Waebrania 6:9 - Kivunjo New Testament 1999

⁹ Kyaindi, wakunde, maa chandu lokyeonguo isho, mbonyinyi tsanyu luleiṙikyia mbonyi ngyicha ngoseṟa, na tsiwoṙe wukyiṟo.

Waebrania 6:9 ပူးပေါင်းရင်းမြစ်များ

Mariko 16:16

Aiṙikyia na ipatiso nechikyia; alaiṙikyia, nechianduyo.

Mawuto Ga Wasu 11:18

Kyiyeri waleicho mbonyi-tsi wakatsia sau, wakaṟumisha Ruwa, wechigamba, “Kyasia Ruwa naenenga walya walaiṙikyie Yesu isaṟia lya iṙumbuya wunyamaṟi, irumbuya lyekyeende moo o mlungana.”

Mawuto Ga Wasu 20:21

ngyechiṟingyishia Wayuda na Wakyiṟikyi watochie Ruwa wunyamaṟi na iiṙikyia Mndumii oṙu Yesu Kristo.

1 Wakorinto 10:14

Kyipfa kya ikyo, wakunde wako, kushowenyi na iindia mafano.

2 Wakorinto 12:19

Mokusaṟa kye maa wulalu luṙeṙa mbonyi tsekuringa konyu! Mbele ya Ruwa luiṙeṙa kyiiṙi kya Kristo. Na isho shoose, wakunde, nyi kyipfa kya imukarisha nyoe.

2 Wakorinto 7:1

Kyasia-ng'u, wakunde wako, cha kyipfa luwoṙe shaasa-sho, lusanje mrima-i yaṙu ilekane na ukoe loose lo mmbiu na mrima, kunu lochiafutsia wuele kui iindia Ruwa.

2 Wakorinto 7:10

Iwona fowa lyikyeri kui mbaṟe ya Ruwa lyekyeende iṙumbuya wunyamaṟi wokyeende wukyiṟo wulawoṙe isumkyia indi fowa ya wuyana yekyeende upfu.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Waebrania 10:34

Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.

Waebrania 10:39

Kyaindi soe lukyeri kyiiṙi kya walya waiiya-iya na iṙeka-pfo, indi lukyeri kyiiṙi kya walya wawoṙe iiṙikyia na ikyiṟa mrima yaṙu.

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

Waebrania 6:10

Cha kyipfa Ruwa ammbicho mṟasa nawaṙime iṟunda lyanyu-pfo, na ikunda lyilya mulelyiṟingyishia kui rina lyakye, cha kyipfa muleṟundia wandu wa Ruwa, na mṟasa wulalu muwaṟundia.

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.

2 Petiro 3:1

Wakunde, paruo-i nyi ya kawi ngyimuṟeia nyoe. Ipfo paruonyi tsiwi ngyilepfuṟukana iamtsa makusaṟo mecha mṙoenyi konyu kui imukumbuṟa mbonyi-tsi.

1 Yohane 2:7

Wakunde, ngyimuṟeia iwawaso lyihya-pfo, kyaindi iwawaso lya kacha muwekyeri nalyo wookyia mawookyionyi. Na iwawaso-lyo lya kacha nyi mbonyi tsilya muleicho.

Yuda 1:3

Wakunde, kyiyeri ngyiwepfuṟukana mnu imuṟeia mbonyi tsa wukyiṟo wukyeri nyi woṙu loose, ngyilewona kyangyikooya imuṟeia, kundu ngyimtutume kye mukapanie iiṙikyia lyileenengo wandu wa Ruwa lyimwi tikyi.