Waebrania 2:14 - Kivunjo New Testament 1999

¹⁴ Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

Waebrania 2:14 ပူးပေါင်းရင်းမြစ်များ

Matayo 16:17

Yesu kagaluo, kammbia, “Agusu iyoe Simion Mono-Yona, cha kyipfa chi pfinya ang'u wuṟango wo kyimndu shakutambuluya ikyi-pfo; indi Awu-yoko akyeri ruwewu.

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 12:24

Ny'kyaloi ngammbia, mbeu ya nganu ilandeolokye terinyi, ikapfa, yekyekaa wuṙo chandu iwekyeri; indi ikapfa yekyekumbia ndunda tsifoi.

Waroma 14:9

Kyipfa Kristo nalepfa kawaṙa-se moo kyipfa kya ikyi, nachilyie wapfu na wai na moo taa.

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

1 Wakorinto 1:28

Lyingyi-se Ruwa nalesambuṟa shindo shifafa sha wuyana na shishimine, yee, shindo shilai pfo, kundu shilya shikyeri pfo shilakae pfo;

1 Wakorinto 15:50

Wana wa wama wako, shindo ngyigamba nyi ishi, kye mmbiu na samu sheiṙima ioṟa Wumangyi wo Ruwa-pfo. Maa kyindo kyinyamaṟikyie ioṟa kyindo kyilanyamaṟikyie-pfo.

Wagalatia 4:4

Na lyilya kyiyeri kyilya kyiwekyikunde kyileafukyia, Ruwa naleṙuma Mono-kye, ulya alefeo nyi mndu mka, nafeo wuchilyinyi wo mawawaso,

Wakolosai 2:15

amsokye wachilyi wa meema wumangyi na wuchilyi wowo, na iwamichia numa yakye kui wukari kundu orio mndu nawone, echiloṟa chandu alewawingyia msalabenyi.

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

2 Timoteo 1:10

Na wulalu lyiṟingyishio kui iloṟo lya Mkyiṟa oṙu Kristo Yesu; alegalutsa upfu, na ishukuo moo na kulawoṙe inyamaṟika, kui Ndumi iya Ngyicha;

Waebrania 10:10

Kyiiṙi kya shilya Ruwa akundi lowona iilyisho, kui iwuto mmbiu o Yesu Kristo lyimwi tupu.

Waebrania 10:5

Koikyo ilyi echicha na wuyanenyi, nagamba, “Shiṙaso na shienengo ulekunda-pfo; kyaindi mmbiu nulengyiṟeyeṟia;

Waebrania 2:17

Koikyo kyiwemmbaṟi ifananyisho na wana wa wamae shindonyi shoose, naiṙime iwa mkohanyi ang'anyi awoṙe isaṟia, ekyeafutsia kyilya ateṟia iṟundenyi lya Ruwa, nahooṟie wandu wakye ngyuunyamaṟi tsawo.

Waebrania 2:18

Na cha kyipfa oe amonyi nalelyiso wukyiwa kyiyeri aleyesho, neiṙima itarama walya wekyeyesho.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

1 Petiro 1:20

Na oe nalemanyika loi wookyia mawookyionyi, wuyana wulandegumbo; kyaindi naleloṟo mafurumionyi ga shiyeri kyipfa kyanyu.

Ulogo 1:18

na ai na moo; na inyi ngyiwepfiie na wulalu ngyii na moo mṟasa mlungana na mlungana. Na inyi ngyiwoṙe ngyuupfunguo tsa upfu, na tsa halya-ndu wapfu wekyekaa.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.

Ulogo 20:2

Kawaṙa injoka lyilya, injoka lyilya lya kacha, Mokyiriinzi ang'u Satana, kalyipfunga maka kyiku.