Waebrania 6:6 - Kivunjo New Testament 1999

⁶ wakaṙa iiṙikyia numa ya iho, kyechiiṙimika-se iwagaluo waṙumbuye wunyamaṟi-pfo; cha kyipfa wakapia Mono-Ruwa msalabenyi lya kawi kui mrima yawo, na imriisa sonu na pata.

Waebrania 6:6 ပူးပေါင်းရင်းမြစ်များ

Matayo 19:26

Yesu kawaitukuya na pfinya, kawawia, “Ko wandu ikyo kyeiṙimika-pfo; kyaindi ko Ruwa shoose shekyeiṙimika.”

Luka 11:48

Kyasia muṟingyishia na iiṙikyiana na kyilya waku wanyu walewuta; kyipfa wo walewaaga weonguo shisuku-wo, na nyoe muchopa shilome shawo.

2 Timoteo 2:25

echiikyimbia kui wuoloru iwo waiwingana na oe, kundu kokooya kyaiṙimika, Ruwa nawaenengye iṙumbuya wunyamaṟi na imanya wuloi wo Ndumi Ngyicha.

Waebrania 10:26

Kyipfa kokooya lowuta wunyamaṟi lukomuambilyia wuṟango wo wuloi wulya, kuwoṙe-se kyimaṙuma kya kyiṙaso kyipfa kya ngyuunyamaṟi-pfo.

Waebrania 10:29

Muwonyi kuṙa? Kyiwemmbaṟi ngapo ing'anyi ngoseṟa mndu ulya alemina Mono-Ruwa, na igamba kye samu iya ya mma ilemuilyisha chi kyindo-pfo, na ilahia Mumuyo o isaṟia-pfoe?

Waebrania 12:2

lochiambuya Yesu, ulya ekyewooka na iafutsia iiṙikyia lyaṙu. Ulya alekarishia mawawio ga halya msalabenyi. Kyipfa kya sia iya iweimmbeṙa, alekusaṟa maa ale kya sonu ya iwoogo msalabenyi-pfo. Na wulalu naṙamie kuwokonyi ko kulyoe ko kyiṙi kya mng'ano kya Ruwa.

Waebrania 4:14

Kyasia, kokooya luwoṙe Mkohanyi ang'anyi kuta woose aleiṙa na ruwewu, Yesu Mono-Ruwa, luoshe mnu shilya lokyeṟingyishia.

Waebrania 6:4

Cha kyipfa walya walemuenengo ngyeela, na isonja kyisumbo kya ruwewu, na iambilyia ṙombo lya Mumuyo Mweele,

2 Petiro 2:21

Kyipfa nyi-we nanga kowo walawechimanya njia ya wusumganyi, kuta iimanya, numa iṙa iwawaso lyilya lyiele waleenengo.

1 Yohane 5:16

Mndu kawona mono-wama okye ewuta kyindo kyiwicho kyilekyeende upfu, neterewa Ruwa, na Ruwa nechimwenenga moo. Moo-cho nyi ko walya wekyewuta shindo shiwicho shilekyeende upfu. Kuwoṙe kyindo kyiwicho kyekyeende upfu. Ngyigamba kye nechiterewa Ruwa kyipfa kya ikyo-pfo.