Waebrania 12:24 - Kivunjo New Testament 1999

²⁴ na Yesu alewika Mma Mhya, na samu yakye ilepusuka, yekyeonguo shindo shicha kuta iya ya Abelyi.

Waebrania 12:24 ပူးပေါင်းရင်းမြစ်များ

Matayo 23:35

Na mochiwona ngapo kyipfa kya samu ya wandu wasumganyi mulewaaga, wookyia samu ya Abelyi, ulya msumganyi, mṟasa samu ya Sakaria, mono-Barakyia, mulemmbaagia kyiiṙi kya haele na alyitaṟe.

Matayo 26:28

cha kyipfa iyi nyi samu yako ya mma, ipusuka kyipfa kya wafoi ko iwuto wunyamaṟi.

Mariko 14:24

Kawawia, “Iyi nyiyo samu yako ya mma, ipusuka kyipfa kya wafoi.

Luka 11:51

wookyia samu ya Abelyi mṟasa samu ya Sakaria, ulya alewoogio kyiiṙi kya mesa ya Mndumii na hekalu. Yee, ngyimmbia kye rika-lyi lyechiweso samu-yo.

Luka 22:20

Kyiṙoo nakyo na wuṙo amlye; kagamba, “Kyiṙoo-kyi nyi mma mhya samunyi yako, ipusuka kyipfa kyanyu.

Wagalatia 3:20

Kyasia ulya akyeri moṙumo chi moṙumo ko mndu umwi-pfo; indi Ruwa nyi umwi.

1 Timoteo 2:5

Cha kyipfa Ruwa nyi umwi, na ulya ekyesanza Ruwa na wandu nyi umwi, mndu ulya ai Kristo Yesu.

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 11:28

Kui iiṙikyia kaachikyia Pasaka, na kulya inyanyatsa samu, kundu ulya morumatsa wana wambele alawapaaye wo.

Waebrania 11:4

Kui iiṙikyia Abelyi naleenenga Ruwa kyiṙaso kyicha kuta kyilya kya Kaini. Koikyo naleṟingyishio kye namsumganyi; Ruwa kaṟingyishia shienengo shakye, na kyipfa kya iiṙikyia lyakye, Abelyi naiṙeṙa maa chandu alempfa.

Waebrania 13:20

Kyasia, Ruwa o ufoṟo aleende-se iwuka ko wapfu Mlyisi Ang'anyi o moondo, kui samu ya mma o mlungana, oe Mndumii oṙu Yesu,

Waebrania 7:22

Kyasia, iṙuana na wuloi-wu Yesu nawa mloṟi o mma ulya mcha ngoseṟa.

Waebrania 8:13

Kui igamba, “Mma Mhya” nagaluo lyilya lya kuwooka iwa lyiku. Kyaindi kyindo kyawooka ikuo nyi iwuka ho kyii.

Waebrania 8:6

Kyaindi wulalu nawona iṟunda lyicha ngoseṟa, chandu akyeri mndu aṙuṙe ndago ya mma mcha, Ruwa nagambie kye wandu wakye wechiwona shindo shicha kuta isho.

Waebrania 8:8

Kyipfa kyiyeri ekyegamba kye wawoṙe tewe, nekyegamba, “Mfiri iicha, Ruwa nagamba, na inyi ngyechiwika Mma Mhya na wandu wa numba ya Isiraelyi na wandu wa numba ya Yuda.

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

Waebrania 9:19

Kyipfa kyiyeri orio iwawaso lyilegambo nyi Mose ko wandu-wo woose, chandu mawawaso gawekundi, nalewuta samu ya magache na mburu, hamwi na mṟinga na kyiṙi kya hisopo kyikyipfungyie mamberi ga kyimaande ga moondo, kanyanyatsia kyitapu kyilya kya mawawaso, na wandu woose,

Waebrania 9:21

Na tengo lyilya nalyo na shindo shoose sha iindia na iterewa Ruwa aleshinyanyatsia samu wuṙo.

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.