Waebrania 6:19 - Kivunjo New Testament 1999

¹⁹ Lushiwoṙe cha kyindo kyetirimisha mrima ulakupaaye-paye, kyindo kyiwoṙe wuringyi wung'anyi, kyiwoṙe pfinya, na ulya lokyewika ikusuria lyaṙu nyi Yesu, ulya ekyeiṙa nguwonyi yeshingyia ya hekalu lya ruwewu na halya-ndu ha kyiiṙi haele.

Waebrania 6:19 ပူးပေါင်းရင်းမြစ်များ

Matayo 27:51

Na isulyia lyeshingyia ipfo hekalunyi lyikaranduka kawi wookyia wuye mṟasa wanda. Uruka lukoṙeṙema; na maṟaṟa gang'anyi gakapaṟika.

Mawuto Ga Wasu 23:6

Kyiyeri Paulo alemanya kye kyitumbuṟe kyimwi nyi Masadukayo, na kyitumbuṟe kyingyi nyi Mafarisayo, kakuilenga na ṟui lyakye halya mengyenyi kagamba, “Wana wa wama wako, inyi nyi Mfarisayo, mana o Mfarisayo. Inyi ngyianduyo kyipfa kya ikusuria iṟutso lya wapfu.”

Mawuto Ga Wasu 27:29

Wakaowuo mkuma ulachewawiyitsa handu hawoṙe maṟaṟa, wakaolotsa kulya mringyenyi shindo shoose shiina shekyetirimisha shindo shekyeiṙa mringyenyi, wakaterewa kukye.

Mawuto Ga Wasu 27:40

Wakawiyitsa shindo shilya shekyetirimisha shindo shekyeiṙa mṟingyenyi, wakashiṙa ipalyipalyinyi, hamwi na iṟawisha shigowo shekyepfunga kyindo kyesongoya ngalawa, wakapfunga kyindo kyewaṙa mkuma halya ngalawenyi, wakayenda halya-ndu hagaṙutsu.

Waroma 4:16

Koikyo kyaasa kyiwukyie iiṙikyienyi, kyiwe kui njia ya isaṟia, kundu kyaasa kyilya kyilalolome ko shishari shoose. Chi ko walya wa uwawaso tikyi-pfo, indi na ko walya wai wa iiṙikyia lya Abrahamu; akyeri awu oṙu soe loose;

Waroma 4:18

Na oe naleiṙikyia echiweṙelyia kyindo kyilechiiṙima iweṙelyio, kundu naiṙime iwa awu o masanga gafoi, chandu kyiwekyiṙeṙe kye, “Nyi wuṙo kyechiwa kyishari kyapfo.”

Waroma 5:4

Na iṟunda lya wusimiri nyi ikarisho lya mrima. Na iṟunda lya ikarisho lya mrima nyi ikusuria.

1 Wakorinto 13:13

Kyasia, wulalu hatsugaa iiṙikyia, ikusuria na ikunda; ishi shiṟaaṟu, na kyiiṙi kya isho kying'anyi kuta shoose nyi ikunda.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

Wafilyipi 2:6

Kaluṟutsa hamwi na oe, kaluṟamiṟa hamwi na oe wuyanenyi wo ruwewu, kyiiṙi kya Kristo Yesu.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

Wakolosai 3:1

Kyasia, mukyeri kye muleṟutso hamwi na Kristo, pfulenyi shindo shikyeri ruwewu, kundu Kristo akyeri, naṙamie kuwoko ko kulyoe ko Ruwa.

2 Timoteo 2:19

Kyaindi urende lo Ruwa luluikare, na mbonyi tsa Ndumi Ngyicha tsingyiṟeie wuye yalo: “Mndumii naichi wai wakye na lyingyi-se, orio mndu ekyesenda Rina lya Mndumii naṙe wunyamaṟi.”

Waebrania 4:16

Kyasia, lutikyire kyitimenyi kya isaṟia kulawoṙe wuowu, kundu luenengo isaṟia, na iwona isaṟia lyelutarama kyiyeri lulawoṙe shindo shilushikyie.

Waebrania 9:3

Na numa ya mkoṟoṟi o kawi o ishingyia handu, tengo lyilya lyekyelago “Haele ha haele,”

Waebrania 9:7

Kyaindi kyiiṙi kya tengo-lyo lya kawi Mkohanyi ang'anyi kuta woose nekyeiṙa napfo amonyi, lyimwi orio maka; aṙuṙe samu iwukyie kyindonyi kya kyiṙaso kyipfa kya wunyamaṟi wokye amonyi na wo wandu wengyi kyiyeri walalemanya kye kyilya waweiwuta nyi wunyamaṟi.

1 Petiro 1:3

Ruwa naṟumisho, Awu o Mndumii oṙu Yesu Kristo, ulya kui isaṟia lyakye alelufee lya kawi kundu luwone ikusuria lyiwoṙe moo kui iṟuka lya Yesu Kristo iwuka ko wapfu.