Waebrania 12:25 - Kivunjo New Testament 1999

²⁵ Ambuyenyi mulalege ulya ekyeonguo. Kyipfa kokooya walalekyia walya walelega ulya alewaikyimbia urukyenyi, ngoseṟa mnu lochikyia soe lukokushowa na ulya ekyeluikyimbia ai ruwewu-pfo.

Waebrania 12:25 ပူးပေါင်းရင်းမြစ်များ

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Matayo 8:4

Yesu kammbia. “Ulawie mndu; kyaindi yenda, undekuloṟa ko mkohanyi, undeenengyia kyiano chandu Mose alegamba, kyiwe wuṟingyishi kowo.”

Mawuto Ga Wasu 7:35

“Mose-cho walemlega, wechigamba, ‘Nyi wui alekuwika uwe ang'anyi na moṙumbuo moondu’, nyi oe aleṙumo nyi Ruwa iwa ang'anyi na mkyiṟa, kui iiṙia malaika ulya alecha na ko Mose kyiiṙi kya moṙo ulya.

1 Watesalonikye 5:15

Kuringyenyi mndu oose alatae oṙoe kyiwicho awutio; indi mfiri yoose oshenyi kyilya kyikyicha, nyoe wenyi ko wenyi na ko wandu woose.

2 Timoteo 4:4

Nawo wekaa kuleshi walacheicho mbonyi tsa loi, na iindukyia malosho ga wongo.

Waebrania 1:1

Kyiyeri kya kacha Ruwa naleṙeṙa na waku waṙu kafong'ui na kundu kufong'ui, iiṙia ko weonguo shisuku;

Waebrania 11:7

Kui iiṙikyia Noe amwikyimbio nyi Ruwa ko mbonyi tsa shindo shilandewonekye, kui chandu aleindia na iowuo Ruwa, naleachikyia safina, naiṙime ikyiṟa wandu wa kanyi kokye. Na kui kyilya alewuta naleloṟa wandu wa wuyana kye wawoṙe ṙeko, kawa mokyioṟa o wusumganyi wokyewono kui iiṙikyia.

Waebrania 12:19

na ṟui lya iganda na ṟui lya maṙeṙo; galya walya waleicho waleterewa walawio kyindo kyoose kyingyi.

Waebrania 3:12

Ambuyenyi, wana wa wama, maa umwi onyu alawaṙe mrima mmbicho ulawoṙe iiṙikyia; kui ikuletsana na Ruwa ai na moo.

Waebrania 3:17

Lyingyi-se nyi wakyi walepfulutsa Ruwa nyashi maka makumi gaana? Chi walya waleṙeko, walya mnying'a yawo ileoloka nukyenyi ngyuumu suwaa ilawoṙe maa mṟinga?

Waebrania 8:5

Wekyeṟundia kyindo kyikyeri cha kyirinje kya ruwewu; chandu Mose alewio nyi Ruwa nawute, kyiyeri awekuṟeyeṟie iwika tengo lyilya; kyipfa nagamba, “Achikyia shindo shoose kui mfano ulya uleloṟo kulya fumvunyi.”

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.

Ulogo 22:9

Na oe kangyiwia, “Ulawute kuṙi. Inyi nyi mongari opfo, na o wana wa wama wapfo, na o walya wekyeosha mbonyi tsa kyitapu-kyi. Terewa na iindia Ruwa.”