Waebrania 12:13 - Kivunjo New Testament 1999

¹³ muachikyie maṙende ganyu njia tsigoṟotsu, kundu kyindo kyikyeri kyileeta kyilaṙetso, indi kyikyiṟo.

Waebrania 12:13 ပူးပေါင်းရင်းမြစ်များ

Luka 3:5

Orio pichi lyechiichuṟo, na orio fumvu na kyifumvu kyechititiṟo; handu haleme hechigoṟoka, na halaharendekyeri herendekyia.

Wagalatia 2:14

Kyaindi, kyiyeri ngyilewona kye mkaṟo yawo iṙuṙanyi necha na wuloi wo Ndumi Ngyicha-pfo, ngyilewia Kyefa mbele ya wandu woose, “Kokooya iyoe ukyeri Myuda nuosha miichiwie ya wandu walaiṙikyie Yesu, maa chi ya Wayuda-pfo, ny'kyilyi uitika wandu walaiṙikyie Yesu iosha miichiwie ya Wayuda?”

Wagalatia 6:1

Wana wa wama wako, mndu kaasha kyindonyi kyoose, nyoe mukyeri wa Mumuyo mmbiyiṟenyi kui ngoo ya wuhoo, ochikuringa mrima opfo ulacheyesho.

Yakobo 5:16

Tochianenyi ngyuunyamaṟi tsanyu nyoe wenyi ko wenyi, na iterewiana, muiṙime ikyiṟo. Iterewa lya mndu msumganyi lyiwoṙe kyiira mnu.

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.