Waebrania 12:15 - Kivunjo New Testament 1999

¹⁵ mochiambuya mnu mndu alauṟe isaṟia lya Ruwa. Na mndu oose alawe cha iṟa lyekyewawa, namulyise nyoe wukyiwa na ifanyiṟa mkaṟo ya wandu.

Waebrania 12:15 ပူးပေါင်းရင်းမြစ်များ

Luka 22:32

Kyaindi ngakuterewia iyoe kundu iiṙikyia lyapfo lyilawe lyifofo; na iyoe ilyi okyiṟo ukarishe wana wa womoo.”

1 Wakorinto 10:12

Koikyo akusaṟie kye nagoṟokyi naambuye necha alaolokye.

1 Wakorinto 13:8

Ikunda lyekyekaa mlungana; indi kuwoṙe ionguo shisuku ionguo-lyo lyechiiṙa. Kukowaṙa iṙeṙa mṙeṙie wandu walaiichi mṙeṙie-yo yechisia. Kukowaṙa ngyuuṟango, tsechisia.

1 Wakorinto 15:33

Maa mulalembo nyi wandu. Wandu wawicho wekyenyamaṟa mkaṟo mcha.

1 Wakorinto 5:6

Ikushela lyanyu chi kyindo kyicha-pfo. Muichi kye chachu kyitung'tu yekyetarang'isha itongye lyoose?

2 Wakorinto 13:5

Kuruwe-ruwenyi muwenyi kye mukyeri iiṙikyienyi. Kuṟingyishienyi muwenyi. Ang'u muichi muwenyi kye Yesu Kristo nakyeri mrimenyi konyu? Sile molego.

2 Wakorinto 6:1

Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

Wagalatia 2:13

Na Wayuda-wo, wengyi wakaowuo hamwi na oe, mṟasa na Barinaba kawaṙa wukulembecheṟi chawo.

Wagalatia 5:4

Muwasaangye nyi Kristo, nyoe mukundi italyio wusumganyi kui mawawaso, mooloka na iwuka isaṟienyi.

Wafilyipi 5:3

Kyaindi wuṟui wulawono konyu maa ale, maa ukoe loose, maa ilanga, chandu kyiwaṟi wandu wa Ruwa.

Wakolosai 3:5

Kyasia, lekanenyi na shindo wandu wa wuyana wawoṙe: wuṟui, ukoe, lango ngyiwicho, makusaṟo mawicho, na ilanga iwaṙa sha ngoseṟa, nyiwo wuyendelyi wo iindia mafano.

Tito 1:15

Shindo shoose shishicha ko walya wawecha; kyaindi kuwoṙe kyindo kyikyicha ko walya wafanyi kyimṟumoe-pfo, walya walawoṙe iiṙikyia; indi ngyuuṟango tsawo tsifanyi kyimṟumoe, na makusaṟo gawo taa.

Waebrania 3:12

Ambuyenyi, wana wa wama, maa umwi onyu alawaṙe mrima mmbicho ulawoṙe iiṙikyia; kui ikuletsana na Ruwa ai na moo.

Waebrania 4:1

Kyasia, kokooya kuwoṙe kyaasa kya iiṙa na handu ha Ruwa heonyonyia, luowuoe, maa umwi oṙu alechewono kye nawuṟa kyaasa-kyo.

Waebrania 4:11

Kyasia, lupfuṟukane iiṙa na kyiiṙi kya sia-yo, kundu kye mndu oose alacheoloka cha wandu-wo walaleindia Ruwa.

Waebrania 6:11

Na soe lukundi orio umwi onyu naṟingyishie wuragari wulya wulya, mṟasa mafurumionyi;

2 Petiro 1:10

Koikyo wana wa wama, pfuṟukanenyi ngoseṟa ikarisha ilago lyanyu na isambuṟo lyanyu; kyipfa mukowuta isho mochikapa ṙende-pfo.

2 Petiro 2:18

Kyipfa wekyeṙeṙa maṙeṙo gekushela na galawoṙe kyiira, na kui lango ngyiwicho tsa mmbiu yawo wekyelemba walya waleṙicha mawicho na lango tsa wuyana.

2 Petiro 3:11

Kyasia, cha kyipfa shindo-shi shoose sherumatso kuṙo, kyamukooya nyoe muwe wandu wa mkaṟo ya mbaṟe iha kyiiṙi kya ichumia lyanyu lya wuele na iowuo na ikunda Ruwa,

2 Petiro 3:14

Koikyo, wakunde, kyipfa muiweṙelyia mbonyi-tso, pfuṟukanenyi kundu muwono ufoṟonyi kye muwoṙe ṙeko maa sonu mbele yakye-pfo.

2 Yohane 1:8

Ringyenyi mrima yanyu mulaṙetse shilya mulewuta, indi muambilyie wori wuafutsie.