Waebrania 7:26 - Kivunjo New Testament 1999

²⁶ Kyipfa luwewaṟi soe luwaṙe mkohanyi ang'anyi mbaṟe-i akyeri mweele, alawoṙe wuwicho, alawoṙe tewe lyoose, amletsane na walya wekyeṙeko, Ruwa alemwiria wuye ruwewu.

Waebrania 7:26 ပူးပေါင်းရင်းမြစ်များ

Matayo 27:18

Cha kyipfa nalemanya kye walemṙambika kokye kui wunyenyi.

Mariko 16:19

Kyasia Mndumii Yesu, amṙeṙe nawo, kaṙoo wuye ruwewu, kaṙamia kuwoko ko kulyoe ko Ruwa.

Luka 1:35

Malaika kagaluo, kammbia, “Mumuyo Mweele necha na kopfo na pfinya tsa icho ai wuye tsekushikyia cha kyirinje. Kyipfa kya ikyo, ikyo kyechifeo kyelago nyi kyiele, Mana o Ruwa.

Luka 23:22

Kawawia lya kaṟaaṟu, “Kyipfa kya kyikyi? Ichu nawuta wuwicho wuha? Ngawona nawoṙe kyindo kyechimwenenga ipfa-pfo. Kyasia ngamumkapa ngyemlekyia.”

Luka 23:41

Nakyo nyi sungusinyi koṙu soe, cha kyipfa luambilyia wori wuwaṟi mawuto gaṙu; indi ichu alewuta kyindo kyoose kyiwicho-pfo.”

Luka 23:47

Amgambe kuṙo nalelekyia moo. Kyiyeri mchilyi ulya alewona shindo shilewutika, naleana Ruwa, echigamba, “Loi mndu-chu nawekyeri msumganyi.”

Luka 24:26

Ngyesa kyilekooya Kristo iwona matuuro-ga na iiṙa na mng'anonyi okye-pfoe?”

Luka 24:46

Kawawia, “Nyi wuṟo kyiwekyiṟeie, kye Kristo nechituuro na iṟuka mfiri o kaṟaaṟu.

Yohane 14:30

Inyi ngyechiṙeṙa-se na nyoe shindo shifoi-pfo, cha kyipfa Satana, mchilyi o wuyana-wu naicha, na echiiṙima ingyiwutia kyindo-pfo.

Yohane 8:29

Na ulya alengyiṙuma nakyeri hamwi na inyi; angyiṙeeye ngyimonyi-pfo; cha kyipfa mfiri yoose ngyekyewuta shilya shimchihiṟie.”

Mawuto Ga Wasu 3:14

Indi nyoe mulekana ulya Mweele, ulya alawoṙe tewe, mukokunda ienengo mmbaagi.

Mawuto Ga Wasu 4:27

“Kyipfa nyi loi, Herode na Pontio Pilato hamwi na wandu walaiṙikyie Ruwa na wandu wa Isiraelyi, walesanzia kunu mṟinyi, wechichila mbonyi tsa Mṟundi opfo mweele Yesu, ulemshumbuo,

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 12:2

lochiambuya Yesu, ulya ekyewooka na iafutsia iiṙikyia lyaṙu. Ulya alekarishia mawawio ga halya msalabenyi. Kyipfa kya sia iya iweimmbeṙa, alekusaṟa maa ale kya sonu ya iwoogo msalabenyi-pfo. Na wulalu naṙamie kuwokonyi ko kulyoe ko kyiṙi kya mng'ano kya Ruwa.

Waebrania 2:10

Cha kyipfa kyiwemmbaṟi oe, ulya kyipfa kyakye na kui oe shindo shoose shilegumbo, kundu naenengye wandu wafoi wekyemwosha wuiṙimi wo iwona kyiṟumi kyakye, iafutsia msongoru ang'anyi o wukyiṟo wowo kui njia ya ilya wukyiwa.

Waebrania 2:17

Koikyo kyiwemmbaṟi ifananyisho na wana wa wamae shindonyi shoose, naiṙime iwa mkohanyi ang'anyi awoṙe isaṟia, ekyeafutsia kyilya ateṟia iṟundenyi lya Ruwa, nahooṟie wandu wakye ngyuunyamaṟi tsawo.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Waebrania 7:11

Kyasia, kokooya kulawewoṙe wufofo wukohanyinyi wo Lewi; (kyipfa wandu waleenengo mawawaso kyipfa kya wukohanyi-wo), kuwewoṙe-se kyimaṙuma kya kyikyi kuwaṙe mkohanyi ungyi, ai cha Melyikyisedekyi, maa aletalo cha ilyi nai cha Aron?

Waebrania 8:1

Kyasia, kyiiṙi kya isho luionguo, kyindo kying'anyi kuta shoose nyi ikyi, luwoṙe Mkohanyi ang'anyi kuta woose mbaṟe-i, aṙamie kuwoko ko kulyoe ko kyitima kya wuchilyi kya Ruwa Mopfinya.

Waebrania 9:14

kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?

1 Petiro 1:19

indi kui samu ya woguru, cha ya kyiondo kyilawoṙe tewe, ya Kristo.

1 Petiro 2:22

Oe alenyamaṟa, maa iwaṙa ngyeṟo-pfo.

1 Petiro 3:22

Na oe nakyeri kuwoko ko kulyoe ko Ruwa, nayenda ruwewu, echichilyia malaika na shindo shingyi shoose shiwoṙe pfinya kulya ruwewu.

1 Yohane 2:2

Na oe nyi oe moluwuta ngyuunyamaṟi tsaṙu; chi ngyuunyamaṟi tsaṙu tupu-pfo indi na tsa wandu wa wuyanenyi koose.

1 Yohane 3:5

Na nyoe muichi kye Kristo naleloṟo, kundu naluwute ngyuunyamaṟi; na wunyamaṟi wukyeri kokye-pfo.

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.