Waebrania 2:17 - Kivunjo New Testament 1999

¹⁷ Koikyo kyiwemmbaṟi ifananyisho na wana wa wamae shindonyi shoose, naiṙime iwa mkohanyi ang'anyi awoṙe isaṟia, ekyeafutsia kyilya ateṟia iṟundenyi lya Ruwa, nahooṟie wandu wakye ngyuunyamaṟi tsawo.

Waebrania 2:17 ပူးပေါင်းရင်းမြစ်များ

Waroma 15:17

Kyasia, ngyiwoṙe kyimaṙuma kyewona kyiṟumi kyiiṙi kya Kristo Yesu mbele ya Ruwa.

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

Wafilyipi 2:16

Kawasanza woose wewawi na Ruwa mmbiunyi umwi, kui njia ya msalaba, amrumatse kyituwa kyilya kui msalaba-cho.

Wakolosai 1:21

Na nyoe muwekyeri ipfo mawookyionyi kuleshi na Ruwa, lyingyi-se washituwa wakye makusaṟonyi ganyu, kui mawuto ganyu mawicho, namusanza wulalu;

Waebrania 10:21

na iwaṙa Mkohanyi ang'anyi kuta woose achilyie hekalu lya Ruwa lya ruwewu;

Waebrania 2:11

Kyipfa ulya ekyeilyisha na walya wekyeilyisho woose wawukyie ko mndu umwi. Kyipfa kya ikyo ekyerigo nyi sonu iwalaga wana wa wamae-pfo.

Waebrania 2:14

Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

Waebrania 2:16

Kyipfa nyi loi kye ekyetarama malaika-pfo indi nekyetarama walya wa kyishari kya Abrahamu.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Waebrania 3:2

awekyeafutsia shilya ateṟia ko ulya alemsambuṟa naṟunde iṟunda lyakye, chandu Mose na oe awekyeri, kyiyeri alesongoya wandu wa Ruwa.

Waebrania 3:5

Na Mose loi naleafutsia shilya aleteṟia kyiyeri alesongoya wandu woose wa Ruwa cha mṟundi, nawe wuṟingyishi wo shindo shechigambo numa ya iho,

Waebrania 4:14

Kyasia, kokooya luwoṙe Mkohanyi ang'anyi kuta woose aleiṙa na ruwewu, Yesu Mono-Ruwa, luoshe mnu shilya lokyeṟingyishia.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.

Waebrania 5:1

Kyipfa orio Mkohanyi ang'anyi kuta woose amsambuṟe iwuka ko wandu nammbikye kyipfa kya wandu mbonyinyi tsa Ruwa, kundu nawute shienengo kyipfa kya ngyuunyamaṟi.

Waebrania 5:10

Numa ya iho namsende na Ruwa iwa Mkohanyi ang'anyi kuta woose cha Melyikyisedekyi.

Waebrania 5:2

Echiiṙima iṙuana kui wuhoo na walya walaichi na walya waiṙeka, cha kyipfa oe amonyi nawoṙe mbaṟe ya wufofo;

Waebrania 5:5

Na wuṙo Kristo na oe alekuṙosa mrimenyi kokye na iṙuo kyiṟumi kya iwa Mkohanyi ang'anyi kuta woose-pfo, kyaindi nyi Ruwa alemmbia, “Iyoe nyi Mono-ko inu ngawa Awu opfo.”

Waebrania 6:20

Handu Yesu aleiṙa naho kyipfa kyaṙu, msongoru oṙu, nawa Mkohanyi ang'anyi kuta woose mṟasa mlungana cha Melyikyisedekyi.

Waebrania 7:26

Kyipfa luwewaṟi soe luwaṙe mkohanyi ang'anyi mbaṟe-i akyeri mweele, alawoṙe wuwicho, alawoṙe tewe lyoose, amletsane na walya wekyeṙeko, Ruwa alemwiria wuye ruwewu.

Waebrania 7:28

Kyipfa uwawaso luwikyie wandu wawoṙe wufafa iwa makohanyi wang'anyi; indi mbonyi-tso tsa nyamu ilecha numa ya uwawaso tsilemsambuṟa iwa Mana aafutsie mlungana na mlungana.

Waebrania 8:1

Kyasia, kyiiṙi kya isho luionguo, kyindo kying'anyi kuta shoose nyi ikyi, luwoṙe Mkohanyi ang'anyi kuta woose mbaṟe-i, aṙamie kuwoko ko kulyoe ko kyitima kya wuchilyi kya Ruwa Mopfinya.

Waebrania 8:3

Kyipfa orio Mkohanyi ang'anyi kuta woose nekyesambuṟo kundu nawute shiṙaso, kyiwaṟi ichu na oe nawaṙe kyindo kyeṙasa.

Waebrania 9:11

Kyaindi Kristo kamcha, akyeri Mkohanyi ang'anyi kuta woose o mbonyi tsicha tsechicha, ko tengo lyilya lying'anyi ngoseṟa na lyiafutsie, lyilalyiachikyie nyi wandu, kyimwi na igamba lyilakyeri lya wuyana-wu,