Waebrania 6:12 - Kivunjo New Testament 1999

¹² kundu mulaṙokuoe, indi muwe wandu wekyeosha walya wekyeoṟa shiteṟio kui iiṙikyia na wusimiri.

Waebrania 6:12 ပူးပေါင်းရင်းမြစ်များ

Matayo 22:32

‘Inyi nyi Ruwa o Abrahamu, na Ruwa o Isakyi na Ruwa o Yakobo?’ Ruwa chi Ruwa o wapfu-pfo, indi o wai na moo.”

Matayo 25:26

Mndumii okye kagaluo, kagamba, ‘Iyoe mṟundi mmbicho na mṙoko. Nulemanya kye ngyekyesambuo handu ngyilawaaya, ngyekyesania handu ngyilaolyia mbeu.

Luka 16:22

Kyikawa kye mkyiwa ulya nalepfa, malaika wakamṙuo wakammbikyia kufuhi na Abrahamu. Mnjama ulya na oe kapfa, kaṟiko.

Luka 8:15

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Waroma 12:11

Kui wuragari, chi waṙoko-pfo, muwoṙe wuragari mrimenyi konyu; mochiṟundia Ruwa.

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

Waroma 4:12

Lyingyi-se nawe awu o wandu waṙine, na chi ko iwo waṙine tikyi-pfo, indi walya wekyeosha ndifo tsa mwiṙikyie o awu oṙu, Abrahamu, awewoṙe wookyia kyiyeri alandeṙino.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

2 Watesalonikye 1:4

Mṟasa na soe luwenyi lukushela kyipfa kyanyu siṟinyi tsa Ruwa kyipfa kya isimiria lyanyu, na iiṙikyia muwoṙe fowenyi tsanyu tsoose na wukyiwa wung'anyi muikarishia.

Waebrania 1:14

Ngyesa malaika nyi wakyi? Chi walya wekyeṙumo iṟundia walya wekyeoṟa wukyiṟo-pfoe?

Waebrania 10:36

Kyipfa muwaṟi iwaṙa wusimiri, kundu kye mukommbuta shilya Ruwa akundi muambilyie kyaasa kyilya.

Waebrania 11:33

Walya kui iiṙikyia walewinga ngyuuchilyi tsa wamangyi, walewuta sha wusumganyi, waleambilyia kyaasa, waleshinga maṙumbu ga simba,

Waebrania 12:1

Kyasia na soe taa, cha kyipfa luwaiṟiwie nyi waṟingyishi wafoi mbaṟe-i, luwikyie mbai orio ṟio lyilemeri, na wunyamaṟi wulya wokyeluwaṙa tapu. Lupfuṟukane kui wusimiri kulya iṟundenyi lyilyiṙambikye koṙu,

Waebrania 13:7

Kumbuonyi walya wawekyemusongoya, walemuongoya Ṙeṙo lya Ruwa; lyingyi-se, kui iambuya mnu mafurumionyi ga mkaṟo owo, oshenyi iiṙikyia lyawo.

Waebrania 5:11

Ulya luwoṙe shindo shifoi sheonguo kyipfa kyakye; na nyi kyindo kyuumu ishionguo cha kyipfa mowa wandu waṙoko iaṙanyia.

Waebrania 6:15

Na kuṙo kui isimiria kawona kyaasa kyilya.

Yakobo 1:3

mochimanya kye iyesho lya iiṙikyia lyanyu lyekyeende wusimiri.

2 Petiro 1:10

Koikyo wana wa wama, pfuṟukanenyi ngoseṟa ikarisha ilago lyanyu na isambuṟo lyanyu; kyipfa mukowuta isho mochikapa ṙende-pfo.

1 Yohane 2:25

Na ikyi nyikyo kyaasa aleluenenga, moo o mlungana.

Ulogo 13:10

Mndu kaende kyindo shiṙenyi na oe nechiwoṙo shiṙenyi. Mndu kawaaga kui ushu, nechiwoogo kui ushu. Iha nyiho hawoṙe wusimiri na iiṙikyia lya wandu wa Ruwa.