Waebrania 6:2 - Kivunjo New Testament 1999

² na ga malosho ga ngyuupatiso, na iyekyia mawoko, na iṟutso wapfu, na ianduyo lya mlungana.

Waebrania 6:2 ပူးပေါင်းရင်းမြစ်များ

Matayo 28:19

Kyasia, yendenyi, mundegaluo masanga goose iwa wanalosho, mochiwapatisa kui rina lya Awu, na Mana, na Mumuyo Mweele;

Matayo 3:14

Kyaindi Yohane katambagana imshingyia, echigamba, “Inyi ngyilangyie ipatiso nyi iyoe, na iyoe nuicha na koko?”

Mariko 16:16

Aiṙikyia na ipatiso nechikyia; alaiṙikyia, nechianduyo.

Mariko 7:4

Lyingyi-se wakawuka sangaṙa walandesambe, wekyelya-pfo. Na kuwoṙe shido shingyi waleshiambilyia ko waku wawo wawekyeshiindia, cha isanja shiṙoo, na shinungu, na shindo cha piṟika.

Mariko 7:8

Nyoe mokyemina iwawaso lya Ruwa, na iwaṙa shilya wandu waambilyie ko waku wawo.

Luka 11:38

Kyiyeri Mfarisayo ulya alemmbona, naleṟiyio kyipfa alesamba mawoko kyimṟumoe kuwooka alalya-pfo.

Luka 12:50

Kyaindi ngyiwoṙe wupatiso ngyiwaṟi ipatiso, na inyi ngyiwoṙo fowa ing'anyi mṟasa wupatiso-wo wuafutsio!

Luka 14:14

na iyoe nochiwa nanga, cha kyipfa iwo wawoṙe kyekutaa-pfo; kyipfa nochitoo kyiyeri kya iṟuka lya wasumganyi.”

Luka 3:16

Yohane nalegaluo kawia woose, “Loi inyi ngyimupatisa kui mṟinga, kyaindi naicha mndu awoṙe pfinya kuta inyi, ngilechiiṙima maa ituruchuo ngowa tsa shiaṙu shakye. Oe nemupatisa kui Mumuyo Mweele na kui moṙo.

Yohane 1:33

Maa inyi ngyilemmanya-pfo; kyaindi oe alengyiṙuma ipatisa kui mṟinga nalengyiwia, ‘Ulya ochiwona Mumuyo echisoka na iṙamia wuye yakye, icho nyi oe ekyepatisa kui Mumuyo Mweele.’

Yohane 5:29

Nawo wechiwuka shilomenyi; walya walewuta shindo shicha wawone moo o mlungana na walya walewuta shiwicho waanduyo.”

Mawuto Ga Wasu 10:47

“Nyi wui eiṙima ishingyia mṟinga, wandu-wa walapatiso? Wandu waambilyie Mumuyo Mweele kyimwi na soe?”

Mawuto Ga Wasu 13:3

Naaho-ng'u wamkuretekyie na iterewa, wakawayekyia mawoko, wakawaṙuma.

Mawuto Ga Wasu 16:15

Na ampatiso, oe na walya wa kanyi kokye, kaluterewa, echigamba, “Kokooya mowona ngyiiṙikyie Ruwa, iṙenyi na kanyi koko mukae pfo. Kawatsindika wawute kuṙo.”

Mawuto Ga Wasu 16:33

Kyio kyilya kyilya kawaambilyia kanyi kokye, kawasanja shifaṟa shawo, numa kapatiso, oe na wandu wakye woose kyiyeri kyilya kyilya.

Mawuto Ga Wasu 17:18

Na wandu waata wawekyelosha malosho ga Waepikureo na Wastoiko, wakagaluana na oe. Wengyi wakagamba, “Tondo-lyi lyikundi igamba kyi?” Wengyi wakagamba, “Nai cha mndu aionguo mbonyi tsa waruwa wengyi, cha kyipfa naweionguo mbonyi tsa Yesu na iṟutso lya wapfu.”

Mawuto Ga Wasu 2:38

Petiro kawawia, “Ṙumbuyenyi iwuta sha wunyamaṟi, mupatiso orio umwi kui rina lya Yesu Kristo, muiṙime iambilyia ihooṟio lya ngyuunyamaṟi tsanyu, na nyoe mochiambilyia kyienengo kya Mumuyo Mweele.

Mawuto Ga Wasu 2:41

Na walya waleicho malosho gakye na igaosha wakapatiso; na mfiri ulya wakaengyeṟika cha wandu shiku shiṟaaṟu.

