Waebrania 11:6 - Kivunjo New Testament 1999

⁶ Kyaindi kulawoṙe iiṙikyia kyeiṙimika imchihiṟa-pfo; cha kyipfa mndu ekyeyenda ko Ruwa kyiwaṟi naiṙikyie kye Ruwa nakyeri pfo, na kye nekyeenenga wori walya wekyempfula.

Waebrania 11:6 ပူးပေါင်းရင်းမြစ်များ

Matayo 11:26

Yee, loi, Awu, kyipfa nyi wuṙo kyilechihiṟa mbele yapfo.”

Matayo 5:12

Chihiyonyi, na ikyesa; kyipfa wori wonyu nyi wung'anyi ruwewu. Kyipfa nyi wuṙo walepfulutsa nyashi weonguo shisuku walemusongoya nyoe.”

Matayo 6:16

“Ngoseṟa kyiyeri moṙumbuo ikuretekyia kundu muṟumishe Ruwa, mulawe cha wakulembecheṟi wawoṙe shaam shiwoṙe nzineeri. Kyipfa wekyenyamaṟa shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo.

Matayo 6:33

Kyaindi pfulenyi kuwooka Wumangyi wokye, na wusumganyi wokye; na isho shoose mochiengyeṟio.

Matayo 6:5

“Ngoseṟa kyiyeri muiterewa, mulawe cha wakulembecheṟi; kyipfa wo wakundi iterewa wagoṟokyi masinagoginyi na mbai ya njia, kundu wawono nyi wandu. Ny'kyaloi, ngyimmbia, wamuambilyia wori wowo.

Mariko 16:17

Na shiṟingyishio-shi shechioshana na iwo waiṙikyie. Kui rina lyako wechifuna waṟufui wawicho; wechiṙeṙa kui mṙeṙie ngyihya.

Luka 12:31

Indi pfulenyi Wumangyi wo Ruwa, na isho mochiengyeṟio.”

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 8:24

Koikyo ngammbia kye mochipfa mowuta wunyamaṟi; cha kyipfa mulandeiṙikyie kye inyi nyi oe ulya ngyigamba kye inyi nyi oe mochipfa mowuta wunyamaṟi.”

Waroma 10:14

Kyasia wamlage kuṙa icho walamwiṙikyie? Lyingyi-se wamwiṙikyie kuṙa icho walandemwicho? Lyingyi-se wamwicho kuṙa icho kulawoṙe moonguo mbonyi?

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Waebrania 11:26

echiwona kye imino kyipfa kya Kristo kokye nyi wunjama wung'anyi kuta masaa ga Misiri; cha kyipfa naleweṙelyia wori-wo.

Waebrania 3:12

Ambuyenyi, wana wa wama, maa umwi onyu alawaṙe mrima mmbicho ulawoṙe iiṙikyia; kui ikuletsana na Ruwa ai na moo.

Waebrania 4:2

Kyipfa nyi loi, maa soe taa luleongoyo mbonyi ngyicha chawo. Kyaindi mbonyi-tso wandu waleicho tsilewatarama kyindo-pfo kyipfa tsileṙuana na iiṙikyia lya mrimenyi ko walya waleicho-pfo.

Waebrania 4:6

Kyasia kyipfa ṙeṙo-lyi lyatsugaa ho kye kuwoṙe wandu wechiiṙa na handu-ho heonyonyia, na walya waleongoyo mbonyi-tso kyiyeri kya kacha, walelemo iiṙa na handu ho heonyonyia kyipfa kya wunyamaṟi wowo,

Waebrania 7:19

(cha kyipfa iwawaso lyilya lyileafutsia kyindo-pfo); na hamwi na isho kulewiko ikusuria lyilyicha ngoseṟa, ikusuria lyekyeluenenga itikyiria Ruwa.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

2 Petiro 1:10

Koikyo wana wa wama, pfuṟukanenyi ngoseṟa ikarisha ilago lyanyu na isambuṟo lyanyu; kyipfa mukowuta isho mochikapa ṙende-pfo.

2 Petiro 1:5

Yee, na kyipfa kya ikyo mochipfuṟukana mnu ura lonyu, iiṙikyienyi lyanyu, wikyenyi ho na wucha, na wuchenyi wonyu wuṟango.

2 Petiro 3:14

Koikyo, wakunde, kyipfa muiweṙelyia mbonyi-tso, pfuṟukanenyi kundu muwono ufoṟonyi kye muwoṙe ṙeko maa sonu mbele yakye-pfo.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”