Waebrania 3:3 - Kivunjo New Testament 1999

³ Kyipfa Yesu natalo kye nawaṟi kyiṟumi ngoseṟa kuta Mose, chandu ulya ekyewika numba awoṙe woguru kuta numba-yo.

Waebrania 3:3 ပူးပေါင်းရင်းမြစ်များ

Matayo 16:18

Na inyi ngakuwia, iyoe nyi oe Petiro, na kyiyeri-kyo ngyechiwika Siṟi yako iyoe nyilyo iṟaṟa handu ngyechiiyekyia; maa pfinya tsa upfu tseiwinga-pfo.

1 Wakorinto 3:9

Kyipfa soe lukyeri waṟundi hamwi na Ruwa; nyoe nyi ṙema lya Ruwa, nyi numba ya Ruwa.

2 Wakorinto 3:7

Kyasia, kokooya iṟunda lya upfu lyilekolyaṟeio na itaricho magoenyi, lyilecha mng'anonyi, mṟasa Waisiraelyi walaiṙime iitukuya kyaam kya Mose karii, kyipfa kya mng'ano o kyaam kyakye, nacho nyi-we mng'ano uweiilachika.

Wakolosai 1:18

Na oe nyi oe mṙoe o mmbiu, o Siṟi; na oe nyi mawookyionyi, nyi o kuwooka iṟutso ko wapfu, kundu nawe msongoru kyiiṙi kya shoose.

Waebrania 2:9

indi lowona ulya alegumbo kawa mtutu kuta malaika, Yesu, kyipfa kya mawawio ga upfu, amwenengye kyiṟumi na mng'ano, kundu kui isaṟia lya Ruwa napfe kyipfa kya orio mndu.

Waebrania 3:4

Kyipfa orio numba ingyiwikye nyi mndu; indi ulya aleachikyia shindo shoose nyi Ruwa.

Waebrania 3:6

indi Kristo, cha mana ekyechilyia numba ya Ruwa; ulya numba yakye ikyeri nyi soe, kokooya loengyeṟa iwaṙa wuṟango na wukari na ikushela lya iweṙelyia lyaṙu mṟasa mafurumionyi.