Waebrania 2:10 - Kivunjo New Testament 1999

¹⁰ Cha kyipfa kyiwemmbaṟi oe, ulya kyipfa kyakye na kui oe shindo shoose shilegumbo, kundu naenengye wandu wafoi wekyemwosha wuiṙimi wo iwona kyiṟumi kyakye, iafutsia msongoru ang'anyi o wukyiṟo wowo kui njia ya ilya wukyiwa.

Waebrania 2:10 ပူးပေါင်းရင်းမြစ်များ

Luka 13:32

Kawawia, “Yendenyi mundewia ipaara lyilya, ‘Ambuya, inu na ngama ngyiwuta waṟufui wawicho na ikyiṟa waluoe, mfiri o kaṟaaṟu ngyemarisa iṟunda lyako.’

Luka 2:14

“Naṟumisho Ruwa wuye Ruwewu, na wuyanenyi kuwe ufoṟo ko wandu awakundi.”

Luka 24:26

Ngyesa kyilekooya Kristo iwona matuuro-ga na iiṙa na mng'anonyi okye-pfoe?”

Luka 24:46

Kawawia, “Nyi wuṟo kyiwekyiṟeie, kye Kristo nechituuro na iṟuka mfiri o kaṟaaṟu.

Yohane 11:52

Maa chi kyipfa kya uruka-lo tupu-pfo; kyaindi hamwi na isho nasanie wana woose wa Ruwa wanyanyaṟikyie; kundu wawe wamwi.

Yohane 19:30

Yesu amwambilyie mpfinyo ulya uwetarang'ia na iunyo, nalegamba, “Kyammba chandu kyiwaṟi iwa.” Kaaramtsa mṙoe okye, kalekyia moo.

Mawuto Ga Wasu 3:15

Mukowaaga ulya Ang'anyi o moo o mlungana, ulya Ruwa alemṟutsa ko wapfu; na soe nyi waṟingyishi wakye.

Mawuto Ga Wasu 5:31

Mndu-cho Ruwa nalemng'anyisa kui kuwoko kokye ko kulyoe, nawe Ang'anyi na Mkyiṟa naenengye wandu wa Isiraelyi iṙumbuya na ihooṟio wunyamaṟi.

Waroma 11:36

Cha kyipfa shindo shoose shiwukyie kokye, shikyeri pfo kui pfinya tsakye; lyingyi-se shiwuya na kokye. Kyiṟumi nyi kyakye shiyeri shoose. Amen.

Waroma 9:23

Lyingyi-se, kundu naṟingyishie wung'anyi wo kyiṟumi kyakye kui shindo shilya sha isaṟia, aleshiachikyia wookyia kacha shiwaṙe kyiṟumi.

1 Wakorinto 2:7

Indi lokyeonguo wuṟango wo Ruwa kui kyiṟika, wuṟango wulya wuwuṟikye, wulya Ruwa awekundi luuonguo wookyia mawookyionyi, kundu lung'anyiso.

1 Wakorinto 8:6

kyaindi koṙu soe Ruwa nyi umwi tupu, akyeri Awu, ulya shindo shoose shiwukyie kokye, na soe lokyekaa kokye. Kuwoṙe na Mndumii umwi Yesu Kristo, ulya kui oe shindo shoose shilegumbo, na soe lulegumbo kui oe.

2 Wakorinto 3:18

Kyaindi soe loose, kui kyaam kyilakyishikyie nyi kyindo, luloṟa mng'ano o Mndumii, cha mng'ano uwukyie kyiyewonyi, lokyeilacho luwe cha mfano-cho icho, iwuka mng'ano mṟasa mng'ano ung'anyi ngoseṟa cha mng'ano uwukyie ko Mndumii, akyeri Mumuyo.

2 Wakorinto 4:17

Kyipfa matuuro gaṙu gai maangu, gakyeri ga kyiyeri kyifuhi tikyi, gekyeluwutia mng'ano o mlungana uingyikyie mnu.