Mawuto Ga Wasu 23:6

Kyiyeri Paulo alemanya kye kyitumbuṟe kyimwi nyi Masadukayo, na kyitumbuṟe kyingyi nyi Mafarisayo, kakuilenga na ṟui lyakye halya mengyenyi kagamba, “Wana wa wama wako, inyi nyi Mfarisayo, mana o Mfarisayo. Inyi ngyianduyo kyipfa kya ikusuria iṟutso lya wapfu.”

Mawuto Ga Wasu 24:15

Ngyiwoṙe ikusuria ko Ruwa, ikusuria maa iwo wailyiweṙelyia, kye kochiwaṙa iṟutso lya wapfu, wasumganyi na walawasumganyi taa.

Mawuto Ga Wasu 24:21

sile kyipfa kya ṟui-lyi lyimwi, kyiyeri ngyilegoṟoka makyiṙi-gawi gawo, na igamba, ‘Kyipfa kya iṟutso lya wapfu ngyianduyo mbele yanyu inu.’ ”

Mawuto Ga Wasu 24:25

Na Kyiyeri Paulo aweionguo mbonyi tsa wusumganyi, na iwa na meena, na ianduyo lyiicha, Filekyisi kaowuo kagaluo, kagamba, “Wulalu yenda, na inyi ngawona ṙaawa ngyekulaga.”

Mawuto Ga Wasu 26:8

Ny'kyilyi konyu kyawa kyindo kyilechiiṙimika, kye Ruwa nekyeṟutsa wapfu?

Mawuto Ga Wasu 4:2

weiṟewe mrimenyi mnu cha kyipfa wailosha wandu na ionguo mbonyi tsa iṟutso lya wapfu kyiiṙi kya Yesu.

Mawuto Ga Wasu 6:6

Wakawawikyia mbele ya wasu, na wamterewe wakawayekyia mawoko.

Waroma 2:16

mfiri ulya Ruwa echianduya makusaṟo ga kyiṟika ga wandu, iṙuana na Ndumi-i Ngyicha ya Kristo Yesu ngyilemuongoya.

1 Wakorinto 10:2

Woose wakapatiso wawe wa Mose ipuchinyi na ipalyipalyinyi.

1 Wakorinto 12:13

Cha Kyipfa Mumuyonyi umwi soe loose lulepatiso iwa mmbiu umwi. Kye lui Wayuda, ang'u kye lui Wakyiṟikyi; kokooya lui watumo ang'u wandu lulawachilyie nyi mndu; na soe loose luleletsio Mumuyo umwi.

2 Wakorinto 5:10

Kyipfa kyalukooya soe loose iloṟo halya kyiṙinyi kya ianduyo kya Kristo, kundu orio mndu naambilyie wori wo shindo alewuta kyimmbiu, chandu alewuta, kye shicha ang'u shiwicho.

Waefeso 3:21

echiilacha mmbiu oṙu o wufofo, uiṙime ifanana na mmbiu okye o kyiṟumi, kui wuiṙimi wulya echiiṙima ichilyia nawo shindo shoose.

Wakolosai 2:12

Mukoṟiko hamwi na oe wupatisonyi, na kyiiṙi kya wupatiso-wo mukoṟutso hamwi na oe, kui iiṙikyia pfinya tsa Ruwa alemuṟutsa ko wapfu.

2 Timoteo 2:18

waleguṟa wuloi wulya wo Ndumi Ngyicha wechigamba kye mfiri o furumia ulemcha, mṟasa iilacha iiṙikyia lya wandu wafoi.

Waebrania 11:35

Waka waleambilyia wapfu wawo waleṟutso. Kyaindi wengyi walekapo uwicho mṟasa iwoogo, wengyi wakagamba wakundi iwuto wusingyenyi-pfo, kundu wawone wuṟutsi wuwucha ngoseṟa.

Waebrania 9:10

Kyipfa nyi mawawaso ga mbaṟe ya mmbiu tupu, shelya na shindo shenyo na mbaṟe tsesamba kyimṟumoe, shilegambo kye shiṟundo mṟasa kyiyeri-kyo Ruwa echiilacha shindo shoose shiwe shihya.

2 Petiro 3:7

Kyaindi ngyina tsa wulalu na uruka shingyikoome kyiseyesoe kui moṙo, kui Ṙeṙo-lyo ilyo, shechiringo mṟasa mfiri o ianduyo, na kui irumara lya wandu walaiṙikyie Ruwa.