Waebrania 5:9 - Kivunjo New Testament 1999

⁹ Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

Waebrania 5:9 ပူးပေါင်းရင်းမြစ်များ

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Luka 13:32

Kawawia, “Yendenyi mundewia ipaara lyilya, ‘Ambuya, inu na ngama ngyiwuta waṟufui wawicho na ikyiṟa waluoe, mfiri o kaṟaaṟu ngyemarisa iṟunda lyako.’

Yohane 19:30

Yesu amwambilyie mpfinyo ulya uwetarang'ia na iunyo, nalegamba, “Kyammba chandu kyiwaṟi iwa.” Kaaramtsa mṙoe okye, kalekyia moo.

Mawuto Ga Wasu 3:15

Mukowaaga ulya Ang'anyi o moo o mlungana, ulya Ruwa alemṟutsa ko wapfu; na soe nyi waṟingyishi wakye.

Mawuto Ga Wasu 4:12

“Maa kuwoṙe wukyiṟo kui mndu ungyi oose-pfo, cha kyipfa kuwoṙe rina lyingyi kunu wuyanenyi soe wandu luleenengo lyelukyiṟa-pfo.”

Mawuto Ga Wasu 5:32

Na soe lui waṟingyishi wa mbonyi-tsi, hamwi na Mumuyo Mweele ulya Ruwa aleenenga woose wekyemwindia.”

Waroma 1:5

Icho ai kye kyiiṙi kyakye luleambilyia isaṟia na ndumo kundu masanga goose gaiṙime iindia kui iiṙikyia kyipfa kya rina lyakye.

Waroma 10:16

Kyaindi chi woose waleindia mbonyi iya ngyicha-pfo, kyipfa Yesaya naigamba, “Mndumii, nyi wui aleiṙikyia mbonyi tsaṙu?”

Waroma 15:18

Kyipfa ngyekaria igamba kyindo Kristo alakyiwutie kui iṟunda lyako-pfo, wandu walakyeri Wayuda waiṙime iindia kui iṙeṙa ang'u kui mawuto,

Waroma 2:8

Na walya wawoṙe wuṟiingyi, walekyeindia wuloi, indi wakaiṙikyiana na mbaka, wewona nyashi na isuo lying'anyi;

Waroma 6:17

Kyaindi Ruwa naano, cha kyipfa muwewachilyie nyi wunyamaṟi, indi muleindia kui mrima yanyu mbaṟe iya ya wuṟango wulewiko wumchilyie.

2 Wakorinto 10:5

lochinyamaṟa makusaṟo na orio kyindo kyekyeshingyia, kyekyeshingyia wuṟango wo Ruwa, na lochichilyia orio mndu naiṙime iindia Kristo.

Waefeso 2:12

Kyasia wakunde wako, chandu mulepfereria mfiri yoose, chi kyiyeri inyi ngyiwekyeri ho tupu-pfo, indi wulalu ngoseṟa mnu ngyilakyeri ho, afutsienyi wukyiṟo wonyu muwenyi kui iowuo na iṙeṙema.

2 Watesalonikye 1:8

Nesoka moṙonyi wuiaka; kunu echitaa kyiṟaache iwo walaichi Ruwa, na iwo walaindie Ndumi Ngyicha ya Mndumii oṙu Yesu.

2 Watesalonikye 2:16

Na Mndumii oṙu Yesu Kristo amonyi, na Ruwa Awu oṙu, alelukunda kaluenenga iwiyiṟio moo lya mlungana na ikusuria lyicha, isaṟienyi,

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

Waebrania 1:14

Ngyesa malaika nyi wakyi? Chi walya wekyeṙumo iṟundia walya wekyeoṟa wukyiṟo-pfoe?

Waebrania 11:40

cha kyipfa Ruwa naweisonguo iluṟeyeṟia soe kyindo kyicha, kundu soe lulakyeri ho walaiṙime iafutsio chandu Ruwa akundi wawe.

Waebrania 11:8

Kui iiṙikyia Abrahamu naleiṙikyia kyiyeri alelago, nawukye nayende handu halya echihaenengo iwa kyioṟa; kafuma alaichi kundu aiyenda.

Waebrania 12:2

lochiambuya Yesu, ulya ekyewooka na iafutsia iiṙikyia lyaṙu. Ulya alekarishia mawawio ga halya msalabenyi. Kyipfa kya sia iya iweimmbeṙa, alekusaṟa maa ale kya sonu ya iwoogo msalabenyi-pfo. Na wulalu naṙamie kuwokonyi ko kulyoe ko kyiṙi kya mng'ano kya Ruwa.

Waebrania 2:10

Cha kyipfa kyiwemmbaṟi oe, ulya kyipfa kyakye na kui oe shindo shoose shilegumbo, kundu naenengye wandu wafoi wekyemwosha wuiṙimi wo iwona kyiṟumi kyakye, iafutsia msongoru ang'anyi o wukyiṟo wowo kui njia ya ilya wukyiwa.

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Waebrania 9:12

maa chi kui samu ya mburu na magache-pfo, indi kui samu yakye ulya aleiṙa lyimwi tupu na handu Haele, na iluwuta wusingyenyi mlungana.

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

Waebrania 9:28

na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.

Yuda 1:21

kuringyenyi ikundenyi lya Ruwa, kunu mochiweṙelyia iwonio wukyiwa lya Mndumii oṙu Yesu Kristo, mṟasa muambilyie moo o mlungana.