Waebrania 6:10 - Kivunjo New Testament 1999

¹⁰ Cha kyipfa Ruwa ammbicho mṟasa nawaṙime iṟunda lyanyu-pfo, na ikunda lyilya mulelyiṟingyishia kui rina lyakye, cha kyipfa muleṟundia wandu wa Ruwa, na mṟasa wulalu muwaṟundia.

Waebrania 6:10 ပူးပေါင်းရင်းမြစ်များ

Matayo 10:42

Na orio mndu echirutsa umwi o iwa watutu mṟinga uichololyia, kyipfa nyi manalosho, ny'kyaloi, ngammbia, wori wokye wochiṙeka maa ale-pfo.”

Matayo 20:7

Wakammbia, ‘Ny'kyipfa kuwoṙe mndu aluṟeie iṟunda-pfo.’ Kawawia, ‘Na nyoe yendenyi ṙemenyi lyako lya msabibu.’

Matayo 25:17

Na wuṙo taa ulya awoṙe tsiwi; oe kawona ho kyiira talanta tsiwi.

Mariko 9:41

Orio mndu echimrutsa nyoe kyiṙoo kya mṟinga, cha kyipfa nyoe nyi wandu wa Kristo, ny'kyaloi, ngammbia, easha wori wokye-pfo.”

Yohane 13:20

Ny'kyaloi ngammbia, ulya aambilyia mndu oose ngamṙuma, nangyiambilyia inyi; na ulya angyiambilyia inyi naambilyia ulya alengyiṙuma.”

Mawuto Ga Wasu 10:31

kagamba, ‘Korinelyio, shiterewo shapfo shaaṙanyio na shienengo okyeenengyia shiwonio na pata mbele ya Ruwa.

Mawuto Ga Wasu 10:4

Kamwitukuya mnu, kaowuo, kagamba, “Ny'kyikyi kyacha pfo, Mndumii?” Kammbia, “Ruwa naicho shiterewo shapfo na mawuto gapfo mecha gesaṟia wandu na wulalu naigaluo shilya okyemterewa.

Mawuto Ga Wasu 11:29

Na wanalosho walya, orio mndu chandu awewoṙe, wakaiṙikyia iṙuo kyindo kyetarama wana wa wamawo kyiiṙi kya iiṙikyia wawekyekaa uruka lo Uyuda.

Waroma 12:13

Mochitarama wandu wa Ruwa shilya wakundi; kui iambilyia wayenu, mochipfuṟukana.

2 Wakorinto 9:1

Ko mbonyi tseṟundia wandu wa Ruwa kuwoṙe kyimaṙuma ngyimuṟeie-pfo.

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Wagalatia 6:10

Koikyo iṙuana na chandu lowona ṙaawa luwutie wandu shindo shicha; ngoseṟa walya waiṙikyie Yesu.

Wakolosai 3:17

Na orio kyindo mochiwuta, kui ṙeṙo ang'u kui iṟunda, wutenyi shoose rinenyi lya Mndumii Yesu, mochiana Ruwa Awu kui oe.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

1 Timoteo 6:18

Wawute shindo shicha, wawe wanjama kui iwuta wucha, waenengyie masaa gawo, wakae na wandu wengyi kui mrima;

2 Timoteo 4:8

Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

Waebrania 10:32

Kyaindi kumbuonyi mfiri ya mawookyionyi, iya kyiyeri mulewona ngyeela, mulekarishia iwingana lying'anyi lya fowa.

Waebrania 13:16

Kyaindi mulawaṙime iwuta shindo shicha na ikaa handu hamwi; kyipfa shienengo cha isho nyisho shekyechihiṟa Ruwa.

1 Yohane 1:9

Lukotochia Ruwa ngyuunyamaṟi tsaṙu, oe nekyeafutsia shilya ateṟia na namsumganyi mṟasa naluwute ngyuunyamaṟi tsaṙu, na ilusanja wuwicho woose.