Waebrania 7:18 - Kivunjo New Testament 1999

¹⁸ Kyipfa kuwoṙe iilachika lya iwawaso lyilya lyilesonguo, kyipfa kya wufafa wolyo, na iuṟa kyiira lyayo;

Waebrania 7:18 ပူးပေါင်းရင်းမြစ်များ

Mawuto Ga Wasu 13:39

Na kui oe orio momwiṙikyia nekyetalo kye namsumganyi shindonyi shoose alechiiṙima italo kye namsumganyi kui uwawaso lo Mose.

Waroma 3:31

Kyasia, ngyesa luilacha mawawaso kui iiṙikyia-lyo? Ote! Cha kyipfa luindia mawawaso chandu gawaṟi iindio.

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

Wagalatia 3:15

Wana wa wama wako, ngyiṙeṙa kyimndu. Maa chandu kyikyeri nyi kyaasa kya wandu, kyaasa kyikammbiko, kuwoṙe mokyiilacha ang'u ikyiengyeṟa-pfo.

Wagalatia 3:17

Kyindo ngyigamba nyi ikyi, kyaasa kyilewiko mawookyionyi nyi Ruwa, uwawaso lulecha maka magana gaana na makumi gaṟaaṟu numa ya kyaasa-kyo loiṙima iilacha kyaasa-kyo-pfo.

Wagalatia 3:21

Kyasia, ngyesa uwawaso lokyewingana na shaasa sha Ruwa? Ote! Cha kyipfa kokooya mawawaso gekyeende moo galaleṙiko, loi wusumganyi wuwechiwono kui mawawaso.

Wagalatia 4:21

Ngyiwienyi, nyoe mukundi ichilyio nyi mawawaso. Ngyesa mokyeicho kyindo mawawaso gagamba-pfoe?

Wagalatia 4:9

Indi wulalu mommanye Ruwa, ang'u ngoseṟa Ruwa imumanya nyoe, nyi kyikyi kyitewe kyewiyilyia malosho ga mawookyionyi gamafofo, gai mti, galya mukundi igaṟundia-se?

1 Timoteo 4:8

Cha kyipfa ikuichiwiṟa iwaṙa pfinya tsa mmbiu kuwoṙe kyiira kyitutu, kyaindi iowuo na ikunda Ruwa shindonyi shoose nyi kyindo kyicha. Kyimwi na igamba, nuwoṙe kyiteṟio kya moo o wulalu, na ulya ochikouipfo mfiri-yo iicha.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.

Waebrania 7:19

(cha kyipfa iwawaso lyilya lyileafutsia kyindo-pfo); na hamwi na isho kulewiko ikusuria lyilyicha ngoseṟa, ikusuria lyekyeluenenga itikyiria Ruwa.