2 Wakorinto 5:18

Kyaindi shoose taa shiwukyie ko Ruwa alelusanza soe na oe kui Kristo. Na oe naleluenenga iṟunda lyesanza wandu na Ruwa.

2 Wakorinto 6:18

Ngyewa Awu konyu, na nyoe mochiwa wana koko wa kyisoṟo na wa kyika, Mndumii Mopfinya nagamba.”

Wagalatia 3:26

Cha kyipfa nyoe moose mowa wana wa Ruwa kui njia ya iiṙikyia Kristo Yesu.

Wafilyipi 2:7

Kundu kyiiṙi kya shiyeri-sho shiicha naloṟe ielewetsa lya isaṟia lyakye kui wucha wokye koṙu soe kyiiṙi kya Kristo Yesu.

Wafilyipi 3:10

Kundu wulalu, kui njia ya Siṟi, wunyotsu wo Ruwa wukyeri wo mbaṟe tsifoi wumanyikye na ngyuumangyi na wuchilyi wuyanenyi wo Mumuyo,

Wakolosai 3:4

Ilyi Kristo echiloṟo na pata, akyeri moo oṙu, nyi lyo-ndu na nyoe mochiloṟo hamwi na oe mng'anonyi.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

Waebrania 12:2

lochiambuya Yesu, ulya ekyewooka na iafutsia iiṙikyia lyaṙu. Ulya alekarishia mawawio ga halya msalabenyi. Kyipfa kya sia iya iweimmbeṙa, alekusaṟa maa ale kya sonu ya iwoogo msalabenyi-pfo. Na wulalu naṙamie kuwokonyi ko kulyoe ko kyiṙi kya mng'ano kya Ruwa.

Waebrania 6:20

Handu Yesu aleiṙa naho kyipfa kyaṙu, msongoru oṙu, nawa Mkohanyi ang'anyi kuta woose mṟasa mlungana cha Melyikyisedekyi.

Waebrania 7:26

Kyipfa luwewaṟi soe luwaṙe mkohanyi ang'anyi mbaṟe-i akyeri mweele, alawoṙe wuwicho, alawoṙe tewe lyoose, amletsane na walya wekyeṙeko, Ruwa alemwiria wuye ruwewu.

Waebrania 7:28

Kyipfa uwawaso luwikyie wandu wawoṙe wufafa iwa makohanyi wang'anyi; indi mbonyi-tso tsa nyamu ilecha numa ya uwawaso tsilemsambuṟa iwa Mana aafutsie mlungana na mlungana.

1 Petiro 1:12

Wakaloṟo kye chi kyipfa kyawo wawenyi-pfo, indi kyipfa kyanyu waleṟunda ipfo shindonyi, shilya wulalu shalosho konyu na walya walemuongoya nyoe Ndumi Ngyicha kui Mumuyo Mweele aleṙumo iwuka ruwewu. Shindo-sho malaika walangyie ishimanya.

1 Petiro 5:1

Ngyiterewa wameeku wa siṟi wakyeri konyu, inyi ngyikyeri meeku oṙiawo, na mṟingyishi o wukyiwa Kristo alelyiso, na ienengo kyiṟumi kyechiloṟo ipfo-ndu luiyenda;

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

Ulogo 4:11

“Nuwaṟi iyoe, Mndumii oṙu na Ruwa oṙu, iambilyia kyiṟumi na iindio na pfinya. Cha kyipfa nyi iyoe ulegumba shindo shoose, na nulekunda shindo-sho shiwe kuṙo, nasho shikagumbo.”

Ulogo 7:9

Numa ya iho ngawona kyisanzionyi kying'anyi mnu kulawoṙe mndu eiṙima itala wandu-wo. Wandu wa orio isanga, orio mbaṟe, na kyishari, na mṙeṙie, wagoṟokyi mbele ya kyitima kyilya kya mng'ano, na mbele ya Kyiondo kya Ruwa. Wawaṟikye nguwo tsa uwiṟo, wawoṙe maṟamba ya maṟa gakyeri cha makangachi mawokonyi gawo;