Waebrania 12:28 - Kivunjo New Testament 1999

²⁸ Kyasia, cha kyipfa luiambilyia Wumangyi wulechiiṙima iṙeṙemsho, luwaṙe isaṟia, lyilya kyipfa kya ikyo luterewe Ruwa na imwindia kui njia yechimchihiṟa, hamwi na wupfereri na wuowu;

Waebrania 12:28 ပူးပေါင်းရင်းမြစ်များ

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Luka 1:33

Nechichilyia numba ya Yakobo mlungana, na Wumangyi wokye wochisia-pfo.”

Waroma 11:20

Nyi kyicha. Galemanyo kyipfa kya ilemo iiṙikyia lyawo; na iyoe nugoṟokyi kui iiṙikyia lyapfo. Maa ulakushele, indi uowuo.

Wafilyipi 1:6

Mng'ano o isaṟia lyakye uṟumisho, alelusaṟia kyiiṙi kya icho Mkunde.

Wafilyipi 5:10

mochipfuṟukana ikulosha nyi kyikyi kyekyechihiṟa Mndumii.

Waefeso 4:18

Kyaindi ngyiwoṙe shindo shoose na ielewetsa; lyingyi-se ngyiichuo pacha. Ngyileambilyia ko Epafurodito shindo shoose shilewuka konyu, mpfaamo o shindo shekyepfaama necha, kyienengo kyikyiiṙikyie na kyichihiṟie Ruwa.

Waebrania 10:19

Kyasia, wana wa wama, kyipfa luwoṙe wukari wo iiṙa na handu Haele kui samu ya Yesu,

Waebrania 13:15

Kyasia, kui njia yakye oe, luenengye Ruwa kyiṙaso kya kyiṟumi mlungana, maṙeṙo gaṙu nyi kyienengo kyaṙu.

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

Waebrania 3:6

indi Kristo, cha mana ekyechilyia numba ya Ruwa; ulya numba yakye ikyeri nyi soe, kokooya loengyeṟa iwaṙa wuṟango na wukari na ikushela lya iweṙelyia lyaṙu mṟasa mafurumionyi.

Waebrania 4:16

Kyasia, lutikyire kyitimenyi kya isaṟia kulawoṙe wuowu, kundu luenengo isaṟia, na iwona isaṟia lyelutarama kyiyeri lulawoṙe shindo shilushikyie.

Waebrania 5:7

Yesu, mfiri-yo awei na moo, naleeṟeṟia Ruwa, echifiiṟa na itonyitsa mcheṟeṟe, Ruwa echiiṙima imkyiṟa na immbuta upfunyi, kaaṙanyio chandu awekyeri mndu aowuye na ikunda Ruwa;

1 Petiro 1:17

Na kokooya mokyemlaga Awu, ulya ekyeanduya wandu kulawoṙe ikundia, iṙuana na iṟunda lyakye, chumienyi kui wuowu kyiyeri kya ikaa lyanyu iha cha wayenu.

1 Petiro 2:20

Cha kyipfa nyi kyiṟumi kyiha ikarishia? Nyi ilyi monyamaṟa na ikapo ngofi? Kyaindi ikarishia, kyiyeri mowuta shindo shicha na ilyiso wukyiwa, iwu nyiwo wucha wuwukunde mbele ya Ruwa.

1 Petiro 2:5

Na nyoe, cha magoe Ruwa agaenengyie moo, muwawikye muwe numba ya Mumuyo, wukohanyi wuele, muwute shiṙaso sha mrima, shichihiṟie Ruwa, kui njia ya Yesu Kristo.

Ulogo 1:6

na ilugaluo iwa wumangyi na makohanyi wechichilyia na oe na iṟundia Ruwa okye na Awu. Kyiṟumi na mng'ano ukyeri na oe mṟasa mlungana na mlungana. Amen.

Ulogo 15:4

Nyi wui alekyekuowuo na ikuindia, Iyoe Mndumii, na iṟumisha rina lyapfo? Cha kyipfa iyoe kumonyi nukyeri Mweele; cha kyipfa masanga goose gechicha gaterewe na iindia mbele yapfo; cha kyipfa mawuto gapfo ga wusumganyi gamloṟo.”

Ulogo 5:10

Kowagaluo iwa wumangyi na makohanyi ko Ruwa oṙu; nawo waichilyia urukyenyi.”