Waebrania 11:37 - Kivunjo New Testament 1999

³⁷ Walekapo na magoe, wakamanyo kui msemeno, waleyesho, walewoogo kui ushu; waletenga-tenga waṟee njonyi tsa moondo na tsa mburu. Waweuṟie shindo shifoi, wechilyiso wukyiwa, wechiwutio shindo shiwicho;

Waebrania 11:37 ပူးပေါင်းရင်းမြစ်များ

Matayo 21:35

Waṙemi walya wakawaṙa waṟundi walya, ichu wakamkapa, na ichu wakammbaaga, na ichu wakamkapa na magoe.

Matayo 3:4

Na Yohane naweṟee ikunya lya mapfukye ga ngamia na ukowa lo njonyi kyitsinyi kyakye; na kyelya kyakye nyi-we nzie na wukyi wo nguṙunyi.

Matayo 8:20

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Luka 13:34

Iyoe Yerusalemu, Yerusalemu, uiwaaga weonguo shisuku na ikapa na magoe walya waleṙumo kopfo, nyi kyenga ngyilekunda isania wana wapfo chandu nguku yekyesania shiwana shayo makungonyi gayo, maa mulekunda-pfo.

Mawuto Ga Wasu 14:19

Kyaindi Wayuda wakacha wawuka Antiokyia na Ikonio, wakawanzia wuingyi wo wandu wawesanzie halya wakakapa Paulo na magoe, wakamkuruya nja ya mṟi, wakusaṟie kye ampfa.

Mawuto Ga Wasu 7:52

Nyi wui kyiiṙi kya weonguo shisuku waku wanyu walalempfulutsa nyashi? Wo walewaaga walya waleṙumo nyi Ruwa ionguo mbonyi tsa icha lya ulya Msumganyi; ulya nyoe wulalu mowa waṟiingyi wakye, mukommbaaga.

2 Wakorinto 12:10

Koikyo ngyichihiṟo nyi wufofo, shilahio, ngyuukyiwa tsa orio mbaṟe, kyipfa kya Kristo. Kyipfa kyiyeri ngyikyeri mfofo nyi lyo-ndu ngyiwoṙe pfinya.

Waebrania 11:25

Kawona nyi nanga ilyiso wukyiwa hamwi na wandu wa Ruwa kuta ipfula sia ya wunyamaṟi wo kyiyeri kyifuhi;

Waebrania 13:3

Kumbuonyi walya wakyeri kyipfungonyi cha ilyi muwapfungye hamwi nawo; na iwo wailyiiyo mbaka, chandu na nyoe muilyiiyo mbaka.

Ulogo 11:3

Na inyi ngyechienenga momu waṟingyishi wako wawi, nawo wechionguo shisuku mfiri kyiku, magana gawi na makumi gaṟandaaṟu, wawaṟikye makunyia.”