Waebrania 7:25 - Kivunjo New Testament 1999

²⁵ Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

Waebrania 7:25 ပူးပေါင်းရင်းမြစ်များ

Yohane 14:13

Na nyoe, mukoterewa kyindo kyoose kyipfa mukyeri wanalosho wako, ikyo ngyechikyiwuta, kundu Awu nang'anyiso kyiiṙi kya Mana.

Yohane 14:16

Na inyi ngyechiterewa Awu, na oe nechimuenenga Mtarami ungyi, kundu nakae na nyoe mṟasa mlungana.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

Waroma 5:2

Ulya kui oe lulewona kui njia ya iiṙikyia ikooya isaṟia-lyi lugoṟokyi kyiiṙi kyalyo; na ichihiyo ikusurienyi lya mng'ano o Ruwa.

Waroma 8:34

Nyi wui eiṙima igamba kye nawaṟi iolotsio ngapo? Kristo Yesu nyi oe alepfa; yee, na ngoseṟa ya isho, naleṟuka ko wapfu, na oe naṙamie kuwoko ko kulyoe ko Ruwa. Ngoseṟa nyi oe ailuterewia.

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

Wafilyipi 2:18

Cha kyipfa kokye soe loose lulewona njia yetikyira kufuhi na Awu Mumuyonyi umwi.

Wafilyipi 3:12

Kyiiṙi kyakye luwoṙe wuṟango na wukari na wuiṙimi wo tikyira kufuhi ikusurienyi kui njia ya imwiṙikyia.

Wafilyipi 3:20

Kyasia naṟumisho oe ekyeiṙima iṟunda shindo sha maṟiyisho mnu kuta shoose lokyeterewa na ikusaṟa, iṙuana na pfinya iṟunda maṟunda mrimenyi koṙu.

Waefeso 3:21

echiilacha mmbiu oṙu o wufofo, uiṙime ifanana na mmbiu okye o kyiṟumi, kui wuiṙimi wulya echiiṙima ichilyia nawo shindo shoose.

1 Timoteo 2:5

Cha kyipfa Ruwa nyi umwi, na ulya ekyesanza Ruwa na wandu nyi umwi, mndu ulya ai Kristo Yesu.

2 Timoteo 1:12

Kyipfa kya ikyo ngyileolokyio matuuro-ga maa ngyirigo nyi sonu-pfo; kyipfa ngyiichi icho ngyimwiṙikyie, na imanya piu kye neiṙima iringa kyilya ngyilekooma kokye mṟasa mfiri ulya.

Waebrania 11:6

Kyaindi kulawoṙe iiṙikyia kyeiṙimika imchihiṟa-pfo; cha kyipfa mndu ekyeyenda ko Ruwa kyiwaṟi naiṙikyie kye Ruwa nakyeri pfo, na kye nekyeenenga wori walya wekyempfula.

Waebrania 13:15

Kyasia, kui njia yakye oe, luenengye Ruwa kyiṙaso kya kyiṟumi mlungana, maṙeṙo gaṙu nyi kyienengo kyaṙu.

Waebrania 2:18

Na cha kyipfa oe amonyi nalelyiso wukyiwa kyiyeri aleyesho, neiṙima itarama walya wekyeyesho.

Waebrania 2:9

indi lowona ulya alegumbo kawa mtutu kuta malaika, Yesu, kyipfa kya mawawio ga upfu, amwenengye kyiṟumi na mng'ano, kundu kui isaṟia lya Ruwa napfe kyipfa kya orio mndu.

Waebrania 5:7

Yesu, mfiri-yo awei na moo, naleeṟeṟia Ruwa, echifiiṟa na itonyitsa mcheṟeṟe, Ruwa echiiṙima imkyiṟa na immbuta upfunyi, kaaṙanyio chandu awekyeri mndu aowuye na ikunda Ruwa;

Waebrania 7:16

alakyeri mkohanyi ko mawawaso ga kyimndu, indi kui pfinya tsa moo tsilekyesia.

Waebrania 7:19

(cha kyipfa iwawaso lyilya lyileafutsia kyindo-pfo); na hamwi na isho kulewiko ikusuria lyilyicha ngoseṟa, ikusuria lyekyeluenenga itikyiria Ruwa.

Waebrania 7:24

indi oe, kyipfa ekyekaa mlungana, nawoṙe wukohanyi wulekyewuka ho.

Waebrania 7:8

Na makohanyi wekyepfa wekyewuta kyifunjoe kya ikumi; indi iha Melyikyisedekyi ekyeambilyia kyifunjoe kya ikumi ekyepfa-pfo.

Waebrania 9:24

Cha kyipfa Kristo aleiṙa na handu haele haleachikyio nyi wandu-pfo, nyicho mfano o handu haele ha loi; indi naleiṙa na ruwewu ya loi nawono wulalu mbele ya Ruwa kyipfa kyaṙu.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;