'anyi awoṙe isaṟia, ekyeafutsia kyilya ateṟia iṟundenyi lya Ruwa, nahooṟie wandu wakye ngyuunyamaṟi tsawo.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.

Waebrania 7:1

Cha kyipfa Melyikyisedekyi-cho, mangyi o Salemu, mkohanyi o Ruwa ai wuye ruwewu, nalekarisana na Abrahamu kyiyeri aweiwuya ikapa wamangyi-wo, kammbikyia mboṟa.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.

2 Yohane 1:7

cha kyipfa walembi wafoi wammboneka wuyanenyi, walaiṙikyie kye Yesu Kristo naicha kyiiṙi kya mmbiu. Icho nyi oe mlembi ulya na mowingana na Kristo.