Waebrania 2:18 - Kivunjo New Testament 1999

¹⁸ Na cha kyipfa oe amonyi nalelyiso wukyiwa kyiyeri aleyesho, neiṙima itarama walya wekyeyesho.

Waebrania 2:18 ပူးပေါင်းရင်းမြစ်များ

Luka 22:28

Na nyoe muleṙio hamwi na inyi kyiyeri kyoose kya iyesho lyako.

Luka 22:53

Orio mfiri ngyiwekyeri na nyoe hekalunyi kyaindi mulengyileshia kuwoko-pfo, indi ikyi nyikyo kyiyeri kyanyu, na wuchilyi wo meema.”

Yohane 10:29

Awu oko alegangyienenga nang'anyi kuta woose; maa kuwoṙe mndu eiṙima igawuta mawokonyi ga Awu oko-pfo.

1 Wakorinto 10:13

Nyoe muleyesho, sile kyiyesho kyilya kyekyecha na ko wandu woose-pfo. Indi Ruwa nekyeafutsia shilya ateṟia. Ruwa ulya alechimuṙa nyoe muyesho kuta wuiṙimi wonyu. Kyaindi hamwi na kyiyesho kyilya nechiwika na moongo o fumia, kundu muiṙime ikarishia.

Waefeso 3:21

echiilacha mmbiu oṙu o wufofo, uiṙime ifanana na mmbiu okye o kyiṟumi, kui wuiṙimi wulya echiiṙima ichilyia nawo shindo shoose.

2 Timoteo 1:12

Kyipfa kya ikyo ngyileolokyio matuuro-ga maa ngyirigo nyi sonu-pfo; kyipfa ngyiichi icho ngyimwiṙikyie, na imanya piu kye neiṙima iringa kyilya ngyilekooma kokye mṟasa mfiri ulya.

Waebrania 5:2

Echiiṙima iṙuana kui wuhoo na walya walaichi na walya waiṙeka, cha kyipfa oe amonyi nawoṙe mbaṟe ya wufofo;

2 Petiro 2:9

Kyasia, Mndumii naichi ikyiṟa wandu waowuye na ikunda Ruwa iwuka shiyeshonyi, na ikooma walawoṙe wusumganyi kyiiṙi kya iweṙelyia ianduyo mṟasa mfiri ulya o ianduyo.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 3:10

Cha kyipfa noosha mawawaso gako ga ikarishia, inyi ngyechikuringa, ulekane na kyiyeri kyilya kya iyesho kyikyiṟeyeṟe icha na wuyanenyi, iyesha walya wekyekaa urukyenyi.